ქართველი ხალხი იმსახურებს მთავრობას, რომელიც პატივს სცემს მათ ევროპულ არჩევანს, რაც ამჟამად არ ხდება, - ამის შესახებ ლატვიის საგარეო საქმეთა მინისტრმა ბაიბა ბრაჟემ ბრიუსელში „ევროსკოპს“ განუცხადა. შეკითხვაზე, რუსეთის წინააღმდეგ სანქციების მე-20 პაკეტში საუბარია თუ არა საქართველოს ტერიტორიაზე არსებულ პორტზე, მან უპასუხა:  “დახურული დისკუსიების შესახებ კომენტარს ვერ გავაკეთებ”.

3 წუთის წინ

კაია კალასი - რუსეთს ბევრი ტერიტორია აქვს ოკუპირებული, როცა საქმე ეხება საქართველოს, მოლდოვას - გრძელვადიანი მშვიდობის დასამყარებლად მათ უნდა გაიყვანონ ძალები ყველა იმ მიწიდან, სადაც ამჟამად იმყოფებიან

6 წუთის წინ

შსს - აღმოჩენილია კუსტარული ნარკოლაბორატორია, ნარკოტიკული საშუალების კულტივირებისთვის განკუთვნილი 3 სათბური და უპრეცედენტო რაოდენობის - 28 კილოგრამამდე „მეთადონი“

9 წუთის წინ

ილიას სახელმწიფო უნივერსიტეტის ეზოში შეკრებილმა სტუდენტებმა მანიფესტი წაიკითხეს. სტუდენტები მოითხოვენ, გაუქმდეს განათლების სამინისტროს გადაწყვეტილება. მანიფესტს ხელი მოაწერეს სტუდენტებმა და პროფესორ-მასწავლებლებმა.   ჩვენ დავიცავთ ილიას უნივერსიტეტს! ჩვენ დავიცავთ განათლებას!",- აღნიშნულია სტუდენტების მანიფესტში. გარდა ამისა, აქციის მონაწილეებმა 9 მარტს აქცია-მსვლელობა დაანონსეს,

14 საათის წინ

შსს - კასპში ბრალდებულმა პირმა დაკავების მიზნით მისულ სამართალდამცველებს ცეცხლი გაუხსნა.  შიდა ქართლის პოლიციის დეპარტამენტის თანამშრომლებმა, სხეულის განზრახ ნაკლებად მძიმე დაზიანების, ცეცხლსასროლი იარაღის უკანონო შეძენა-შენახვა-ტარებისა და პოლიციელების მიმართ განხორციელებული წინააღმდეგობის ბრალდებით 1983 წელს დაბადებული გ.შ დააკავეს.

14 საათის წინ

დაივიწყეთ ურთიერთწყენა, შეურიგდით მოშუღართ, ნუ უპასუხებთ ავისმთქმელთ, გააძლიერეთ ლოცვა, - ამის შესახებ ნათქვამია სრულიად საქართველოს კათოლიკოს-პატრიარქის ილია II-ის დიდმარხვის დაწყების წინ გავრცელებულ მიმართვაში. პატრიარქი განცხადებაში აღნიშნავს, რომ "ვინც თავს მართლმორწმუნედ მიიჩნევს", ყველასთვის მარხვის დაცვა აუცილებელია.

14 საათის წინ

უნივერსიტეტებთან დაკავშირებით არის აბსოლუტურად პოლიტიკური გადაწყვეტილება, - ასე აფასებს ილიას სახელმწიფო უნივერსიტეტის ასოცირებული პროფესორი, ლაშა ბაქრაძე უნივერსიტეტის კვოტების შემცირების თაობაზე განათლების სამინისტროს გადაწყვეტილებას.  ამ გადაწყვეტილების მიზანი არა განათლების ხარისხის გაუმჯობესება, არამედ დიქტატურის გამყარებაა - აცხადებს ბაქრაძე.

17 საათის წინ

„ვიცავთ ილიაუნის“ - ამ ლოზუნგით ილიას სახელმწიფო უნივერსიტეტის A კორპუსთან საპროტესტო აქცია მიმდინარეობს. აქციაში მონაწილე პროფესორ-მასწავლებლები და სტუდენტები განათლების სამინისტროს მიერ სახელმწიფო უნივერსიტეტებისთვის კვოტების განაწილებასთან დაკავშირებით მიღებულ გადაწყვეტილებას აპროტესტებენ. აქციის მონაწილეებს თან აქვთ საქართველოს დროშები.

17 საათის წინ

ბათუმის ერთ-ერთ კლინიკაში კლინიკის სანიტარმა საპირფარეშოში იმშობიარა, რის შემდეგაც ახალშობილს დაზიანებები მიაყენა და მის მოკვლას ცდილობდა. არსებული ინფორმაციით, შემთხვევა გამთენიისას მოხდა. ახალშობილის ჯანმრთელობის მდგომარეობა მძიმეა. ახალშობილს სასწრაფო ოპერაცია ჩაუტარდა და რეანიმაციულ განყოფილებაში იმყოფება, ამავე კლინიკაშია მოთავსებული დედაც.

18 საათის წინ

გურჯაანის მუნიციპალიტეტში მომხდარი ავტოსაგზაო შემთხვევის შესახებ: "მოზარდები სოფელში არსებულ სამების ეკლესიიდან ბრუნდებოდნენ. საჭესთან  14 წლის ბავშვი იჯდა..  მანქანას ცეცხლი გაუჩნდა, სულ ხუთნი ისხდნენ, ორი გადმოვარდა და სამი არასრულწლოვანი საბა, მერაბი და გვანცა დაიღუპნენ.  საბა და მერაბი დეიდაშვილები არიან, გარდაცვლილი გოგონა გვანცა, მათი ბიძაშვილია.“ - აღნიშნავენ ადგილობრივები.

18 საათის წინ

🔴 ბოლო 1 კვირის განმავლობაში, გორის საბავშო ბაღების ნაწილში ჩუტყვავილის შემთხვევები დაფიქსირდა. შემთხვევების რაოდენობა საგანგაშო არ არის, თუმცა მედიკოსები მოსახლეობას სიფრთხილისკენ მოუწოდებენ.

18 საათის წინ

არის თუ არა შერჩევითი სამართალი საქართველოში?

20 საათის წინ

ხელისუფლება უნდა მიხვდეს, რომ ეკლესიასთან ერთად გადადგას ნაბიჯი, რომ ერი შერიგდეს. თუ ეს არ გაკეთდა, ყველა თავისას მიიღებს,- ამის შესახებ ბოდბელმა მთავარეპისკოპოსმა, მეუფე იაკობმა ქადაგებისას განაცხადა. როგორც მეუფე იაკობმა აღნიშნა, ვინმეს თუ ძალაუფლება აქვს, უფლისგან აქვს მიღებული.

21 საათის წინ

მედია - ირანში საპროტესტო აქციების ახალი ტალღა დაიწყო, თეირანი მზადაა, ურანის მარაგი შეამციროს.  ირანი უარს ამბობს მის მარაგში არსებული 300 კილოგრამი მაღალგამდიდრებული ურანის ექსპორტზე, თუმცა მზადაა შეამციროს მის მიერ გაერო-ს ბირთვული ინსპექტორის, ატომური ენერგიის სააგენტოს (IAEA) ზედამხედველობის ქვეშ არსებული მარაგის სისუფთავე, - ინფორმაციას The Guardian-ი ირანულ წყაროებზე დაყრდნობით ავრცელებს.

21 საათის წინ

შიდა ქართლის პოლიციის დეპარტამენტის ხაშურის რაიონული სამმართველოს თანამშრომლებმა, ჯგუფურად ჩადენილი ქურდობის ბრალდებით 2005 წელს დაბადებული მ.თ. და 1997 წელს დაბადებული ს.ბ. დააკავეს. ინფორმაციას შსს ავრცელებს. ბრალდებულებმა დაბა სურამში მდებარე საცხოვრებელ სახლში უკანონოდ შეაღწიეს, საიდანაც 10 000 ლარამდე ღირებულების ელექტრომოწყობილობას  დაეუფლნენ და მიიმალნენ.

22 საათის წინ

შსს - პოლიციამ დააკავა პირი, რომელიც ქალს სისტემატურად, უკანონოდ უთვალთვალებდა - დაზარალებულს  და მის დედას სიცოცხლის მოსპობით დაემუქრა.  გურჯაანის რაიონული სამმართველოს თანამშრომლებმა, 1964 წელს დაბადებული გ.გ. ადევნებისა და მუქარის ბრალდებით დააკავეს. გამოძიება სისხლის სამართლის კოდექსის 151-ე პრიმა და 151-ე მუხლებით მიმდინარეობს, რაც 2 წლამდე ვადით თავისუფლების აღკვეთას ითვალისწინებს“.

22 საათის წინ

უკრაინელმა სამართალდამცავებმა ლვოვის ოლქის ერთ-ერთ ქალაქში დააკავეს პირი, რომელიც ეჭვმიტანილია ლვოვის ცენტრში მომხდარ ტერორისტულ თავდასხმაში, რომლის დროსაც პოლიციელი დაიღუპა, - ინფორმაციას უკრაინული მედია ქვეყნის შინაგან საქმეთა მინისტრზე იგორ კლიმენკოზე დაყრდნობით ავრცელებს.

22 საათის წინ

„არ შევეგუებით ოკუპაციას“- ამ ლოზუნგით, 25 თებერვალს საპროტესტო აქცია-მსვლელობა გაიმართება. ​25 თებერვალს, ვიკრიბებით, რათა: პატივი მივაგოთ მათ, ვინც ბოლო ტყვიამდე დაიცვა დედაქალაქი; ხმამაღლა ვთქვათ, რომ ოკუპაცია დროებითია, ხოლო ჩვენი წინააღმდეგობა – მარადიული; ვაჩვენოთ, რომ მათი დაწყებული საქმე ჩვენს ხელშია და მას ბოლომდე მივიყვანთ“,- აღნიშნავენ ორგანიზატორები.

22 საათის წინ

ჩვენი შეთავაზება ძალიან მარტივია - ყველას მინუს ივანიშვილი - კონკრეტულ პოლიტიკურ პარტიებთან გვაქვს თანხმობა კონკრეტულ სამოქმედო გეგმაზე. ამის შესახებ ინფორმაციას საზოგადოება ძალიან მალე გაიგებს, - განუცხადა ჟურნალისტებს „ნაციონალური მოძრაობის“ ერთ-ერთმა ლიდერმა, ლაშა ფარულავამ ოპოზიციის გეგმებზე დასმული კითხვის საპასუხოდ.

22 საათის წინ

აშშ-ის პრეზიდენტის დონალდ ტრამპის წარმომადგენელი სტივ უიტკოფი აცხადებს, რომ რუსეთ-უკრაინის ომის დასრულების შესახებ მოლაპარაკებებში კარგი ახალი ამბავია მოსალოდნელი. „ორივე მხარეს რამდენიმე წინადადება წარვუდგინეთ, რომელიც მათ მომდევნო სამ კვირაში ერთად შეკრებს და შესაძლოა, ზელენსკის და პრეზიდენტ პუტინს შორის სამიტითაც კი დასრულდეს“, - აღნიშნა უიტკოფმა.

22 საათის წინ