თინა ხიდაშელი: "ძალიან კარგი დეკლარაცია იქნება"

 

რიგის სამიტისაგან პოზიტიურ შედეგებს ელოდებიან საქართველოს მთავრობაში. მინისტრთა კაბინეტის წევრები იმედს გამოთქვამენ, რომ სამიტის შედეგები ქვეყანას წლის ბოლომდე ვიზა ლიბერალიზაციისათვის საჭირო პროცესების დასრულების შესაძლებლობას მისცემს. 


აღმასრულებელ ხელისუფლებაში მიიჩნევენ, რომ რიგაში, ევროკავშირის წევრი ქვეყნები საქართველოს ევროპასთან ინტეგრაციის მისწრაფებას კიდევ ერთხელ დაუჭერენ მხარს. 


საქართველოს მთავრობაში აცხადებენ, რომ ხელისუფლებამ პრაქტიკულად ყველა ვალდებულება შეასრულა. მინისტრთა კაბინეტის წევრები რიგის სამიტზე პოლიტიკური გადაწყვეტილების მიღებას ელოდებიან. 


“მე ვფიქრობ, რომ ძალიან კარგი დეკლარაცია იქნება რიგაში. არ იქნება იმაზე ნაკლები ვიდრე იყო ვილნიუსის დეკლარაცია. რომელიც ყველას მიერ შეფასდა ერთ ერთ ყველაზე უფრო თამამ და გამბედავ დეკლარაციად და იმედი მაქვს, რომ სწორედ რიგის სამიტის შედეგი მოგვცემს იმის შესაძლებლობას რომ წლის ბოლომდე დავასრულოთ ლიბერალიზაციის პროცესი”- განაცხადა თინა ხიდაშელმა

Related posts