შრი ლანკას სიახლოვეს ირანის საზღვაო ძალების გემი იძირება. ამის შესახებ ინფორმაციას BBC შრი-ლანკის ხელისუფლებაზე დაყრდნობით ავრცელებს. მათი ცნობით, ირანელი მეზღვაურების გადასარჩენად, რომლებმაც კუნძულთან ახლოს მათი გემის ჩაძირვის შემდეგ საგანგებო სიგნალი გააგზავნეს, ფლოტი და საჰაერო ძალები გაგზავნეს.

7 წუთის წინ

ლიბანის დედაქალაქ ბეირუთის სამხრეთ ნაწილში ქვეყნის მთავარ აეროპორტთან აფეთქება მოხდა. აღნიშნულ ინფორმაციას CNN საინფორმაციო სააგენტო „როიტერსის“ კადრებზე დაყრდნობით ავრცელებს. CNN-ის ინფორმაციით, ბეირუთ-რაფიკ ჰარირის საერთაშორისო აეროპორტი ფუნქციონირებს, თუმცა საერთაშორისო ფრენების უმეტესობა გაუქმებულია.

9 წუთის წინ

თბილისში, მარჯანიშვილის მეტროსთან არასრულწლოვანმა გოგონებმა იჩხუბეს. არსებული, ინფორმაციით, ერთ-ერთ მათგანს თავის არეში დაზიანება აქვს მიყენებული. მომხდართან დაკავშირებით გამოძიება სსკ-ის 126-ე მუხლით მიმდინარეობს, რაც ძალადობას გულისხმობს.

11 წუთის წინ

ლარნაკას აეროპორტის თავზე საჰაერო სივრცე ჩაკეტილია, - ამის შესახებ ინფორმაციას Reuters კვიპროსის ხელისუფლებაში წყაროზე დაყრდნობით ავრცელებს. დღეს დილით კვიპროსმა გაავრცელა ინფორმაცია, რომ ლიბანთან ახლოს ცაში „შესაძლო საეჭვო ობიექტი“ გამოჩნდა. „უსაფრთხოების მიზნებიდან გამომდინარე, ყველა შესაბამისი ზომა იქნა მიღებული კომპეტენტური ორგანოების მხრიდან ინციდენტის გამოსაძიებლად“, - განაცხადა ხელისუფლების წარმომადგენელმა.

18 წუთის წინ

ესპანეთის პრემიერი პედრო სანჩესი დონალდ ტრამპის განცხადებაზე - სწორედ ასე იწყება კაცობრიობის უდიდესი კატასტროფა, არ შეიძლება „რუსული რულეტი“ ითამაშო მილიონობით ადამიანის ბედით

20 წუთის წინ

ნიკოლ ფაშინიანი - დღეს სომხეთი და აზერბაიჯანი აყალიბებენ ეკონომიკურ ურთიერთობებს და კავშირებს საქართველოს დახმარებით და ხელშეწყობით, ეს ნამდვილად შესაქები ამბავია და მადლობას გიხდით ამ ფასეული წვლილისთვის

25 წუთის წინ

გარემოს ეროვნული სააგენტოს ინფორმაციით, 5-7 მარტს საქართველოში შენარჩუნებული იქნება შედარებით ცივი და დროგამოშვებით ნალექიანი ამინდი. მათი ცნობით, თბილისში 5-6 მარტს უმეტესად უნალექო ამინდი იქნება, 7 მარტს კი მცირე წვიმა და ქარია მოსალოდნელი. ჰაერის ტემპერატურა დღისით +9, +11 გრადუსი დაფიქსირდება. „სანაპირო რაიონებში (ბათუმი, ქობულეთი, ანაკლია, ფოთი): დროგამოშვებით წვიმაა მოსალოდნელი. ჰაერის ტემპერატურა დღისით +9, +11 გრადუსი დაფიქსირდება.

1 საათის წინ

მტერმა უნდა იცოდეს, რომ მათი ბედნიერი დღეები დასრულებულია, - ამის შესახებ განცხადებას „ირანის რევოლუციის გუშაგთა კორპუსი“ ავრცელებს. „ისინი მთელი მსოფლიოს მასშტაბით უსაფრთხოდ არსად იქნებიან, საკუთარ სახლებშიც კი“, - ნათქვამია განცხადებაში. განცხადების თანახმად, ირანი იქამდე იბრძოლებს, „ვიდრე მტერი არ დამარცხდება“.

02-03-2026 23:55

სალომე ზურაბიშვილი - მივესალმები ოპოზიციურ ალიანსს - ეს სტრატეგია უნდა გახდეს საფუძველი პოლიტიკური და საზოგადოებრივი ძალების ერთიანი ბრძოლისათვის - რეჟიმის ცვლილებისა და მშვიდობიანი გარდაქმნის უზრუნველსაყოფად

02-03-2026 22:48

დონალდ ტრამპი - უზრუნველვყოფთ, რომ მსოფლიოში ტერორიზმის ნომერ პირველ სპონსორს ბირთვული იარაღი არასდროს ჰქონდეს - უზრუნველვყოფთ, რომ ირანმა ტერორისტული დაჯგუფებების შეიარაღება და დაფინანსება ვეღარ შეძლოს

02-03-2026 22:00

პარლამენტთან საპროტესტო აქცია მიმდინარეობს. შეკრებილ დემონსტრანტებს „ოპოზიციის ალიანსის“ ლიდერებიც შეუერთდნენ მას შემდეგ, რაც ოპოზიციონერმა პოლიტიკოსებმა შესაბამის დოკუმენტს მოაწერეს ხელი. პოლიტიკოსების განცხადებით, ისინი გააგრძელებენ მოსახლეობასთან შეხვედრებს და საზოგადოებას გააცნობენ ერთიან სამოქმედო გეგმას.

02-03-2026 21:55

ძალიან ბედნიერი ვარ, როცა ამ შეთანხმებას ვხედავ და ოპოზიციის პასუხისმგებლობის მაღალ ხარისხს ვუყურებ, განსაკუთრებით ციხიდან, - ასე ეხმაურება პარტია “დროას” ერთ-ერთი ლიდერი, ელენე ხოშტარია ოპოზიციური ალიანსის ჩამოყალიბებას. როგორც ხოშტარიას მიერ ციხიდან გავრცელებულ წერილშია ნათქვამი, პროდასავლური პარტიების ერთობლივი მუშაობა სერიოზული წინაპირობაა”.

02-03-2026 21:51

ოპოზიციის ალიანსის კარი არის ღია ყველა პროდასავლური პოლიტიკური ჯგუფისთვის. ამით არ მთავრდება “ოპოზიციის ალიანსის” საბოლოო ფორმირება, ჩვენ ველოდებით სხვა პროდასავლურ პოლიტიკურ ჯგუფებს და ვაგრძელებთ მათთან კოორდინაციას, - ამის შესახებ პარტია “დროას” ერთ-ერთმა ლიდერმა, გიგა ლემონჯავამ ოპოზიციური პარტიების ნაწილის შეხვედრის დასრულების შემდეგ ჟურნალისტებს განუცხადა.

02-03-2026 21:39

დღეს ქართული ოპოზიციის დიდმა ნაწილმა გადადგა მნიშვნელოვანი ნაბიჯი ერთიანობისკენ - შეიქმნა ოპოზიციური ალიანსი. ეს არის ის რისკენაც ყოველთვის მოვუწოდებდი და ამიტომ ვამბობ, რომ სჯობს გვიან, ვიდრე არასდროს. მეც, სხვებთან ერთად ვარ ჩართული ამ ამბავში. - ამის შესახებ საქართველოს მესამე პრეზიდენტი მიხეილ სააკაშვილი სოციალურ ქსელში წერს.

02-03-2026 21:35

თინა ბოკუჩავა - ერთიანობით უნდა დავამარცხოთ ბიძინა ივანიშვილი. დღეს ჩვენ შევთანხმდით ერთიანი მოქმედების წესებზე, სტრატეგიაზე და ეს არის სწორი ნაბიჯი , - ამის შესახებ „ნაციონალური მოძრაობის” თავმჯდომარემ, თინა ბოკუჩავამ  განაცხადა.  მისი თქმით, „ერთიანი ნაციონალური მოძრაობა“ ყოველთვის იყო, არის და იქნება ერთიანობის მომხრე.

02-03-2026 21:11

ყველასთვის მივაღწევთ გამარჯვებას, დღეიდან პროცესი იწყება, - ამის შესახებ „სტრატეგია აღმაშენებლის“ ლიდერმა, გიორგი ვაშაძემ ოპოზიციური პარტიების შეხვედრის  შემდეგ განაცხადა, სადაც პარტიები „ოპოზიციის ალიანსის“ შექმნაზე შეთანხმდნენ. გიორგი ვაშაძის თქმით, დღევანდელი დღე არის „პირველი სტრატეგიული ნაბიჯი იმ მიმართულებით, რომ ყველა გავერთიანდეთ“.

02-03-2026 21:06

კატარის თავდაცვის სამინისტროს განცხადებით, ირანის „სუ-24“-ის ტიპის ორი მოიერიშე თვითმფრინავი ჩამოაგდეს. „ასევე, კატარის საჰაერო და საზღვაო ძალებმა დღეს ირანიდან წამოსული შვიდი ბალისტიკური რაკეტა და ხუთი დრონი ჩამოაგდეს“, - ნათქვამია კატარის თავდაცვის სამინისტროს განცხადებაში. თავდაცვის სამინისტროს ცნობით, დრონებმა და რაკეტებმა თავიანთ „სამიზნეებამდე ვერ მიაღწიეს“.

02-03-2026 21:01

"ოპოზიციური პარტიების ალიანსი" შეთანხმების პრინციპთან დაკავშირებით ერთობლივ განცხადებას ავრცელებს. დოკუმენტში აღნიშნულია, რომ შეთანხმების მიზანია ბიძინა ივანიშვილის „ავტოკრატიული რეჟიმის“ დასრულება, საქართველოს ევრო-ატლანტიკური კურსის აღდგენა და დემოკრატიული მმართველობის, უსაფრთხოებისა და მოქალაქეთა კეთილდღეობის უზრუნველყოფა.

02-03-2026 20:46

დონალდ ტრამპის განცხადებით, ირანის წინააღმდეგ დარტყმების დიდი ტალღა ჯერ კიდევ წინ არის. „მათ სერიოზულ დარტყმებს ვაყენებთ. ყველაფერი კარგად მიდის. ჩვენ მსოფლიოში უძლიერესი არმია გვყავს და ამას ვიყენებთ“, - განაცხადა დონალდ ტრამპმა. ასევე, ტრამპმა New York Post-ს განუცხადა, რომ ირანში სახმელეთო ჯარების გაგზავნას არ გამორიცხავს, „თუ ეს საჭირო იქნება“.

02-03-2026 20:41

"ირანის რევოლუციის გუშაგთა კორპუსის" განცხადებით, ბოლო 48 საათის განმავლობაში აშშ-ისა და ისრაელის 60 სტრატეგიულ სამიზნესა და 500 სამხედრო ობიექტს დაარტყეს. „ომის დაწყებიდან შეიარაღებულმა ძალებმა აშშ-ისა და სიონისტური რეჟიმის 60 სტრატეგიულ სამიზნესა და 500 სამხედრო ობიექტზე თავდასხმა განახორციელეს“, - ნათქვამია განცხადებაში. განცხადებაში აღნიშნულია, რომ ირანმა 700-ზე მეტი დრონი და ასობით რაკეტა გამოიყენა.

02-03-2026 20:25