ინფექციური საავადმყოფოს დირექტორი თენგიზ ცერცვაძე სამხედრო ჰოსპიტალში იმყოფებოდა

ს.ს.ი.პ. გიორგი აბრამიშვილის სახელობის საქართველოს თავდაცვის სამინისტროს სამხედრო ჰოსპიტალში გეგმიური ვიზიტით იმყოფებოდა თბილისის ინფექციური საავადმყოფოს გენერალური დირექტორი თენგიზ ცერცვაძე. სამხედრო ჰოსპიტალის სამედიცინო პერსონალთან და მენეჯმენტთან გამართულ შეხვედრაზე მხარეებმა ერთმანეთს გაუზიარეს გამოცდილება ინფიცირებული პაციენტების მართვასთან დაკავშირებით. კლინიკური კონტროლის ჯგუფის ხელმძღვანელმა სამხედრო ჰოსპიტალის მუშაობა კიდევ ერთხელ შეაფასა უმაღლეს დონეზე, მან სამხედრო ჰოსპიტალის პერსონალს მადლობა გადაუხადა გაწეული სამუშაოსათვის, თავის მხრივ ჰოსპიტალის ხელმძღვანელობამ ხაზგასმით აღნიშნა ბატონი თენგიზის აქტიური მხარდაჭერა პანდემიასთან ბრძოლაში და მას დამსახურებული ჯილდო მიულოცა.

Related posts