პუტინი: უკრაინასთან სამშვიდობო მოლაპარაკებები ჩიხში შევიდა

რუსეთის პრეზიდენტმა, ვლადიმერ პუტინმა განაცხადა, რომ უკრაინასთან სამშვიდობო მოლაპარაკებები ჩიხში შევიდა.

„ჩვენ სტამბოლში შეთანხმებების გარკვეულ დონეზე გავედით. თუმცა, ერთია უსაფრთხოების მოთხოვნები, ხოლო სულ სხვაა, როდესაც ყირიმის, სევასტოპოლისა და დონბასის საკითხზე ურთიერთობების რეგულირება ამ შეთანხმებების ფარგლებს გარეთ გააქვთ. ანუ, კვლავ დავუბრუნდით ჩიხურ სიტუაციას“, – აღნიშნა ვლადიმერ პუტინმა.

რუსეთის პრეზიდენტის თქმით, „უკრაინის მიდგომებში არათანმიმდევრულობა სირთულეებს ქმნის ყველასათვის მისაღები საბოლოო შეთანხმების მისაღწევად“.

„ვიდრე ეს არ მოხდება, სამხედრო ოპერაცია გაგრძელდება მის სრულ დასრულებამდე და იმ ამოცანების გადაწყვეტამდე, რომელიც დასახული გვქონდა“, – განაცხადა რუსეთის პრეზიდენტმა.

1,872 ნახვა
desktop
mobile catfish