ვლადიმერ პუტინმა და ოლაფ შოლცმა „აზოვსტალიდან“ ევაკუაციის საკითხზე ისაუბრეს

რუსეთის პრეზიდენტმა, ვლადიმერ პუტინმა და გერმანიის კანცლერმა, ოლაფ შოლცმა სატელეფონო საუბრის დროს უკრაინაში არსებულ ვითარებასა და მარიუპოლის „აზოვსტალის“ ქარხნიდან ევაკუაციის განხორციელების საკითხი განიხილეს, – ამის შესახებ კრემლის მიერ გავრცელებულ განცხადებაშია აღნიშნული.

მათივე ცნობით, პუტინმა შოლცს განუცხადა, რომ ალყაში მოქცეული „აზოვსტალის“ ქარხნიდან მშვიდობიანი მოსახლეობის ევაკუაცია განხორციელდა.

„აღინიშნა, რომ გაერო-ს და წითელი „ჯვრის საერთაშორისო კომიტეტის“ წარმომადგენლების მონაწილეობით განხორციელდა მშვიდობიანი მოქალაქეების ევაკუაცია, რომლებიც უკრაინის უშიშროების ძალებს „აზოვსტალის“ ქარხანაში ჰყავდათ დაკავებული“, – ნათქვამია განცხადებაში.

პუტინმა ასევე რუსეთსა და უკრაინას შორის მოლაპარაკებების პროცესზეც ისაუბრა და აღნიშნა, რომ მოლაპარაკებებს კიევი ბლოკავს.

397 ნახვა
desktop
mobile catfish