რუსეთი 2026 წლის ოლიმპიადაზე თავისი დროშით ომის შეწყვეტის შემთხვევაშიც ვერ გამოვა. ამის შესახებ საერთაშორისო ოლიმპიური კომიტეტის პრეზიდენტმა, კირსტი კოვენტრიმ ინტერვიუში განაცხადა. რუს სპორტსმენებს თებერვლის ოლიმპიადაში მონაწილეობის მიღების უფლება ინდივიდუალურ საფუძველზე მისცეს. ზამთრის ოლიმპიადა 6-22 თებერვალს იტალიურ მილანსა და კორტინა დ’ამპეცოში გაიმართება.

46 წუთის წინ

"საქართველო რუსულ ბანაკშია" -  აცხადებს  ესტონეთის პარლამენტის საგარეო ურთიერთობათა კომიტეტის თავმჯდომარე, მარკო მიხელსონი.  იგი ყოფილი ამერიკელი კონგრესმენის, ადამ კინზინგერის პოსტს ეხმაურება, რომელიც წერს: „რატომ უშვებს საქართველო რუსულ ფრენებს ირანში მისი ტერიტორიის გავლით?“

56 წუთის წინ

საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის კმ79-კმ93 (მლეთა-გუდაური) მონაკვეთზე მსუბუქი ავტოტრანსპორტის მოძრაობა აღდგენილია და განხორციელდება ცალმხრივ რეჟიმში, ხოლო დანარჩენი სახის ავტოტრანსპორტის მოძრაობა დროებით შეზღუდულია. ამის შესახებ ინფორმაციას საავტომობილო გზების დეპარტამენტი ავრცელებს.

1 საათის წინ

პატიმრებთან დაკავშირებით 3-ჯერ გვაქვს დაყენებული საკითხი, რომ ვისაც დანაშაული მსუბუქად შეიძლება ჩაეთვალოს, იქნებ გათავისუფლდეს, მათ შორის მზია ამაღლობელთან დაკავშირებით - არ მიეცა საკითხს მსვლელობა , - ამის შესახებ საპატრიარქოს საზოგადოებასთან ურთიერთობის სამსახურის ხელმძღვანელმა, დეკანოზმა ანდრია ჯაღმაიძემ განაცხადა.

5 საათის წინ

შსს თბილისში, ზურაბ ავალიშვილის ქუჩის მიმდებარედ მომხდარ მკვლელობასთან დაკავშირებით ინფორმაციას ავრცელებს. უწყების თანახმად, შინაგან საქმეთა სამინისტროს თბილისის პოლიციის დეპარტამენტის თანამშრომლებმა, განზრახ მკვლელობისა და ცეცხლსასროლი იარაღის უკანონო შეძენა-შენახვა-ტარების ბრალდებით - 1968 წელს დაბადებული მ.ბ. დააკავეს.

5 საათის წინ

შვეიცარიის პრეზიდენტმა გი პარმელენმა კრანს-მონტანას სათხილამურო კურორტზე მდებარე ერთ-ერთ ბარში გაჩენილი ხანძრის შედეგად მომხდარი ტრაგედიის გამო ქვეყანაში ხუთდღიანი გლოვა . პრეზიდენტის თქმით, ხანძარი ერთ-ერთი უდიდესი ტრაგედიაა ქვეყნის ისტორიაში. ამ დროისთვის არსებული მონაცემებით, ხანძრის შედეგად 40 ადამიანი დაიღუპა და 115 დაშავდა.

6 საათის წინ

ირანში მიმდინარე საპროტესტო აქციების დროს მომხდარი არეულობის შედეგად რამდენიმე ადამიანი დაიღუპა, - ინფორმაციას Reuters-ი ავრცელებს. გამოცემა საინფორმაციო სააგენტო „ფარსზე“ დაყრდნობით იუწყება, რომ ირანის დასავლეთ პროვინცია ლორესტანში პოლიციის განყოფილებაზე თავდასხმის დროს სამი მომიტინგე დაიღუპა და 17 დაშავდა.

6 საათის წინ

2026 წლის 1-ლი იანვრიდან შორ მანძილზე მიკროავტობუსებით მგზავრთა გადაყვანა აღარ იქნება შესაძლებელი. ქალაქებს და ასევე 150 კილომეტრზე მეტი მანძილით დაშორებულ საქართველოში მდებარე დასახლებებს შორის სამგზავრო გადაყვანისას უნდა მოემსახუროს მხოლოდ III კლასის არანაკლებ 35 დასაჯდომი ადგილის მქონე M3 კატეგორიისა ავტობუსი, რომლის გამოშვების თარიღიდან გასულია არაუმეტეს 20 წლისა.

22 საათის წინ

ფინეთის ხელისუფლებამ დააკავა სატვირთო გემი „ფიტბურგი“, რომელიც ეჭვმიტანილია ჰელსინკსა და ტალინს შორის სატელეკომუნიკაციო წყალქვეშა კაბელის დაზიანებაში. ფინეთის საზოგადოებრივი მაუწყებლის ცნობით, Fitburg-ი სენტ-ვინსენტისა და გრენადინების დროშის ქვეშ მცურავი სატვირთო გემია და ეკიპაჟის წევრები საქართველოს, რუსეთის, აზერბაიჯანისა და ყაზახეთის მოქალაქეები არიან. დაკავებულია ეკიპაჟის 14 წევრი.

23 საათის წინ

2026 წლის 1-ლი იანვრიდან უცხოელ ტურისტებს საქართველოში შემოსვლისას ახალი ვალდებულება უჩნდებათ. საუბარია, ჯანმრთელობისა და უბედური შემთხვევების დაზღვევის პოლისზე, რომლის მატერიალური ან ელექტრონული ფორმით (ქართულ, ან ინგლისურ ენაზე) ქონა, მათთვის სავალდებულო ხდება.

23 საათის წინ

2026 წლის 1-ელი იანვრიდან ერთჯერადი დანიშნულების პლასტმასის ჭურჭლის მიმოქცევა იკრძალება და აკრძალვასთან ერთად ფინანსური ჯარიმები წესდება. მთავრობის გადაწყვეტილებით, 1-ელი იანვრიდან აკრძალულია პლასტმასისგან დამზადებული ჩანგლების, დანების, კოვზების, ჩხირების, თეფშების, საწრუპების, სასურსათო კონტეინერების, ჭიქების და მათი თავსახურების წარმოება, იმპორტი და ბაზარზე განთავსება.

23 საათის წინ

ირანში მიმდინარე საპროტესტო აქციებზე ქვეყნის უსაფრთხოების ძალების წევრი დაიღუპა, - ინფორმაციას Reuters-ი ირანის სახელმწიფო მედიაზე დაყრდნობით ავრცელებს. ირანის სახელმწიფო მედიის ცნობით, მოხალისეობრივი სამხედრო დაჯგუფების „ბასიჯის“ წევრი ქალაქ კუჰდაშტში დაიღუპა.

23 საათის წინ

გარემოს სააგენტოს ინფორმაციით, 3 და 4 იანვარს საქართველოში ტემპერატურის მკვეთრი დაცემაა მოსალოდნელი. კოლხეთის დაბლობზე ზოგან ღამის ტემპერატურა შესაძლებელია -8, ხოლო შიდა ქართლში -17 გრადუსამდე დაეცეს. შესაძლოა, მნიშვნელოვნად დაზიანდეს სუბტროპიკული კულტურები და ვაზის ნარგავები.

23 საათის წინ

გზების დეპარტამენტი - მოქალაქეები, რომლებიც მესტიაში, ზვავის ჩამოწოლის გამო გვირაბში ჩარჩნენ, უსაფრთხოდ არიან გამოყვანილნი.  ზუგდიდი–ჯვარი–მესტია–ლასდილის საავტომობილო გზის კმ30–კმ100 (ჯვარი–ლახამულა) და კმ185–კმ190 (უშგული–ლასდილი) მონაკვეთებზე, სადაც წუხელ გვიან საღამოს ზვავი ჩამოწვა, ყველა სახის ავტოტრანსპორტის მოძრაობა აკრძალულია.

01-01-2026 16:16

საავტომობილო გზების დეპარტამენტის ინფორმაციით, დიდთოვლობის გამო, შიდასახელმწიფოებრივი მნიშვნელობის ქუთაისი(ჭომა)-ალპანა-მამისონის უღელტეხილის საავტომობილო გზის კმ40-კმ141 (ქორენიში-შოვი) მონაკვეთზე დასაშვებია მხოლოდ მაღალი გამავლობის (ორი და მეტი წამყვანი ხიდის მქონე) ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა შეზღუდულია.

01-01-2026 16:11

კვიპროსი ევროკავშირის საბჭოს თავმჯდომარე ქვეყანა გახდა. კვიპროსმა დღეს დანიისგან ევროკავშირის საბჭოს თავმჯდომარეობა მომდევნო ექვსი თვით ოფიციალურად გადაიბარა. კვიპროსის თავმჯდომარეობის განცხადებით, მომდევნო ექვსი თვის განმავლობაში პრიორიტეტი ევროკავშირის ავტონომიურობა იქნება.

01-01-2026 16:08

პოლიციის განცხადებით, შვეიცარიაში სათხილამურო კურორტზე აფეთქების შედეგად, ათობით ადამიანი დაიღუპა და 100-ზე მეტი დაშავდა. მანამდე, იტალიის საგარეო საქმეთა სამინისტროში შვეიცარიის პოლიციიდან მიღებულ ინფორმაციაზე დაყრდნობით განაცხადეს, რომ დაღუპულთა რიცხვი დაახლოებით 40-ს აღწევს, თუმცა პოლიციამ პრესკონფერენციაზე ზუსტი რიცხვი არ დაასახელა.

01-01-2026 16:03

შვეიცარიაში სათხილამურო კურორტზე აფეთქება მოხდა, არის მსხვერპლი, - ინფორმაციას BBC-ი ავრცელებს. გამოცემის ცნობით, შვეიცარიაში, კრანს-მონტანას სათხილამურო კურორტზე მდებარე ერთ-ერთ ბარში მომხდარი აფეთქების შედეგად, რამდენიმე ადამიანი დაიღუპა და რამდენიმე დაშავდა. გავრცელებული ინფორმაციით, აფეთქება ადგილობრივი დროით 1:30 საათზე Le Constellation-ის ბარში ახალი წლის აღნიშვნისას მოხდა.

01-01-2026 15:57

ბულგარეთი ევროზონას შეუერთდა, - ინფორმაციას Reuters-ი ავრცელებს. ბულგარეთი ევროზონის 21-ე წევრი გახდა და მისი ეროვნული ვალუტა, ლევი - ევრომ შეცვალა. გამოცემა წერს, რომ გამოკითხვების თანახმად, ბულგარეთში ევროს მიღებას ამომრჩეველთა ნახევარი ეწინააღმდეგება. ბულგარეთი ევროზონას პოლიტიკური კრიზისის ფონზე შეუერთდა.

01-01-2026 15:54

საავტომობილო გზების დეპარტამენტის ინფორმაციით, ზვავსაშიშროების საფრთხის გამო მცხეთა–სტეფანწმინდა–ლარსის საავტომობილო გზის გუდაური(ფოსტა)–კობის მონაკვეთზე იზღუდება ყველა სახის ავტოტრანსპორტის მოძრაობა. მათივე ინფორმაციით, საავტომობილო გზის დანარჩენ მონაკვეთებზე ავტოტრანსპორტის მოძრაობა თავისუფალია.

01-01-2026 15:50