თბილისის მერი, კახა კალაძე აბუ-დაბიში იმყოფება და შექმნილი მდგომარეობის გამო, ამ დროისთვის, საქართველოში ჩამოფრენას ვერ ახერხებს. ამის შესახებ დედაქალაქის მერიის პრესსამსახურში განაცხადეს. „თბილისის მერი შაბათ-კვირას იმყოფებოდა აბუ-დაბიში. შექმნილი მდგომარეობიდან გამომდინარე, ჯერჯერობით, ვერ ახერხებს გამოფრენას“, - განაცხადეს მერიაში.

2 წუთის წინ

დუბაიში, დოჰასა და მანამაში, ასევე იერუსალიმში დღეს დილით ძლიერი აფეთქებების ხმები ისმოდა, თეირანი მესამე დღეა აგრძელებს ისრაელისა და სპარსეთის ყურის ქვეყნებზე დარტყმებს, - ინფორმაციას The Guardian-ი ავრცელებს. სააგენტო „ფრანს-პრესის“ ცნობით კი, რამდენიმე ძლიერი აფეთქების ხმა გაისმა კატარისა და ბაჰრეინის დედაქალაქებში, ასევე არაბთა გაერთიანებული საამიროების ქალაქ დუბაიში.

4 წუთის წინ

რანის ეროვნული უსაფრთხოების უმაღლესი საბჭოს ხელმძღვანელის ალი ლარიჯანის განცხადებით, ირანი შეერთებულ შტატებთან მოლაპარაკებას არ დაიწყებს. „დონალდ ტრამპმა რეგიონი ქაოსში ჩააგდო თავისი ცრუ იმედებით და ახლა ამერიკელი ჯარისკაცების მოსალოდნელი დანაკარგებით შეშფოთებულია" - აღნიშნა ლარიჯანმა.

11 წუთის წინ

თბილისში, ირანის ისლამური რესპუბლიკის საელჩოსთან აქცია მიმდინარეობს. აქციის მონაწილეებს მიტანილი აქვთ ირანის და ამერიკის შეერთებული შტატების დროშები. ისინი ირანში, აშშ-ისა და ისრაელის მიერ განხორციელებულ იერიშების შედეგებს ზეიმობენ. “ბედნიერები ვართ, მადლობა ტრამპს, მადლობა ბენიამინ ნეთანიაჰუს”,- აცხადებენ აქციის მონაწილეები, რომელთაც უჭირავთ ირანისა და აშშ-ის დროშები.

19 საათის წინ

არაბთა გაერთიანებული საამიროების თავდაცვის სამინისტროს განცხადებით, ირანის მიერ რაკეტებით და დრონებით განხორციელებული თავდასხმების შედეგად სამი ადამიანი დაიღუპა. „ჩვენმა საჰაერო თავდაცვამ ამ დროისთვის 167 რაკეტა და 541 ირანული დრონი მოიგერია. ირანის თავდასხმების შედეგად სამი ადამიანი დაიღუპა - პაკისტანის, ნეპალისა და ბანგლადეშის მოქალაქეები“, - აღნიშნულია სამინისტროს განცხადებაში.

19 საათის წინ

ბელგიამ რუსეთის „ჩრდილოვანი ფლოტის“ კუთვნილი ნავთობტანკერი დააკავა. ამის შესახებ ბელგიის თავდაცვის მინისტრმა თეო ფრანკენმა განაცხადა. „ბოლო რამდენიმე საათის განმავლობაში, ჩვენი შეიარაღებული ძალები, საფრანგეთის თავდაცვის მხარდაჭერით, რუსეთის ჩრდილოვანი ფლოტის კუთვნილ ნავთობტანკერზე ავიდნენ“, - განაცხადა ფრანკენმა კვირას დილით X-ზე გამოქვეყნებულ პოსტში.

19 საათის წინ

ისრაელის ქალაქ ბეით-შემეშში ირანის ბალისტიკური რაკეტის ჩამოვარდნის შედეგად 6 ადამიანი დაიღუპა, - ინფორმაციას The Times of Israel-ი ავრცელებს. გამოცემის ცნობით, რაკეტა ქალაქის საცხოვრებელ უბანში დაეცა. მედიკოსების თქმით, საავადმყოფოებში 23 დაშავებული გადაიყვანეს, მათ შორის ორი მძიმე მდგომარეობაშია, სამი საშუალო სიმძიმის, ხოლო 18 მსუბუქად არის დაშავებული.

19 საათის წინ

ჩინეთის საგარეო საქმეთა მინისტრის, ვან ის განცხადებით, აშშ-ისრაელის თავდასხმა ირანზე მიუღებელია და სამხედრო მოქმედებები უნდა შეწყდეს. მისი თქმით, ჩინეთი გმობს „სუვერენული ლიდერის აშკარა მკვლელობას და რეჟიმის შეცვლის წაქეზებას“. ჩინეთის საგარეო საქმეთა მინისტრის მტკიცებით, პეკინი ძალიან შეშფოთებულია იმით, რომ „ახლო აღმოსავლეთში არსებული ვითარება შესაძლოა სახიფათო უფსკრულში აღმოჩნდეს“.

19 საათის წინ

ისრაელში საქართველოს საელჩო ქვეყნის დატოვების მსურველ საქართველოს მოქალაქეებისთვის საზღვრის კვეთასთან დაკავშირებით ინფორმაციას ავრცელებს. გავრცელებული ინფორმაციის თანახმად, ქვეყნის დატოვების მსურველებს შეუძლიათ ისრაელის სახელმწიფოს დატოვება სახმელეთო გზით - ეგვიპტის ან იორდანიის გავლით. ქვეყანაში არსებული სიტუაციიდან გამომდინარე, ამ დროისთვის ისრაელის საჰაერო სივრცე დახურულია.

19 საათის წინ

აიათოლა ალი ხამენეის სიკვდილი ირანის ისტორიაში გადამწყვეტი მომენტია. გაურკვეველია, რა მოხდება შემდეგ. თუმცა, ახლა გზა ღიაა განსხვავებული ირანისკენ, ისეთისკენ, რომლის ჩამოყალიბების თავისუფლებაც მის ხალხს შეიძლება მეტი ჰქონდეს, - ამის შესახებ ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში კაია კალასი სოციალურ ქსელში წერს. მისი თქმით, კონტაქტში იმყოფება პარტნიორებთან, რათა დეესკალაციისთვის საჭირო ნაბიჯები გამოძებნონ.

22 საათის წინ

თბილისის მერია - უხვი ნალექის გამო, დედაქალაქში გარკვეული პრობლემები შეიქმნა, რამდენიმე მისამართზე ჩამოიშალა გრუნტის დამჭერი კედელი და მიწა, ისანში კი ერთ-ერთი ავარიული სახლის კედელი - შემთხვევების გამო არავინ დაშავებულა

22 საათის წინ

რეგიონში მიმდინარე მოვლენების გამო, თბილისისა და ბათუმის საერთაშორისო აეროპორტებიდან ჯამში, 20-ზე მეტი ფრენა გაუქმდა, თელ-ავივი - 7 რეისი; შარჟა - 2 რეისი; დუბაი - 3 რეისი; დოჰა - 3 რეისი; აბუ-დაბი - 1 რეისი; ქუვეითი - 1 რეისი; ამასთან, ბათუმის საერთაშორისო აეროპორტიდან გაუქმდა 4 ფრენა თელ-ავივის მიმართულებით.

22 საათის წინ

ირანის პრეზიდენტის მასუდ პეზეშკიანის განცხადებით, აშშ-სა და ისრაელის საჰაერო დარტყმების შედეგად უზენაესი ლიდერის, აიათოლა ალი ხამენეის მკვლელობა მუსლიმების წინააღმდეგ ომის გამოცხადებაა. მისი თქმით, ხამენეის მკვლელობისთვის შურისძიება ისლამური რესპუბლიკის უფლება და ვალდებულებაა.

23 საათის წინ

ისრაელის თავდაცვის ძალების ცნობით, ისრაელის საჰაერო ძალებმა ირანის დედაქალაქ თეირანზე დარტყმების ახალი ტალღა განახორციელა. „ოპერაცია „ლომის ღრიალის“ დაწყებიდან პირველად: ისრაელის თავდაცვის ძალები თეირანის გულში ირანის ტერორისტული რეჟიმის სამიზნეებს ურტყამს“, - ნათქვამია თავდაცვის ძალების განცხადებაში.

23 საათის წინ

დღეიდან „შრომითი მიგრაციის შესახებ კანონში“ ცვლილებები ამოქმედდა, რომლის თანახმადაც საქართველოში, უცხოელთა დასაქმება/თვითდასაქმება მხოლოდ შესაბამისი რეგულაციების დაცვით მოხდება. ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის საინისტროს ცნობით, იმისათვის, რომ უცხო ქვეყნის მოქალაქე კანონიერად დასაქმდეს, ან განახორციელოს შრომითი/სამეწარმეო საქმიანობა, მათ შორის დისტანციურად, „შრომითი საქმიანობის უფლება“ უნდა მოიპოვოს.

23 საათის წინ

პაკისტანის საპორტო ქალაქ კარაჩიში ასობით მომიტინგე აშშ-ის საკონსულოს შენობაში შეიჭრა. მედიის ინფორმაციით, პოლიციასთან შეტაკებების შედეგად, სულ მცირე ექვსი ადამიანი დაიღუპა. ამასთან, ედჰის ფონდის სამაშველო სამსახურის პრესსპიკერმა მუჰამედ ამინმა საინფორმაციო სააგენტო „ფრანს-პრესს“ განუცხადა, რომ დაღუპულია 8 ადამიანი, 20 კი - დაშავდა.

23 საათის წინ

ისრაელის თავდაცვის ძალების ცნობით, დღეს დილით დასავლეთ და ცენტრალურ ირანში სულ მცირე 30 ობიექტი დაბომბეს. „დარტყმების სამიზნე საჰაერო თავდაცვის სისტემები, რაკეტების გამშვები დანადგარები, რეჟიმის სამიზნეები და სამხედრო სამეთაურო ცენტრები იყო“, - აღნიშნულია ისრაელის თავდაცვის ძალების განცხადებაში

01-03-2026 13:44

ირანის სახელმწიფო მედიამ დაადასტურა, რომ აშშ-სა და ისრაელის მიერ ირანზე განხორციელებული თავდასხმების შედეგად ირანის თავდაცვის მინისტრი და შეიარაღებული ძალების შტაბის უფროსი დაიღუპნენ, - ინფორმაციას CNN-ი ავრცელებს. სააგენტოს ცნობით, ლიკვიდირებულია ქვეყნის თავდაცვის მინისტრი აზიზ ნასირზადეც.

01-03-2026 13:41

თბილისის პოლიციის დეპარტამენტის არასრულწლოვნების საქმეთა მთავარი სამმართველოს თანამშრომლებმა, ჯანმრთელობის განზრახ მძიმე დაზიანების ბრალდებით - 2011 წელს დაბადებული ნ.მ. დააკავეს. გამოძიებით დადგინდა, რომ ბრალდებულმა, თემქის დასახლებაში მდებარე პარკში, წარსულში არსებული კონფლიქტის ნიადაგზე - 2008 წელს დაბადებულ მ.ჭ-ს შუშის ნატეხით სახის არეში მძიმე დაზიანებები მიაყენა და შემთხვევის ადგილიდან მიიმალა.

01-03-2026 13:36

ამერიკელებმა ირანელ ხალხს გულში დანა ჩაარტყეს და ჩვენც მათ გულში დანით დავჭრით, - ამის შესახებ ირანის ეროვნული უსაფრთხოების უმაღლესი საბჭოს მდივანმა, ალი ლარიჯანიმ განაცხადა. მისი თქმით, ირანი აშშ-სა და ისრაელის წინააღმდეგ შურს იძიებს.

01-03-2026 13:33