ზუგდიდი-თბილისის მატარებელი მამაკაცს დაეჯახა

(რეზონანსი) ზუგდიდი-თბილისის მატარებელი სოფელ ცაცხვში 55 წლის მამაკაცს დაეჯახა. დაზარალებული 112-ის ბრიგადამ სამედიცინო დაწესებულებაში გადაიყვანა.

პაციენტს აღენიშნება ქალა-ტვინის ღია ტრავმა, თავის ტვინის დაჟეჟილობა, ტრავმული სუბარაქნოიდული და სუბდურული ჰემატომა, გულ-მკერდის დახურული ტრავმა, ნეკნების მრავლობითი მოტეხილობა.

როგორც „ნიუპოსტს” შინაგან საქმეთა სამინისტროს პრესსამსახურში განუცხადეს, მომხდარზე გამოძიება სისხლის სამართლის კოდექსის 275-ე მუხლით დაიწყო.

წყარო: resonancedaily.com

Related posts