ესპანეთმა ირანის წინააღმდეგ ოპერაციისთვის აშშ-ის მისი სამხედრო ბაზების გამოყენების უფლება არ მისცა, - ამის შესახებ ესპანეთის საგარეო საქმეთა მინისტრმა, ხოსე ალბარესმა განაცხადა. „ესპანეთის ბაზები ამ ოპერაციისთვის არ გამოიყენება და მათი გამოყენება არ მოხდება ისეთი რაღაცისთვის, რაც აშშ-სთან შეთანხმებაში არ შედის ან გაერო-ს ქარტიას არ შეესაბამება“, - განაცხადა ალბარესმა.

2 წუთის წინ

ოპოზიციური პარტიების ნაწილი საბოლოო შეთანხმების მიზნით შეხვედრას მართავს. შეხვედრაში მონაწილეობენ პარტიები: „კოალიცია ცვლილებისთვის“, „ერთიანი ნაციონალური მოძრაობა“, „სტრატეგია აღმაშენებელი“, „ფედერალისტები“, „ეროვნულ-დემოკრატიული პარტია“, „ევროპული საქართველო“ და „თავისუფლების მოედანი“. შეხვედრის დაწყებამდე ოპოზიციონერ ლიდერებს მედიასთან კომენტარი არ გაუკეთებიათ.

5 წუთის წინ

აიათოლა ხამენეის მეუღლე თავდასხმის შედეგად მიღებული ჭრილობებისგან გარდაიცვალა, - ინფორმაციას Reuters-ი ირანის სახელმწიფო მედიაზე დაყრდნობით ავრცელებს. ირანის სახელმწიფო მედიის ცნობით, ირანის გარდაცვლილი უზენაესი ლიდერის, აიათოლა ალი ხამენეის მეუღლე, მანსურე ხოჯასტე, ისრაელისა და აშშ-ის მიერ განხორციელებული იერიშების შედეგად მიღებული ჭრილობებისგან გარდაიცვალა.

37 წუთის წინ

საქართველოს პროკურატურამ ქრთამის მიცემის, დიდი ოდენობით ქრთამის აღების და ქრთამის აღებაში დახმარების ფაქტებზე, სამი პირის მიმართ სისხლის სამართლებრივი დევნა დაიწყო. ამის შესახებ ინფორმაციას პროკურატურა ავრცელებს. როგორც გავრცელებულ ინფორმაციაშია ნათქვამი, დაკავებული არიან საჯარო მოხელე, რომელმაც ქრთამი აიღო, ასევე ქრთამის მიმცემი და შუამავალი პირები.

39 წუთის წინ

ირანში მიმდინარე ოპერაციის ფარგლებში მეოთხე ამერიკელი სამხედრო მოსამსახურე დაიღუპა, - ინფორმაციას აშშ-ის ცენტრალური სარდლობა ავრცელებს. აშშ-ის ცენტრალური სარდლობის ცნობით, ამერიკელი სამხედრო მოსამსახურე ირანის მიერ განხორციელებული საწყისი იერიშების შედეგად მიყენებული მძიმე ჭრილობებისგან გარდაიცვალა.

1 საათის წინ

ეს არ არის ე.წ. „რეჟიმის ცვლილების“ ომი, მაგრამ რეჟიმი ნამდვილად შეიცვალა, - ამის შესახებ აშშ-ის თავდაცვის მდივანმა, პიტ ჰეგსეტმა ბრიფინგზე განაცხადა. „ეს ომი ჩვენ არ დაგვიწყია, მაგრამ პრეზიდენტი ტრამპის ხელმძღვანელობით მას ვასრულებთ. ირანის რეჟიმი 47 წლის განმავლობაში ამერიკის წინააღმდეგ ცალმხრივ და სასტიკ ომს აწარმოებდა.“,- განაცხადა ჰეგსეტმა.

1 საათის წინ

აშშ დოლარის ოფიციალური ღირებულება 2.6922 ლარი გახდა. ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.6922 ლარი გახდა. კურსი, რომელიც დღეს მოქმედებდა, 2.6759 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0163 ლარი შეადგინა.

2 საათის წინ

უკრაინის პრეზიდენტის ვოლოდიმირ ზელენსკის განცხადებით, ირანში განვითარებულმა მოვლენებმა რუსეთის, როგორც მოკავშირის, არაფრისმაქნისობა აჩვენა და ასევე რუსეთის პრეზიდენტ ვლადიმერ პუტინს დაანახა, თუ როგორ მთავრდება დიქტატურა. „ის, რაც ირანში ხდება, ვფიქრობ, კარგი სიგნალია პუტინისთვის, რომ ნახოს, როგორ სრულდება დიქტატურა“, - აღნიშნა ზელენსკიმ.

2 საათის წინ

გიგა ფარულავა - პარტიები, რომლებიც ჯერ გაერთიანდნენ, მერე გაიყვნენ და დღეს ისევ ერთიანობაზე საუბრობენ, „ოცნების“ ხელისუფლებას და პროპაგანდას უკეთებენ საჩუქარს - ჩვენ არანაირი საერთო არ გვაქვს ამ პარტიებთან

2 საათის წინ

საქართველოში ირანის ელჩის განცხადებით, დააკავეს ირანის მოქალაქე, რომელმაც საელჩოს საკონსულო განყოფილების ფანჯრის მინა ჩაამსხვრია.     ამის შესახებ ინფორმაციას საქართველოში ირანის ელჩი, სეიედ ალი მოჯანი ავრცელებს. როგორც ელჩი სოციალურ ქსელში წერს, ინციდენტი გუშინ მოხდა. ელჩის განმარტებითვე, დანაშაულის ჩამდენი პირი უკვე დაკავებულია.

2 საათის წინ

ნინო წილოსანი კითხვაზე: აპირებს თუ არა მთავრობა ირანში მიმდინარე პროცესებზე საგანგებო სხდომის გამართვას - რასაც სომხეთი აკეთებს, იმავეს ნამდვილად არ ვაპირებთ, სომხეთის პრემიერ-მინისტრი „ჩებურეკსაც“ ჭამდა.   მისი თქმით, რასაც სომხეთი აკეთებს, იმავეს გაკეთებას არ აპირებენ, რადგან მათ საკუთარი გადაზღვევის მექანიზმები აქვთ.

2 საათის წინ

კატარი ინარჩუნებს ირანისთვის სამაგიეროს გადახდის უფლებას, კატარელ ხალხზე მისი ღია თავდასხმის შემდეგ,- ამის შესახებ კატარის საგარეო საქმეთა სამინისტროს პრესსპიკერმა მაჯიდ ალ ანსარიმ განაცხადა. მისი თქმით, ირანის მიერ განხორციელებული თავდასხმა ვერ დარჩება უპასუხოდ და ფასი უნდა იქნას გადახდილი.

2 საათის წინ

აშშ-ის ცენტრალური სარდლობის განცხადებით, ქუვეითმა F-15E ტიპის სამი ამერიკული ავიამოიერიშე შეცდომით ჩამოაგდო. მათივე ინფორმაციით, ეკიპაჟის ექვსივე წევრი კატაპულტირდა და სტაბილურ მდგომარეობაში არიან. „ქუვეითმა აღიარა ეს ინციდენტი და მადლიერები ვართ ქუვეითის თავდაცვის ძალების ძალისხმევისთვის და მათი მხარდაჭერისთვის ამ მიმდინარე ოპერაციაში“, - განაცხადა ცენტრალურმა სარდლობამ.

2 საათის წინ

საგზაო-სატრანსპორტო წესების დარღვევაზე არსებული ჯარიმები იზრდება და პასუხისმგებლობა მკაცრდება.  პარლამენტის იურიდიულ საკითხთა კომიტეტმა მეორე მოსმენით - მუხლობრივად განიხილა და მხარი დაუჭირა “ადმინისტრაციულ სამართალდარღვევათა კოდექსში“ დაგეგმილ ცვლილებებს, რომლის ამოქმედების შედეგად, საგზაო-სატრანსპორტო წესების დარღვევაზე არსებული ჯარიმები იზრდება და პასუხისმგებლობა მკაცრდება.

3 საათის წინ

რეზო კიკნაძე - დიქტატორი და მკვლელი მთავრობა რომ არ მიყვარს, ამიტომ ვარ დამნაშავე? მონად არსებობას ციხეში ყოფნა მირჩევნია - ცრუ მოწმეების მოსამზადებელი რაიმე კურსი არსებობს? თუ არა, მაშინ ყველა მოწმე ერთი ტექსტით რატომ გამოდიოდა? მისი თქმით, დღეს პოლიცია ხალხს კრიმინალისგან კი არ იცავს, არამედ თავად არის კრიმინალი.

3 საათის წინ

„ქვეყნებს, რომლებიც „ირანის რევოლუციის გუშაგთა კორპუსის“ რაკეტებისა და დრონების მიზანმიმართული სამიზნე გახდნენ და ჩაითრიეს ომში, - საუდის არაბეთს, არაბთა გაერთიანებული საამიროებს, კატარს, ერაყს, ბაჰრეინს, ქუვეითს, ომანსა და იორდანიას - საფრანგეთი სრულ მხარდაჭერას  უცხადებს. ის მზადაა, მონაწილეობა მიიღოს მათ თავდაცვაში“, - აღნიშნა საფრანგეთის საგარეო საქმეთა მინისტრმა ჟან-ნოელ ბარომ.

3 საათის წინ

სხდომის დახურვა ძალიან საშიში გარემოებაა, რადგან საზოგადოების ინფორმირება ფიზიკურად ვერ მოხდება - ეს არის კანონის დარღვევა და საჯაროობის პრინციპს მკვეთრად ეწინააღმდეგება, - ამის შესახებ, ბაჩო ახალაიას ადვოკატმა, მალხაზ ველიჯანაშვილმა ჟურნალისტებს განუცხადა. ადვოკატის თქმით, სხდომის დახურვის მერე, „საზოგადოება რეალურ სიტუაციას ვერ დაინახავს და მხოლოდ მხარეების განმარტებების დაჯერება მოუწევს“.

4 საათის წინ

დღევანდელი სიტუაცია ძალიან შემაშფოთებელია. ჩვენ არ შეგვიძლია გამოვრიცხოთ შესაძლო რადიოლოგიური გაჟონვა სერიოზული შედეგებით, მათ შორის ისეთივე დიდი ან უფრო დიდი ქალაქების ტერიტორიების ევაკუაციის აუცილებლობით, - ამის შესახებ გაეროს ბირთვული ენერგიის საერთაშორისო სააგენტოს ხელმძღვანელმა რაფაელ გროსიმ განაცხადა.

4 საათის წინ

საქართველოს გენერალურ პროკურატურასთან აქცია სახელწოდებით, „არა ჩადებას“ გაიმართა. აქციის მონაწილეების თქმით, ნარკოტიკების „ჩადება“ არის მავნე პრაქტიკა, რომელსაც შინაგან საქმეთა სამინისტრო წლებია იყენებს. აქციის მონაწილეები ამბობენ, რომ ნიკა კაცია, გიორგი ახობაძე და თედო აბრამოვი აღნიშნული პრაქტიკის მსხვერპლები არიან და ისინი ციხეში უსამართლოდ ისხდნენ.

4 საათის წინ

ოპოზიციური პარტიების ნაწილი დღეს საბოლოო შეთანხმების მიზნით შეხვედრას გამართავს. როგორც „კოალიცია ცვლილებისთვის“ პრესსამსახურში აცხადებენ, შეხვედრა 18:00 საათზეა ჩანიშნული. არსებული ინფორმაციით, ოპოზიციური პარტიები დეკემბრიდან მიმდინარე კონსულტაციების ფარგლებში მიღწეული შეთანხმების დეტალებს საზოგადოებას შეხვედრის შემდეგ გააცნობენ.

4 საათის წინ