ადგილობრივების ინფორმაციით, სოფელ მერეთის მიმდებარედ საოკუპაციო ძალების წარმომადგენლებმა ბოძები დაამონტაჟეს

გორის მუნიციპალიტეტში, გამყოფ ხაზთან მდებარე სოფელ მერეთის მიმდებარედ, ოკუპირებულ ტერიტორიაზე, სადაც ადგილობრივმა მცხოვრებლებმა გუშინ ე.წ. სასაზღვრო დანაყოფის წარმომადგენლების გადაადგილება დააფიქსირეს, საოკუპაციო ძალების წარმომადგენლები დღეს აღარ გამოჩენილან.მერეთელების განცხადებით, ტერიტორიაზე, სადაც შეიარაღებული ფორმიანი პირები გადაადგილდებოდნენ, სავარაუდოდ, საფორტიფიკაციო ნაგებობების მონტაჟისთვის განკუთვნილი ახალი ბოძებია განთავსებული.ადგილობრივების ინფორმაციითვე, უკვე დამონტაჟებული ბოძების გარდა, ოკუპირებული ტერიტორიის აღნიშნულ მონაკვეთზე სხვა მასალებიც არის მიტანილი, რის საფუძველზეც ვარაუდობენ, რომ საოკუპაციო ძალების წარმომადგენლები სამუშაოების გაგრძელებას გეგმავენ.მავთულხლართების შიგნით ბოძების დამონტაჟებას ადასტურებენ სახელმწიფო უსაფრთხოების სამსახურშიც. სუს-ის ინფორმაციით, აღნიშნულ ფაქტზე გააქტიურებულია ,,ცხელი ხაზი“.

67 ნახვა

leave a reply

desktop
mobile catfish