ტიკარაძე: შაბათს წითელი ჯვრის ნაჩუქარი 100 000 დოზა სინოფარმი შემოვა

ჯანდაცვის მინისტრის, ეკატერინე ტიკარაძის თქმით, შაბათს, 11 სექტემბერს საქართველოში სინოფარმის ვაქცინის 100 ათასი დოზა შემოვა.

ვაქცინები საქართველოს საჩუქრად წითელმა ჯვარმა გადმოსცა.

გვაქვს სასიხარულო ამბავი იმ მოქალაქეებისთვის, ვინც ირჩევს სინოფარმს – მინდა, მადლობა გადავუხადო წითელ ჯვარს, რომლისგანაც 100 ათას დოზა სინოფარმს შაბათს საჩუქრად მივიღებთ. 

ეს საშუალებას მისცემს მოქალაქეებს, განახლდეს როგორც რეგისტრაცია, ისე რეგისტრაციის გარეშე ვაქცინაცია”. – თქვა ტიკარაძემ.

აცრა იცავს სიკვდილისგან. ვაქცინა არ არის 100%-იანი გარანტია იმისა, რომ კორონავირუსით არ დაინფიცირდებით, თუმცა, ადამიანი დაცულია დაავადების გართულებისგან.

აცრა უსაფრთხოა ორსულებისა და მეძუძური დედებისთვის. ასაცრელად დარეგისტრირდით booking.moh.gov.ge-ზე.

136 ნახვა
desktop
mobile catfish