ევროკომისია “თრიალეთს” მხარს უჭერს!

9 საათის წინ

რატომ ახშობენ "თრიალეთს", როცა სხვებს მილიონობით ვალი ეპატიებათ? ჩვენ არ ვითხოვთ პრივილეგიას! ჩვენ ვითხოვთ სამართლიანობას! 👉 ვითხოვთ თანაბარ პირობებს! 👉 ვითხოვთ იმავე მიდგომას, რაც სხვების მიმართ მოქმედებს! 👉 ვითხოვთ ვალის გადახდის გადანაწილებას - როგორც სხვებს! ეს არის არა მოთხოვნა, ეს არის ჩვენი უფლება!

11 საათის წინ

🔴 აპრილში პროდუქტები ისევ გაძვირდა - ხორცპროდუქტების ფასი 10%-ით, თევზის 21.3%-ით გაიზარდა

11 საათის წინ

სახელმწიფომ 1/3-ით გააძვირა დენი, მაშინ, როდესაც დენის საერთაშორისო ფასი არ გაზრდილა - საქართველოში ელექტროენერგიის მოხმარება გაიზარდა ბიტკოინების წარმოებაში, რომელიც ამ ქვეყანაში ძირითადად ბიძინა ივანიშვილის ან მისი ხროვის ფულის საკეთებელი დაზგაა , - ამის შესახებ „ოპოზიციის ალიანსის“ ერთ-ერთმა ლიდერმა ნიკა გვარამიამ ბრიფინგზე განაცხადა, როდესაც ისაუბრა დენის გაზრდილ ტარიფზე.

13 საათის წინ

სასულიერო განათლება დაადასტურა. სასულიერო სემინარიის ხარისხის უზრუნველყოფის სამსახურის უფროსმა, დურმიშხან ლაშხმა განაცხადა, რომ სემინარიის დასკვნის მიხედვით „შესრულდება ყველა შესაბამისი პროცედურა“. „კვალიფიკაციის მიმნიჭებელმა კომისიამ რა დასკვნაც დადო, იმ დასკვნის მიხედვით შესრულდება ყველა პროცედურა. დანარჩენ საკითხთან დაკავშირებით ვერაფერს მოგახსენებთ“, - განაცხადა დურმიშხან ლაშხმა.

13 საათის წინ

აშშ დოლარის ოფიციალური ღირებულება 2.6892 ლარი გახდა. ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.6892 ლარი გახდა. კურსი, რომელიც დღეს მოქმედებდა, 2.6899 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0007 ლარი შეადგინა. რაც შეეხება ევროს, მისი კურსი 3.1431 ლარია. მაშინ, როცა დღეს მოქმედი კურსი 3.1499 ლარს შეადგენდა. შესაბამისად, ევროს ცვლილებამ 0.0068 ლარი შეადგინა.

13 საათის წინ

26 მაისის აქციასთან დაკავშირებით, გამაგებინეთ, ეს აქცია არის თუ არ არის? - თუ 26 მაისს რამეს აკეთებთ, 26-ჯერ მაინც თქვით ტელევიზორში, გააგებინეთ ხალხს,- ამის შესახებ „ერთიანი ნაციონალური მოძრაობის“ პოლიტსაბჭოს თავმჯდომარე, ლევან ხაბეიშვილმა სასამართლო პროცესზე განაცხადა, რითაც „ოპოზიციის ალიანსს“ მიმართა, მათ მიერ 26 მაისს დაანონსებულ აქციასთან დაკავშირებით. მისი თქმით, 26 მაისის აქციისთვის არანაირი კამპანია და აქტიურობა არ არის.

13 საათის წინ

„კურიერის“ ინფორმაციით, ჯაშუშობის ბრალდებით სუს-ის მიერ დაკავებული პირი გიორგი უძილაურია. ტელეკომპანიის ინფორმაციითვე, უძილაური ამ დრომდე ფინანსთა სამინისტროს საგამოძიებო სამსახურის ერთ-ერთი სამმართველოს უფროსი იყო და ერთ-ერთი ევროპული სახელმწიფოს სასარგებლოდ ჯაშუშობდა.

13 საათის წინ

მარნეულისა და ჰუჯაბის ეპისკოპოსის, მეუფე გიორგი ჯამდელიანის განცხადებით, არ აპირებდნენ მეუფე იობის დიპლომის დაკარგვასთან დაკავშირებული საკითხის გახმაურებას, რადგან არ სურდათ, რომ „ზედმეტი მღელვარება შეეტანათ საზოგადოებასა და საეკლესიო წრეებში“. როგორც გიორგი ჯამდელიანი აღნიშნავს, მეუფე იობის მიმართ ერთგვარი დისკრედიტაციის მცდელობა მიმდინარეობდა, თითქოს ის ცრუობს და დიპლომი არ აქვს.

13 საათის წინ

გრიგოლ გეგელია -  „3 წლის განმავლობაში ეს რეჟიმი უსინდისოდ აშინებდა ადამიანებს, რომ უკრაინა გვითრევდა ომში და უნდოდა საქართველოში „მეორე ფრონტი" გაეხსნა. ამას 3 წლის განმავლობაში ვისმენდით კობახიძისგან, რომელიც გუშინ აიტუზა და ზელენსკის ძალიან თბილად ესაუბრა. ეს არის იმ სიყალბის განსახიერება, რაც არის კობახიძე, ბოჭორიშვილი და ეს რუსულ-ირანულ-ჩინური რეჟიმი".

17 საათის წინ

„ვიზალიბერალიზაცია სომეხი ხალხისთვის უაღრესად მნიშვნელოვანია. დღეს დავამტკიცეთ სამუშაო შეთანხმებები FRONTEX-სა და სომხეთს შორის, რაც განამტკიცებს თანამშრომლობას საზღვრისა და მიგრაციის მართვის სფეროში“, - განაცხადა ურსულა ფონ დერ ლაიენმა. „ჩვენ სომხურ ბიზნესს ახალ ბაზრებზე გასვლაში ვეხმარებით, ინვესტიციებს ვახორციელებთ დასაქმების სფეროში, რასაც უსაფრთხოებისთვის დიდი მნიშვნელობა აქვს“, - აღნიშნა ევროკომისიის პრეზიდენტმა.

17 საათის წინ

სამეგრელო-ზემო სვანეთის პოლიციის დეპარტამენტის თანამშრომლებმა, განზრახ მკვლელობის მცდელობის ბრალდებით, წარსულში ნასამართლევი 1959 წელს დაბადებული გ.შ. დააკავეს. ამის შესახებ ინფორმაციას შინაგან საქმეთა სამინისტრო ავრცელებს. როგორც ინფორმაციაშია აღნიშნული, გამოძიებით დადგინდა, რომ ბრალდებულმა, ურთიერთშელაპარაკების ნიადაგზე, სანადირო თოფიდან გასროლით დაჭრა მეზობელი - 1989 წელს დაბადებული ნ.პ. და შემთხვევის ადგილიდან მიიმალა.

17 საათის წინ

შინაგან საქმეთა მინისტრის, სულხან თამაზაშვილის მოადგილედ პოლიციის პოლკოვნიკი გაგა კირკიტაძე დაინიშნა. ამის შესახებ ინფორმაციას შინაგან საქმეთა სამინისტრო ავრცელებს. უწყების ინფორმაციით, ახლად დანიშნულ მინისტრის მოადგილეს საჯარო და კერძო სექტორში მუშაობის მრავალწლიანი გამოცდილება აქვს.

17 საათის წინ

ევროკავშირი ადასტურებს თავის მტკიცე ვალდებულებას, კიდევ უფრო გააძლიეროს ურთიერთობები სომხეთთან და მხარი დაუჭიროს სომხეთის სუვერენიტეტს, მდგრადობას და ყოვლისმომცველ რეფორმების დღის წესრიგს, რომელიც დაფუძნებულია დემოკრატიის, ადამიანის უფლებების, ფუნდამენტური თავისუფლებებისა და კანონის უზენაესობის პატივისცემაზე, - ამის შესახებ ევროკავშირი-სომხეთის სამიტის შემდგომ გამოქვეყნებულ ერთობლივ დეკლარაციაშია აღნიშნული.

17 საათის წინ

ციხის პერსონალის წარმომადგენელმა ნინო ქუთათელაძემ თვითმკვლელობის მცდელობამდე მიმიყვანა, მაგინებდა და შეურაცხყოფას მაყენებდა - მეუბნებოდა, რომ საქართველო ჩემი ქვეყანა არ არის, რომ აქ არავის არ ვჭირდები,- ამის შესახებ 4 ოქტომბრის საქმეზე ბრალდებულმა ნანა სანდერმა სასამართლო პროცესზე განაცხადა. მისი თქმით, ის ციხეში თავის უფლებებს ვერ იცავს.

18 საათის წინ

ჯანდაცვის სამინისტროს ინფორმაციით, სოციალურად დაუცველი და მრავალშვილიანი ოჯახებისთვის ელექტროენერგიის სუბსიდირების თანხა იზრდება. უწყების განმარტებით, ცვლილების მიზანია, ახალი ტარიფის განსაზღვრის შემდეგ, ელექტროენერგიის გადასახადი მათთვის უცვლელი დარჩეს.

18 საათის წინ

ევროკავშირმა და სომხეთმა დაკავშირებადობის სფეროში პარტნიორობის შესახებ შეთანხმება გააფორმეს, - ინფორმაციას ევროკომისიის პრეზიდენტი, ურსულა ფონ დერ ლაიენი ავრცელებს. ურსულა ფონ დერ ლაიენის განცხადებით, შეთანხმება ევროკავშირს, სამხრეთ კავკასიასა და ცენტრალურ აზიას აკავშირებს. შეთანხმებას ხელი ერევანში, ევროკავშირი-სომხეთის სამიტის ფარგლებში მოეწერა.

18 საათის წინ

საქართველოს ამჟამინდელმა მთავრობამ ყველაფერი გააკეთა იმისათვის, რომ დაერწმუნებინა სრულიად განსხვავებული პოლიტიკური შეხედულების მქონე ადამიანები, პოლიტიკური ჯგუფები, პროევროპული პოლიტიკური ჯგუფები, რომ ქვეყანაში არსებული ვითარება არ აკმაყოფილებს ევროკავშირის კანდიდატობის არცერთ კრიტერიუმს, - ამის შესახებ ევროპარლამენტარმა რასა იუკნევიჩიენემ საგარეო საქმეთა კომიტეტის სხდომაზე განაცხადა, სადაც საქართველოს შესახებ ანგარიში მიიღეს.

18 საათის წინ

ევროპარლამენტის საგარეო საქმეთა კომიტეტმა საქართველოს შესახებ ანგარიში მიიღო. ევროპარლამენტის საგარეო საქმეთა კომიტეტში საქართველოს შესახებ ყოველწლიურ ანგარიშს მხარი 53-მა ევროპარლამენტარმა დაუჭირა, ხოლო მის წინააღმდეგ ხმა 14-მა მისცა. „ანგარიში ფოკუსირებულია ევროპარლამენტის მთავარ შეშფოთებაზე საქართველოს დემოკრატიის, კანონის უზენაესობისა და ევროპული ინტეგრაციის მდგომარეობასთან დაკავშირებით“, - აღნიშნულია განმარტებით განცხადებაში.

18 საათის წინ

სრული ცინიზმია, პროპაგანდისტული ზეიმების ჩასატარებლად ცეცხლის შეწყვეტის მოთხოვნა, მაშინ როცა ასეთი სარაკეტო და დრონებით თავდასხმები ყოველდღიურად ხორციელდება, - ასე ეხმაურება უკრაინის პრეზიდენტი ვოლოდიმირ ზელენსკი რუსეთის მიერ უკრაინის წინააღმდეგ განხორციელებულ მორიგ თავდასხმას.

18 საათის წინ