შიდა ქართლში სოციალურად დაუცველი ადამიანების რაოდენობა 20,4%-ით გაიზარდა

ერთ წელიწადში, სოციალური დახმარების მიმღებთა რაოდენობა საქართველოს ყველა რეგიონში გაიზარდა. სოციალური მომსახურების სააგენტოს ინფორმაციით, შიდა ქართლის რეგიონში გასული წლის დეკემბერში სოციალურად დაუცველის სტატუსი 58 452 ადამიანს ჰქონდა, 2020 წლის დეკემბერში – 48 546 პირს. ზრდა 20,4%-ს შეადგენს.

ცნობისთვის, ერთ წელიწადში ქვეყანაში საარსებო შემწეობის მიმღებთა რაოდენობა 22,6%-ით გაიზარდა. სოციალური მომსახურების სააგენტოს ვებ-გვერდზე გამოქვეყნებული სტატისტიკის მიხედვით, 2021 წლის დეკემბერში საარსებო შემწეობას 643 167 ადამიანი იღებდა, ეს კი 118 569-ით მეტია წინა წლის ანალოგიურ პერიოდთან შედარებით. 2020 წლის დეკემბერში სახელმწიფოს დახმარების იმედად 524 598 ადამიანი იყო.

54 ნახვა
desktop
mobile catfish