დღეიდან საქართველოში კოვიდრეგულაციების უმეტესი ნაწილი უქმდება

დღეიდან კოვიდრეგულაციების უმეტესი ნაწილი ძალას კარგავს. მათ შორის, უქმდება პირბადის ტარების ვალდებულება ღია სივრცეში და მხოლოდ სარეკომენდაციო ხასიათს შეინარჩუნებს. საზოგადოებრივ ტრანსპორტსა და დახურულ სივრცეებში პირბადის ტარების ვალდებულება, ამ ეტაპზე, შენარჩუნდება.

უქმდება რაოდენობრივი შეზღუდვა როგორც საზოგადოებრივი კვების ობიექტებზე, ასევე სპორტულ, სახელოვნებო, თუ სხვა სახის ღონისძიებებზე, მათ შორის სოციალურ ღონისძიებებზე.

დღესვე, ე.წ. დისტანციურ რეჟიმზე მყოფი თანამშრომლები დაუბრუნდებიან სამუშაო ადგილებს.

ამასთან, უქმდება თვითიზოლაციის ვალდებულება საქართველოს იმ მოქალაქეებისთვის, რომლებიც ქვეყანაში ბრუნდებიან PCR-ტესტის გარეშე.

უწყებათაშორისი საკოორდინაციო საბჭოს წევრებმა ეს გადაწყვეტილებები ქვეყანაში არსებული სტაბილური ეპიდვითარებით განმარტეს. ითქვა, რომ ქვეყანა ნელ-ნელა უახლოვდება პანდემიის დასასრულს.

167 ნახვა
desktop
mobile catfish