საარჩევნო კოდექსში შესატან ცვლილებებზე დღეს, პარლამენტის პლენარულ სხდომაზე პირველი მოსმენით იმსჯელებენ.
ცვლილებების მიხედვით, საკრებულოს არჩევნებში, მაჟორიტარული საარჩევნო სისტემით, საკრებულოს წევრთა არჩევის საკითხის ახლებურად დარეგულირება და 40-პროცენტიანი ბარიერის გაუქმება იგეგმება.
ასევე, საარჩევნო სიების ფორმირებისას, დეპუტატობის კანდიდატი შესაძლოა მუნიციპალიტეტის დელეგატად განისაზღვროს. აღნიშნულმა კანონპროექტმა ოპოზიციაში უკმაყოფილება გამოიწვია. მმართველ გუნდში კი აცხადებენ, რომ კანონპროექტი ყოველგვარი დემოკრატიული სტანდარტის გათვალისწინებით შემუშავდა.