9 წლის გორელი გოგონას მკვლელობაში ბრალდებული ი.ნ-ს საქმეს მოსამართლე საპატიმროში განიხილავს

დღეს რუსთავის სასჯელაღსრულების დაწესებულებაში გაიმართება 9 წლის გორელი გოგონას მკვლელობაში ბრალდებული ი.ნ-ს საქმის განხილვა.

საპატიმროში სხდომის ჩატარების გადაწყვეტილება მოსამართლემ მიიღო სავარაუდოდ, ბრალდებულის უსაფრთხოების მიზნით.

დღევანდელ სხდომაზე მტკიცებულებების დასაშვებობის საკითხი განიხილება.

რამდენიმე დღის წინ დაზარალებული მხარის ადვოკატმა საჯარო გახადა ექსპერტიზის დასკვნა, მათ შორის ბრალდებულის დნმ-ის აღმოჩენის შესახებ.

გამოძიების დეტალების და ბრალდებულის ფოტოსურათის გასაჯაროებას დაცვის მხარე აფასებს უდანაშაულობის პრეზუმფციის დარღვევად.

9 წლის გოგონა გორში 2018 წლის 25 ოქტომბერს გაუჩინარდა. რამდენიმე საათში სამართალდამცავებმა გოგონას ცხედარი აღმოაჩინეს მდინარე ლიახვის სანაპიროზე. მას ძალადობის კვალი აღენიშნებოდა.

პოლიციამ განზრახ მკვლელობისა და გარყვნილი ქმედების ბრალდებით დააკავა წარსულში ნასამართლევი, 33 წლის ი.ნ.

radiotavisupleba.ge

Related posts