დონალდ ტრამპი - უზრუნველვყოფთ, რომ მსოფლიოში ტერორიზმის ნომერ პირველ სპონსორს ბირთვული იარაღი არასდროს ჰქონდეს - უზრუნველვყოფთ, რომ ირანმა ტერორისტული დაჯგუფებების შეიარაღება და დაფინანსება ვეღარ შეძლოს

22 წუთის წინ

პარლამენტთან საპროტესტო აქცია მიმდინარეობს. შეკრებილ დემონსტრანტებს „ოპოზიციის ალიანსის“ ლიდერებიც შეუერთდნენ მას შემდეგ, რაც ოპოზიციონერმა პოლიტიკოსებმა შესაბამის დოკუმენტს მოაწერეს ხელი. პოლიტიკოსების განცხადებით, ისინი გააგრძელებენ მოსახლეობასთან შეხვედრებს და საზოგადოებას გააცნობენ ერთიან სამოქმედო გეგმას.

27 წუთის წინ

ძალიან ბედნიერი ვარ, როცა ამ შეთანხმებას ვხედავ და ოპოზიციის პასუხისმგებლობის მაღალ ხარისხს ვუყურებ, განსაკუთრებით ციხიდან, - ასე ეხმაურება პარტია “დროას” ერთ-ერთი ლიდერი, ელენე ხოშტარია ოპოზიციური ალიანსის ჩამოყალიბებას. როგორც ხოშტარიას მიერ ციხიდან გავრცელებულ წერილშია ნათქვამი, პროდასავლური პარტიების ერთობლივი მუშაობა სერიოზული წინაპირობაა”.

31 წუთის წინ

ოპოზიციის ალიანსის კარი არის ღია ყველა პროდასავლური პოლიტიკური ჯგუფისთვის. ამით არ მთავრდება “ოპოზიციის ალიანსის” საბოლოო ფორმირება, ჩვენ ველოდებით სხვა პროდასავლურ პოლიტიკურ ჯგუფებს და ვაგრძელებთ მათთან კოორდინაციას, - ამის შესახებ პარტია “დროას” ერთ-ერთმა ლიდერმა, გიგა ლემონჯავამ ოპოზიციური პარტიების ნაწილის შეხვედრის დასრულების შემდეგ ჟურნალისტებს განუცხადა.

43 წუთის წინ

დღეს ქართული ოპოზიციის დიდმა ნაწილმა გადადგა მნიშვნელოვანი ნაბიჯი ერთიანობისკენ - შეიქმნა ოპოზიციური ალიანსი. ეს არის ის რისკენაც ყოველთვის მოვუწოდებდი და ამიტომ ვამბობ, რომ სჯობს გვიან, ვიდრე არასდროს. მეც, სხვებთან ერთად ვარ ჩართული ამ ამბავში. - ამის შესახებ საქართველოს მესამე პრეზიდენტი მიხეილ სააკაშვილი სოციალურ ქსელში წერს.

48 წუთის წინ

თინა ბოკუჩავა - ერთიანობით უნდა დავამარცხოთ ბიძინა ივანიშვილი. დღეს ჩვენ შევთანხმდით ერთიანი მოქმედების წესებზე, სტრატეგიაზე და ეს არის სწორი ნაბიჯი , - ამის შესახებ „ნაციონალური მოძრაობის” თავმჯდომარემ, თინა ბოკუჩავამ  განაცხადა.  მისი თქმით, „ერთიანი ნაციონალური მოძრაობა“ ყოველთვის იყო, არის და იქნება ერთიანობის მომხრე.

1 საათის წინ

ყველასთვის მივაღწევთ გამარჯვებას, დღეიდან პროცესი იწყება, - ამის შესახებ „სტრატეგია აღმაშენებლის“ ლიდერმა, გიორგი ვაშაძემ ოპოზიციური პარტიების შეხვედრის  შემდეგ განაცხადა, სადაც პარტიები „ოპოზიციის ალიანსის“ შექმნაზე შეთანხმდნენ. გიორგი ვაშაძის თქმით, დღევანდელი დღე არის „პირველი სტრატეგიული ნაბიჯი იმ მიმართულებით, რომ ყველა გავერთიანდეთ“.

1 საათის წინ

კატარის თავდაცვის სამინისტროს განცხადებით, ირანის „სუ-24“-ის ტიპის ორი მოიერიშე თვითმფრინავი ჩამოაგდეს. „ასევე, კატარის საჰაერო და საზღვაო ძალებმა დღეს ირანიდან წამოსული შვიდი ბალისტიკური რაკეტა და ხუთი დრონი ჩამოაგდეს“, - ნათქვამია კატარის თავდაცვის სამინისტროს განცხადებაში. თავდაცვის სამინისტროს ცნობით, დრონებმა და რაკეტებმა თავიანთ „სამიზნეებამდე ვერ მიაღწიეს“.

1 საათის წინ

"ოპოზიციური პარტიების ალიანსი" შეთანხმების პრინციპთან დაკავშირებით ერთობლივ განცხადებას ავრცელებს. დოკუმენტში აღნიშნულია, რომ შეთანხმების მიზანია ბიძინა ივანიშვილის „ავტოკრატიული რეჟიმის“ დასრულება, საქართველოს ევრო-ატლანტიკური კურსის აღდგენა და დემოკრატიული მმართველობის, უსაფრთხოებისა და მოქალაქეთა კეთილდღეობის უზრუნველყოფა.

1 საათის წინ

დონალდ ტრამპის განცხადებით, ირანის წინააღმდეგ დარტყმების დიდი ტალღა ჯერ კიდევ წინ არის. „მათ სერიოზულ დარტყმებს ვაყენებთ. ყველაფერი კარგად მიდის. ჩვენ მსოფლიოში უძლიერესი არმია გვყავს და ამას ვიყენებთ“, - განაცხადა დონალდ ტრამპმა. ასევე, ტრამპმა New York Post-ს განუცხადა, რომ ირანში სახმელეთო ჯარების გაგზავნას არ გამორიცხავს, „თუ ეს საჭირო იქნება“.

1 საათის წინ

"ირანის რევოლუციის გუშაგთა კორპუსის" განცხადებით, ბოლო 48 საათის განმავლობაში აშშ-ისა და ისრაელის 60 სტრატეგიულ სამიზნესა და 500 სამხედრო ობიექტს დაარტყეს. „ომის დაწყებიდან შეიარაღებულმა ძალებმა აშშ-ისა და სიონისტური რეჟიმის 60 სტრატეგიულ სამიზნესა და 500 სამხედრო ობიექტზე თავდასხმა განახორციელეს“, - ნათქვამია განცხადებაში. განცხადებაში აღნიშნულია, რომ ირანმა 700-ზე მეტი დრონი და ასობით რაკეტა გამოიყენა.

1 საათის წინ

ჯერჯერობით რეჟიმი არ შერყეულა. ხამენეის ლიკვიდაცია, პრაქტიკულად, არაფერს ნიშნავს – ყველაზე ცუდი ვარიანტი, რაც შეიძლება განვითარდეს, არის სამოქალაქო ომი და თუ ეს მოხდა, მხოლოდ ირანით არ შემოიფარგლება, შესაძლოა, მთელ არაბულ სამყაროზე გავრცელდეს, – ამის შესახებ კონფლიქტოლოგმა, პაატა ზაქარეიშვილმა „პალიტრანიუსის“ გადაცემა „დღის ნიუსრუმში“, ახლო აღმოსავლეთში მიმდინარე პროცესებზე საუბრისას განაცხადა.

2 საათის წინ

„ჰეზბოლას“ წინააღმდეგ სამხედრო კამპანია იქამდე გაგრძელდება, ვიდრე ლიბანიდან საფრთხე არ აღმოიფხვრება , - ამის შესახებ ისრაელის თავდაცვის ძალების შტაბის უფროსმა, გენერალ-ლეიტენანტმა ეიალ ზამირიმ განაცხადა. ისრაელის თავდაცვის ძალების შტაბის უფროსის განცხადებით, „ჰეზბოლას“ წინააღმდეგ მოქმედებების მიუხედავად, მთავარ სამიზნედ ირანი რჩება.

3 საათის წინ

საფრანგეთი ბირთვული ქობინების რაოდენობას გაზრდის, - ამის შესახებ საფრანგეთის პრეზიდენტმა, ემანუელ მაკრონმა ქვეყნის ბირთვული დოქტრინის შესახებ სიტყვით გამოსვლისას განაცხადა. „ბრძანება გავეცი, რომ ჩვენს არსენალში ბირთვული ქობინების რაოდენობა გავზარდოთ. ჩვენი ბირთვული არსენალის შესახებ ინფორმაციას აღარ გავასაჯაროებთ“, - განაცხადა მაკრონმა. მისი თქით, საფრანგეთის „როგორც კონკურენტები, ისე პარტნიორებიც განვითარდნენ“.

3 საათის წინ

ესპანეთმა ირანის წინააღმდეგ ოპერაციისთვის აშშ-ის მისი სამხედრო ბაზების გამოყენების უფლება არ მისცა, - ამის შესახებ ესპანეთის საგარეო საქმეთა მინისტრმა, ხოსე ალბარესმა განაცხადა. „ესპანეთის ბაზები ამ ოპერაციისთვის არ გამოიყენება და მათი გამოყენება არ მოხდება ისეთი რაღაცისთვის, რაც აშშ-სთან შეთანხმებაში არ შედის ან გაერო-ს ქარტიას არ შეესაბამება“, - განაცხადა ალბარესმა.

3 საათის წინ

ოპოზიციური პარტიების ნაწილი საბოლოო შეთანხმების მიზნით შეხვედრას მართავს. შეხვედრაში მონაწილეობენ პარტიები: „კოალიცია ცვლილებისთვის“, „ერთიანი ნაციონალური მოძრაობა“, „სტრატეგია აღმაშენებელი“, „ფედერალისტები“, „ეროვნულ-დემოკრატიული პარტია“, „ევროპული საქართველო“ და „თავისუფლების მოედანი“. შეხვედრის დაწყებამდე ოპოზიციონერ ლიდერებს მედიასთან კომენტარი არ გაუკეთებიათ.

3 საათის წინ

აიათოლა ხამენეის მეუღლე თავდასხმის შედეგად მიღებული ჭრილობებისგან გარდაიცვალა, - ინფორმაციას Reuters-ი ირანის სახელმწიფო მედიაზე დაყრდნობით ავრცელებს. ირანის სახელმწიფო მედიის ცნობით, ირანის გარდაცვლილი უზენაესი ლიდერის, აიათოლა ალი ხამენეის მეუღლე, მანსურე ხოჯასტე, ისრაელისა და აშშ-ის მიერ განხორციელებული იერიშების შედეგად მიღებული ჭრილობებისგან გარდაიცვალა.

3 საათის წინ

საქართველოს პროკურატურამ ქრთამის მიცემის, დიდი ოდენობით ქრთამის აღების და ქრთამის აღებაში დახმარების ფაქტებზე, სამი პირის მიმართ სისხლის სამართლებრივი დევნა დაიწყო. ამის შესახებ ინფორმაციას პროკურატურა ავრცელებს. როგორც გავრცელებულ ინფორმაციაშია ნათქვამი, დაკავებული არიან საჯარო მოხელე, რომელმაც ქრთამი აიღო, ასევე ქრთამის მიმცემი და შუამავალი პირები.

3 საათის წინ

ირანში მიმდინარე ოპერაციის ფარგლებში მეოთხე ამერიკელი სამხედრო მოსამსახურე დაიღუპა, - ინფორმაციას აშშ-ის ცენტრალური სარდლობა ავრცელებს. აშშ-ის ცენტრალური სარდლობის ცნობით, ამერიკელი სამხედრო მოსამსახურე ირანის მიერ განხორციელებული საწყისი იერიშების შედეგად მიყენებული მძიმე ჭრილობებისგან გარდაიცვალა.

4 საათის წინ

ეს არ არის ე.წ. „რეჟიმის ცვლილების“ ომი, მაგრამ რეჟიმი ნამდვილად შეიცვალა, - ამის შესახებ აშშ-ის თავდაცვის მდივანმა, პიტ ჰეგსეტმა ბრიფინგზე განაცხადა. „ეს ომი ჩვენ არ დაგვიწყია, მაგრამ პრეზიდენტი ტრამპის ხელმძღვანელობით მას ვასრულებთ. ირანის რეჟიმი 47 წლის განმავლობაში ამერიკის წინააღმდეგ ცალმხრივ და სასტიკ ომს აწარმოებდა.“,- განაცხადა ჰეგსეტმა.

4 საათის წინ