ევროკომისიის მიერ საქართველოს დიპლომატიური პასპორტის მფლობელებისთვის უვიზო რეჟიმის შეჩერება ძალაში დღეს შევა და 12 თვის განმავლობაში, 2027 წლის 6 მარტამდე გაგრძელდება. კომისიას ასევე შეუძლია გადაწყვიტოს ამ ზომების გავრცელება საქართველოს ყველა მოქალაქეზე. ამ დროის განმავლობაში, სიტუაციის გამოსწორება საქართველოს ხელისუფლებაზეა დამოკიდებული. კომისია მკაცრად მოუწოდებს საქართველოს ხელისუფლებას, კონსტრუქციულად ჩაერთოს ამ პროცესში.

3 წუთის წინ

საქართველოს ტექნიკური უნივერსიტეტის რექტორი, აკადემიკოსი დავით გურგენიძე, საუნივერსიტეტო საზოგადოების სახელით, ღრმა მწუხარებას გამოთქვამს მესამე კურსის სტუდენტის, საბა მეტრეველის ტრაგიკულად დაღუპვის გამო და სამძიმარს უცხადებს ახალგაზრდის ოჯახს, ახლობლებსა და მეგობრებს.

26 წუთის წინ

გრიგოლ გეგელია - „ქოცური“ დელეგაცია გეგმავდა ევროპარლამენტში ვიზიტს, როგორც ჩანს, ახლა ამ ვიზიტის განხორციელება ვიზის რიგში მოუწევთ - რეჟიმი იმასაც ვეღარ ახერხებს, რომ უვიზოდ ჩავიდეს საქმიან ვიზიტზე, ეს არის მათი კიდევ ერთი კრახი

29 წუთის წინ

ევროკომისია დღეს ქართული დიპლომატიური, სამსახურებრივი და ოფიციალური პასპორტების მფლობელებისთვის უვიზო მიმოსვლას აჩერებს, - ინფორმაცია ევროკავშირის ოფიციალურ ვებგვერდზეა გამოქვეყნებული. პრესრელიზში ხაზგასმულია, რომ ვიზების შეჩერების მექანიზმი ამოქმედდა საქართველოს მიერ უვიზო რეჟიმის ფარგლებში აღებული ვალდებულებების დემოკრატიისა და ფუნდამენტური უფლებების ძირითად სფეროებში მიზანმიმართული და მუდმივი დარღვევის საპასუხოდ.

33 წუთის წინ

„ოპოზიციური ალიანსი“ - ბრძოლა არის სახელმწიფოს გადარჩენისთვის, ჩვენი ისტორიული ადგილის დასამკვიდრებლად ცივილიზებულ სამყაროში და არა უბრალოდ ცუდი ხელისუფლების გამოსაცვლელად - ახლა წყდება, სად დაეშვება ახალი „რკინის ფარდა“

40 წუთის წინ

გაერთიანებული სამეფოს მიერ ორი ქართული ტელეკომპანიის წინააღმდეგ მიღებული გადაწყვეტილება მიმართულია როგორც მასობრივი ინფორმაციის საშუალებებს შორის სამართლიანი კონკურენციის შეზღუდვისკენ, ისე ჟურნალისტების პროფესიული საქმიანობის შეფერხებისკენ, რამაც საფრთხე შეიძლება შეუქმნას მედიაპლურალიზმსა და სიტყვის თავისუფლებას - ზემოაღნიშნულის გათვალისწინებით და მედიაგარემოში არსებული გამოწვევების ანალიზის საფუძველზე, აუცილებლად მიგვაჩნია, მომდევნო კვირიდან კომისიამ პრაქტიკაში აამოქმედოს „მაუწყებლობის შესახებ“ კანონითა და „მაუწყებელთა ქცევის კოდექსით“ დადგენილი ნორმები, - აღნიშნულ განცხადებას კომუნიკაციების კომისია ავრცელებს.

45 წუთის წინ

გაერთიანებული სამეფოს პოლიციამ ირანის სადაზვერვო სამსახურების დახმარებაში ეჭვმიტანილი ოთხი მამაკაცი დააკავა, - ინფორმაციას გამოცემა Politico ავრცელებს. მეტროპოლიტენის პოლიციის ცნობით, ოთხივე პირი ანტიტერორისტული გამოძიების ფარგლებში დააკავეს და ეჭვმიტანილი არიან „ლონდონის ტერიტორიაზე ებრაულ თემთან დაკავშირებული ადგილებისა და პირების“ თვალთვალში. დაკავებულებიდან ერთი ირანის მოქალაქეა, სამი კი ბრიტანეთისა და ირანის ორმაგი მოქალაქეა.

1 საათის წინ

ოპტიმიზმს ვინარჩუნებთ და ველოდებით ახლიდან დაიწყოს ურთიერთობები ამერიკის შეერთებულ შტატებსა და საქართველოს შორის, - ამის შესახებ დედაქალაქის მერმა, კახა კალაძემ ჟურნალისტებთან საქართველოსა და ამერიკის შეერთებულ შტატებს შორის ურთიერთობებზე საუბრისას განაცხადა. კალაძემ კიდევ ერთხელ განმარტა, რომ საქართველოს მთავრობა მზად არის ურთიერთობები დაიწყოს ახალი ფურცლიდან.

2 საათის წინ

ჩვენ თავიდან ვაშენებთ ამ ურთიერთობებს, აგურ-აგურ - სამწუხროდ, ეს ურთიერთობები იმდენად დანგრეული იყო წინა ადმინისტრაციის პირობებში, რომ დღეს ნულიდან გვიწევს ყველაფრის აშენება, - ამის შესახებ პარლამენტის ევროპასთან ინტეგრაციის კომიტეტის თავმჯდომარემ, ლევან მახაშვილმა განაცხადა, რითაც აშშ-ში საქართველოს საპარლამენტო დელეგაციის ვიზიტს გამოეხმაურა.

2 საათის წინ

უნგრეთის პრემიერ-მინისტრის ვიქტორ ორბანის განცხადებით, ის ევროპის მიერ უკრაინისთვის დაფინანსების გამოყოფას დაბლოკავს იქამდე, ვიდრე კიევი მილსადენ „დრუჟბას“ არ აღადგენს, რომელიც უნგრეთს რუსული ნავთობით ამარაგებს. ორბანმა ევროკავშირის მიერ უკრაინისთვის 90 მილიარდი ევროს ოდენობის დახმარების შესაძლო გამოყოფასთან დაკავშირებით დასმული კითხვის საპასუხოდ განაცხადა: „არასდროს დავუჭერთ მხარს ბრიუსელის მიერ უკრაინისთვის რაიმე ფინანსური დახმარების გაწევას, სანამ უკრაინელები ნავთობს არ გამოუშვებენ“.

2 საათის წინ

ხაშურში „ელიტ-ელექტრონიქსი“ გაქურდეს - შსს-მ ორი პირი დააკავა.  შინაგან საქმეთა სამინისტროს შიდა ქართლის პოლიციის დეპარტამენტის ხაშურის რაიონული სამმართველოს თანამშრომლებმა, 2002 წელს დაბადებული მ.პ. და წარსულში ნასამართლევი, ასევე 2002 წელს დაბადებული მ.ა. წინასწარი შეთანხმებით ჯგუფის მიერ ჩადენილი ქურდობის ბრალდებით დააკავეს. ამის შესახებ ინფორმაციას შინაგან საქმეთა სამინისტრო ავრცელებს.

2 საათის წინ

კახა კალაძე - ქმნიდნენ ილუზიას, რომ ხვალ ევროკავშირში მიგვიღებდნენ, მაგრამ ეს ასე არ არის, არ უნდა მოვატყუოთ ხალხი. ჯერ კიდევ როდის ამბობდნენ იმას, რომ შეუძლებელია, უკრაინა გახდეს ევროკავშირის წევრი ქვეყანა, საქართველოს მიმართაც იგივე დამოკიდებულება იყო, - ასე გამოეხმაურა თბილისის მერი, „ქართული ოცნების“ გენერალური მდივანი კახა კალაძე მედიასთან უკრაინის ევროკავშირში გაწევრიანების შესახებ მარტა კოსის განცხადებას.

2 საათის წინ

ღალატი არის ის, როდესაც ხალხს წარმომადგენლის გარეშე დატოვებ საქართველოს 64-ვე მუნიციპალიტეტში - როდესაც ბრძოლის ველს გაეცლები, მოღალატეობრივად გაიპარები ბრძოლის ველიდან, ხალხს მოუწოდებ, რომ არჩევნებზე არ მივიდნენ და საერთოდ არ ხსნი რატომ მოიქეცი ასე, ეს საჩუქარი რატომ გაუკეთე „ოცნებას“, ეს არის ღალატი, ქალბატონო სალომე-თქო, გადაეცით ჩვენგან, - ასე გამოეხმაურა პარტია „გახარია საქართველოსთვის“ დეპუტატი, გიორგი შარაშიძე სალომე ზურაბიშვილის განცხადებას, რომელმაც მათ „მოღალატეები“ უწოდა.

2 საათის წინ

კიევში რიტორიკა ისტერიის ზღვარზეა და სიტუაცია კვლავ გაუარესდება, - ამის შესახებ რუსეთის პრეზიდენტის პრესსპიკერმა დიმიტრი პესკოვმა განაცხადა. „მათთვის [კიევისთვის] სიტუაცია დღითიდღე უარესდება. სწორედ ამიტომ არის ასეთი ნერვიულობა, სწორედ ამიტომ არის ისტერიის ზღვარზე მყოფი ნერვიულობა. ვფიქრობ, სიტუაცია კიდევ უფრო გაუარესდება“, - განაცხადა პესკოვმა. მისი თქმით, კიევმა იცის, რა გადაწყვეტილებების მიღებაა საჭირო უკრაინის სამშვიდობო მოლაპარაკებების წარმატების უზრუნველსაყოფად.

3 საათის წინ

გარემოს ეროვნული სააგენტოს ინფორმაციით, 7-9 მარტს საქართველოს ზოგიერთ რაიონში შენარჩუნებული იქნება დროგამოშვებით ნალექიანი ამინდი. მათივე ცნობით, თბილისში 7 მარტს უმეტესად უნალექო ამინდი იქნება, ხოლო 8-9 მარტს მცირე წვიმა და ქარია მოსალოდნელი. ჰაერის ტემპერატურა დღისით +9, +11 გრადუსი დაფიქსირდება.

3 საათის წინ

აშშ-ის პრეზიდენტმა დონალდ ტრამპმა ერაყში მყოფ ირანელ ქურთებს მოუწოდა, ირანზე თავდასხმები განახორციელონ, - ამის შესახებ Reuters-ი წერს. სააგენტოს ინფორმაციით, ირანელი ქურთების ძალების მეზობელი ერაყიდან ირანში შესვლის შესაძლებლობასთან დაკავშირებით დასმული კითხვის საპასუხოდ, ტრამპმა Reuters განუცხადა: „ვფიქრობ, შესანიშნავია, რომ მათ ამის გაკეთება სურთ, მე ამას მხოლოდ მხარს დავუჭერდი“.

3 საათის წინ

ქარელში მომხდარ ავტოსაგზაო შემთხვევას ერთი ადამიანის სიცოცხლე ემსხვერპლა. არსებული ინფორმაციით, მოტოციკლით მოძრავი 21 წლის მამაკაცი ბოძს შეეჯახა, რის შედეგადაც ის გარდაიცვალა. მომხდართან დაკავშირებით შსს-მ გამოძიება 276-ე მუხლის მე-6 ნაწილით დაიწყო, რაც გულისხმობს სატრანსპორტო საშუალების მოძრაობის უსაფრთხოების წესის დარღვევას, რამაც გამოიწვია ადამიანის სიცოცხლის მოსპობა.

3 საათის წინ

ირანის სამხედრო ძალების განცხადებით, უახლოეს დღეებში მტრის პოზიციებზე თავდასხმებს გააძლიერებენ და გააფართოებენ. ირანული მედიის ცნობით, „ირანის რევოლუციის გუშაგთა კორპუსის“ ხათამ ალ-ანბიას ცენტრალური შტაბის პრესსპიკერმა განაცხადა, რომ ქვეყნის საჰაერო და საზღვაო ძალებმა ისრაელის მიმართულებით დრონები გაუშვეს. დაბომბეს ისრაელის საჰაერო ძალების რამატ-დავიდის საჰაერო ბაზა და სარადარო სადგური მერონის მთაზე.

3 საათის წინ

კუბაც დაეცემა, - ამის შესახებ აშშ-ის პრეზიდენტმა, დონალდ ტრამპმა Politico-სთან ინტერვიუში განაცხადა. დონალდ ტრამპის თქმით, „ხალხს ძალიან მოსწონს ის, რაც ხდება“ და ირანის მთავრობა უკანასკნელი არ იქნება, რომელიც დაეცემა. „ჩვენ მათ ნავთობისა და ფულის მიწოდება შევუწყვიტეთ - ყველაფერი რაც ვენესუელიდან შედიოდა, რომელიც მათი ერთადერთი წყარო იყო. ახლა მათ შეთანხმების დადება სურთ“, - განაცხადა დონალდ ტრამპმა. ტრამპის ცნობით, მისი ადმინისტრაცია კუბასთან კონტაქტშია.

16 საათის წინ

ირანი ცეცხლის შეწყვეტას არ ითხოვს, - ამის შესახებ ირანის საგარეო საქმეთა მინისტრმა, აბას არაღჩიმ NBC News-თან ინტერვიუში განაცხადა. აბას არაღჩის განმარტებით, აშშ-სთან „მოლაპარაკებების ვერანაირ მიზეზს ვერ ხედავს“. ასევე, მისი თქმით, თუ აშშ ირანში სახმელეთო ძალებით შეჭრას გადაწყვეტს, მაშინ ირანი ამისთვის მზად იქნება. „ჩვენ მათ ველით. დარწმუნებულები ვართ, რომ შეგვიძლია მათ წინააღმდეგობა გავუწიოთ. ეს მათთვის დიდი კატასტროფა იქნება“, - განაცხადა არაღჩიმ.

16 საათის წინ