ხურციძეს მსოფლიო ჩემპიონის ქამარი ჩამოართვეს

ავთანდილ ხურციძე კრივში დროებითი მსოფლიო ჩემპიონის ქამარს უნდა დაემშვიდობოს. მსოფლიო კრივის ორგანიზაციამ გადაწყვეტილება სპეციალური რეზოლუციით დაადასტურა.

დოკუმენტი ოფიციალურ გვერდზეა გამოქვეყნებული. მასში არაფერია ნათქვამი იმ მძიმე ბრალდებებზე, რის საფუძველზეც ხურციძე ნიუ-იორკში წინასწარ პატიმრობაში იმყოფება. 
მიზეზად კი ვალდებულებების შეუსრულებლობას ასახელებენ.

შეგახსენებთ, რომ ავთანდილ ხურციძე 10 დღის წინ ნიუ იორკში დააკავეს. მას ბრალად ე.წ. შულაიას კრიმინალური სინდიკატის წევრობა ედება და გამოძიების მტკიცებით არაერთ მძიმე დანაშაულშია მხილებული. ის ამჟამად წინასწარ პატიმრობაში იმყოფება.


 

Related posts