მთავრობა კომუნალური გადასახადების ანაზღაურებას იწყებს

მთავრობამ მიიღო გადაწყვეტილება, რომ კომუნალური გადასახადების თვალსაზრისით გაგრძელდეს ეს პროგრამა ზამთრის ოთხი თვის განმავლობაში – ამის შესახებ განცხადება პრემიერ მინისტრმა გიორგი გახარიამ გააკეთა.

კომუნალური გადასახადების სუფსიდირება გაგრძელდება ნოემერში, დეკემბერში, იანვარსა და თებერვალში.

„200 კილოვატ საათი ელექტროენერგია, და 200 კუბური მეტრი გაზის მოხმარება მთავრობის მიერ იქნება კონპენსირებული. რა თქმა უნდა, ჩვენს შედარებით შეძლებულ მოქალაქეებს ექნებათ შესაძლებლობა ასეთ დახმარებაზე თქვან უარი“, – განაცხადა გახარიამ.

კორონავირუსის პანდემიით შექმნილი კრიზისის გამო მთავრობამ კომუნალური გადასახადების სუბსიდირების სამთვიანი პროგრამა ერთხელ უკვე აამოქმედა.

Related posts