მთავრობის ადმინისტრაციასთან ილიას სახელმწიფო უნივერსიტეტის ლექტორები არიან შეკრებილი. პროფესორებმა კანცელარიაში მიმართვა შეიტანეს, რომლითაც პრემიერ-მინისტრ ირაკლი კობახიძესთან შეხვედრა მოითხოვეს. მათი თქმით, პრემიერთან შეხვედრისას შეეცდებიან დაარწმუნონ, რომ განათლების სამინისტროს მიერ დაანონსებული რეფორმა არასწორია და რეფორმა უნდა შეჩერდეს. პრემიერ-მინისტრის სახელზე დაწერილ მიმართვას, ილიას სახელმწიფო უნივერსიტეტის 224 ლექტორი აწერს ხელს.

2 წუთის წინ

მთავრობამ სურსათთან კონტაქტში მყოფი პლასტმასის გარკვეული პროდუქციის ეტაპობრივი აკრძალვის დადგენილება მიიღო - აკრძალვა არ გავრცელდება 3 ლიტრი და მეტი მოცულობის სასმელ წყალზე, ასევე, 20 ლიტრი და მეტი მოცულობის სასმელებზე.  2026 წლის 1-ელი ივლისიდან აიკრძალება საზოგადოებრივი კვების ობიექტების მიერ მომხმარებლისთვის პლასტმასის ბოთლებით სასმელის მიწოდება, ხოლო 2027 წლის 1 -ელი თებერვლიდან აიკრძალება პლასტმასის ბოთლებში სასმელების წარმოება (გარდა ექსპორტის მიზნით), იმპორტი და ბაზარზე განთავსება.

8 წუთის წინ

აშშ დოლარის ოფიციალური ღირებულება 2.7321 ლარი გახდა. ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.7321 ლარი გახდა. კურსი, რომელიც დღეს მოქმედებდა, 2.7300 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0021 ლარი შეადგინა. რაც შეეხება ევროს, მისი კურსი 3.1564 ლარია. მაშინ, როცა დღეს მოქმედი კურსი 3.1695 ლარს შეადგენდა. შესაბამისად, ევროს ცვლილებამ 0.0131 ლარი შეადგინა.

45 წუთის წინ

ისრაელის საჰაერო ძალებმა ირანში ბირთვული ობიექტს დაარტყეს, - ინფორმაციას ისრაელის თავდაცვის ძალები ავრცელებს. ისრაელის თავდაცვის ძალების განცხადებით, საჰაერო ძალებმა თეირანთან ახლოს მდებარე ტალეღანის კომპლექსს დაარტყეს, სადაც ირანის რეჟიმი „ბირთვული შესაძლებლობის განვითარებაზე მუშაობდა“. „რეჟიმი ობიექტს ასაფეთქებელი საშუალებებისა და ექსპერიმენტების ჩასატარებლად იყენებდა“, - ნათქვამია განცხადებაში.

1 საათის წინ

მნიშვნელოვანი იყო, რომ ერთი მხრივ, მიღწეული ყოფილიყო ჰაერის ხარისხის გაუმჯობესების მიზანი და მეორე მხრივ, გათვალისწინებული ყოფილიყო კერძო სექტორის ინტერესები, - ამის შესახებ გარემოს დაცვისა და სოფლის მეურნეობის მინისტრმა დავით სონღულაშვილმა 6 წელზე მეტი წლოვანების ავტომობილებზე, შემოყვანის აკრძალვის ნაცვლად, განბაჟების 4.5 ლარიანი ტარიფის დაწესებასთან დაკავშირებით განაცხადა. მისივე თქმით, გადაწყვეტილება მიღებულ იქნა მოქალაქეების საუკეთესო ინტერესებიდან გამომდინარე.

1 საათის წინ

კითხვაზე, ქართული მხრიდან იყო თუ არა თხოვნა ევროპარლამენტში გამოსვლისას ეთქვა, რომ „ევროკავშირში სომხეთის ინტეგრაციის გზაზე ერთ-ერთი ყველაზე დიდი დაბრკოლება ევროკავშირსა და საქართველოს შორის პოლიტიკური დიალოგის გაყინვაა“, სომხეთის პრემიერ-მინისტრმა, ნიკოლ ფაშინიანმა უპასუხა, რომ „ქართული მხრიდან არანაირი თხოვნა ან მოწოდება არ ყოფილა“.

1 საათის წინ

შსს - პარლამენტის წინ, კარავში ხანძარი გაჩნდა, რასთან დაკავშირებითაც გამოძიება დაიწყო, გამოიკითხა ადგილზე მყოფი გოჩა ბაშელიშვილი, რომან იაცენკო და დარეჯან ცხვიტარია - ამოღებულია დაზიანებული კარავი და გათავისუფლდა პერიმეტრი

2 საათის წინ

გივი თარგამაძე - გამოკითხვის ძირითადი არსი იყო, რომ ასეთ ვითარებაში ჩემი განცხადება ვნებდა თუ არა ქვეყანას - ჩემი პასუხი არის ერთმნიშვნელოვნად „არა“! - შევეცადე ამეხსნა, რომ ქვეყანას ვნებს რაც ხდება და რისი პრევენციაც ვერ ხერხდება

2 საათის წინ

თუ ლიბანი „ჰეზბოლას“ თავდასხმებს არ შეაჩერებს, მაშინ ამას ისრაელი თავად გააკეთებს, - ამის შესახებ ისრაელის თავდაცვის მინისტრმა, ისრაელ კაცმა განაცხადა. ისრაელ კაცის ცნობით, მან და ისრაელის პრემიერ-მინისტრმა, ბენიამინ ნეთანიაჰუმ ისრაელის თავდაცვის ძალებს უბრძანეს, რომ „ლიბანში მოქმედების გაფართოებისთვის მოემზადონ“. ცნობისთვის, ლიბანის ხელისუფლების ინფორმაციით, ისრაელსა და „ჰეზბოლას“ შორის კონფლიქტის განახლების შემდეგ ლიბანში ისრაელის დარტყმების შედეგად 600-ზე მეტი ადამიანი დაიღუპა.

3 საათის წინ

საქართველოს ხელისუფლება ქვეყანაში 6 წელზე მეტი წლოვანების ავტომობილების შემოყვანას აღარ კრძალავს. სანაცვლოდ, მთავრობის გადაწყვეტილებით, ავტომობილის შემოყვანის აქციზი კონკრეტული თანხით, ანუ ერთ კუბზე 4,5 ლარით განისაზღვრება. ამის შესახებ საქართველოს პრემიერ-მინისტრმა ირაკლი კობახიძემ მთავრობის სხდომაზე განაცხადა.

3 საათის წინ

ირანის მიერ ერაყის ტერიტორიულ წყლებში დარტყმის შედეგად საბერძნეთის საკუთრებაში მყოფ ტანკერს ცეცხლი გაუჩნდა - ტანკერზე საქართველოს 22 მოქალაქე იმყოფებოდა, - ინფორმაციას ბერძნული მედია ავრცელებს. მედიის ცნობით, მალტის დროშის ქვეშ მცურავი ტანკერი Zefyros-ი ერაყის ტერიტორიულ წყლებში გემიდან გემზე ტვირთის გადაზიდვას ახორციელებდა, როდესაც მას, სავარაუდოდ, ასაფეთქებელი საშუალებებით დატვირთულმა ირანულმა უპილოტო ნავმა დაარტყა. თავდასხმის შემდეგ ტანკერზე ხანძარი გაჩნდა, თუმცა მისი ლიკვიდაცია ერაყის სახანძრო სამსახურებმა შეძლეს.

3 საათის წინ

ტრუსკავეც -მდინარაძე, რომელიც სახელმწიფო უსაფრთხოების გარდა ყველაფერს იცავს და სინამდვილეში, პროპაგანდისტების უსტაბაშია, ისევე როგორც მისი ბნელი პატრონი, უნდა გავაწბილო: "ერთიანი ნაციონალური მოძრაობის" დელეგატებმა წარმომადგენლობითი ყრილობით, დემოკრატიული მანდატით ეს უდიდესი პასუხისმგებლობა მომანდეს და მე ბრძოლის ველიდან გაქცევას არ ვაპირებ. ვიბრძვით გამარჯვებამდე! - ამის შესახებ განცხადება „ნაციონალური მოძრაობის“ თავმჯდომარემ თინა ბოკუჩავამ გაავრცელა

3 საათის წინ

ნიკოლოზ ყიფშიძის სახელობის თბილისის რესპუბლიკურ საავადმყოფოს ახალი დირექტორი ჰყავს. სამედიცინო დაწესებულების დირექტორის თანამდებობაზე ჯავარა უგრეხელიძე დაინიშნა. ჯანდაცვის სამინისტროს ინფორმაციით, ახალი დირექტორი თანამშრომლებს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა წარუდგინა. „მიხეილ სარჯველაძემ, თანამშრომლებს, კლინიკის განვითარების სამომავლო გეგმები გააცნო და ჯავარა უგრეხელიძეს წარმატებები უსურვა.

4 საათის წინ

ცდილობენ ელენე ხოშტარიასგან, ადამიანისგან, რომელიც რუსეთისგან იღებს დაფინანსებას, წამებული ჟანა დარკი გამოძერწონ - საზოგადოების და სახელმწიფოს ასეთი დაცინვა, უბრალოდ, წარმოუდგენელია, - ამის შესახებ პარლამენტის ევროპასთან ინტეგრაციის კომიტეტის თავმჯდომარემ, ლევან მახაშვილმა ევროპარლამენტში გამართული დებატების კომენტირებისას განაცხადა. მისივე თქმით, დებატებზე მოვისმინეთ წახალისება იმ ადამიანების, რომლებიც სახელმწიფო ინსტიტუტებს ებრძვიან.

4 საათის წინ

ეუთო საქართველოს დე-ფაქტო მთავრობას მოუწოდებს, უარი თქვას პოლიტიკური პარტიების აკრძალვაზე, ასევე, ისინი აღნიშნავენ პოლიტიკური პატიმრების პრობლემას ამ ქვეყანაში. ეს არის ის საკითხები, რომელთა ფონზეც კონსტრუქციული დიალოგი უბრალოდ შეუძლებელია, - ამის შესახებ „თავისუფლების მოედნის“ პოლიტიკურმა მდივანმა, ირაკლი ქობალიამ ჟურნალისტებთან საუბრისას აღნიშნა. მისივე შეფასებით, „ქართულ ოცნებას“ დიალოგისთვის მზაობის გამოხატვა შეუძლია იმ პრობლემების ამოწურვით, რომელიც უკავშირდება პოლიტიკური პატიმრების საკითხს“.

4 საათის წინ

ცენტრალურ ბეირუთში ისრაელის დარტყმის შედეგად 7 ადამიანი დაიღუპა, - ინფორმაციას The Times of Israel-ი ავრცელებს. ლიბანის სახელმწიფო მედიის ცნობით, ცენტრალურ ბეირუთში განხორციელებული დარტყმის სამიზნე ავტომობილი იყო. ლიბანის ჯანდაცვის სამინისტროში განაცხადეს, რომ დარტყმის შედეგად, სულ მცირე, 21 ადამიანი დაშავდა.

4 საათის წინ

ირანის ახალი უზენაესი ლიდერი დაშავებულია, თუმცა თავს კარგად გრძნობს, - ამის შესახებ ირანის საგარეო საქმეთა სამინისტროს პრესსპიკერმა, ესმაილ ბაგაიმ იტალიურ მედიასთან ინტერვიუში განაცხადა. „არ ვიცი მისი პირველი სიტყვით გამოსვლა როდის იქნება“, - განაცხადა ბაგაიმ. ესმაილ ბაგაიმ მოჯთაბა ხემენეის ირანის უზენაეს ლიდერად არჩევის პროცესზეც ისაუბრა და აღნიშნა, რომ მისი არჩევა კონსტიტუციის შესაბამისად მოხდა.

4 საათის წინ

სუს-ში დიდ გონორზე შესული ბევრი გვინახავს და იქიდან გამოსულები ვნახეთ მერე როგორ მდგომარეობაში არიან - არ ვიცი, რა სათქმელი აქვთ, რით შევა და რით გამოვა, მაგრამ ეს ნანახი გვაქვს უკვე, - ასე უპასუხა პარლამენტის თავმჯდომარემ, შალვა პაპუაშვილმა ჟურნალისტების შეკითხვას, რომელიც ოპოზიციონერი პოლიტიკოსის, გივი თარგამაძის სახელმწიფო უსაფრთხოების სამსახურში გამოკითხვაზე დაბარებას შეეხებოდა. როგორც მან აღნიშნა, „ესენი არიან მოღალატე ჭორიკანები“.

4 საათის წინ

როგორც იქნა ვიპოვე ჩემი თავი და წარმოვადგინე სუს-ში- ყველა ჩემი განცხადება ეფუძნებოდა ღია წყაროებიდან მოპოვებულ ინფორმაციას, შესაბამისად, არაფერი დასასაბუთებელი არ მაქვს,- ამის შესახებ ოპოზიციონერმა პოლიტიკოსმა, გივი თარგამაძემ სახელმწიფო უსაფრთხოების სამსახურში გამოკითხვაზე შესვლამდე განაცხადა. როგორც თარგამაძემ აღნიშნა, სათქმელი ძალიან ბევრი აქვს, მაგრამ არ იცის, მოუსმენენ თუ არა.

4 საათის წინ

ირანი თითქმის დასრულების პირასაა, მაგრამ ეს არ ნიშნავს იმას, რომ ჩვენ დაუყოვნებლივ დავასრულებთ, - ამის შესახებ აშშ-ის პრეზიდენტმა, დონალდ ტრამპმა ჟურნალისტებს განუცხადა. დონალდ ტრამპის განცხადებით, „ბევრი ადამიანი ამბობს, რომ ომი უკვე მოგებულია“. „მათ საზღვაო ფლოტი აღარ ჰყავთ, საჰაერო ძალები აღარ ჰყავთ და ჰაერსაწინააღმდეგო სისტემები აღარ აქვთ. ამ ქვეყნის თავზე თავისუფლად ვმოქმდებთ“, - განაცხადა დონალდ ტრამპმა.

4 საათის წინ