მშობლის მიერ ბავშვზე ძალადობის შემთხვევების რიცხვი გაიზარდა

2019 წლის ხუთ თვეში ბავშვის მიმართ განხორციელებულ ძალადობაზე 110 მშობელს სისხლის სამართლებრივი პასუხისმგებლობა დაეკისრა. მიმდინარე წელს, მშობლების მიერ ბავშვებზე ძალადობის შემთხვევებმა მნიშვნელოვნად იმატა, გაზრდილია შემაკავებელი ორდენების გამოცემისა და გამოძიების დაწყების მაჩვენებელიც.ამის შესახებ იურიდიულ საკითხთა კომიტეტის სხდომაზე საქართველოს შინაგან საქმეთა სამინისტროს, ადამიანის უფლებათა დაცვისა და გამოძიების ხარისხის მონიტორინგის დეპარტამენტის ადამიანის უფლებათა დაცვის სამმართველოს უფროსმა, გოგა ხატიაშვილმა განაცხადა.. ბავშვთა მიმართ ძალადობის 2019 წელს გახშირებულ შემთხვევბს ადამიანის უფლებათა ცენტრის იურისტი, ალექსი მერებაშვილი გამოეხმაურა. მისი თქმით, ამ კუთხით სამუშაო ბევრია სახელმწიფო უწყებების მხრიდან და ბავშვის უფლებათა კოდექსი, რომელიც ახლახან იქნა მიღებული, დანაშაულის პრევენციის კუთხით იქნება ერთ-ერთი მნიშვნელოვანი საკანონმდებლო გარანტი. მშობლის მიერ ბავშვზე ძალადობა რომ დღემდე მწვავე პრობლემად რჩება, ამას ფსიქოლოგი, ეკა მენაბდიშვილიც ადასტურებს.მისი თქმით, აუცილებელია ფსიქოლოგიურიმდახმარება როგორც მოძალადის, ასევე ძალადობის მხვერპლის მიმართ. აგრეთვე მნიშვნელოვანია შესაბამისი აქტივობების განხორციელება მშობლელთა ცნობიერების ამაღლების მიზნით. პარლამენტის თავმჯდომარემ არჩილ თალაკვაძემ და ადამიანის უფლებათა დაცვის კომიტეტის თავმჯდომარემ სოფიო კილაძემ „ბავშვის უფლებათა კოდექსის“ რეგიონული საინფორმაციო კამპანია გახსნეს და კოდექსის ფარგლებში განსახორციელებელი 10 პროგრამის პრეზენტაცია გამართეს.არჩილ თალაკვაძის განცხადებით, „ბავშვის უფლებათა კოდექსი“ ქმნის ბავშვის სიღარიბისგან დაცვის, კეთილდღეობის დაცვის, ძალადობისგან დაცვის თვისობრივად ახალ გარანტიებს.

Related posts