პუტინის პრესმდივანი პესკოვი ოკუპირებულ ლუგანსკში იმყოფებოდა

რუსეთის პრეზიდენტის პრესმდივანი დმიტრი პესკოვი უკრაინის ოკუპირებულ ტერიტორიაზე – ლუგანსკში იმყოფებოდა. ეს ცნობილი გახდა პუტინის ადმინისტრაციის უფროსის პირველი მოადგილის, სერგეი კირიენკოს დღევანდელი გამოსვლიდან მოსკოვში, საზოგადოება „ცოდნის“ ღონისძიებაზე.

კრემლის მიერ კონტროლირებული სააგენტოების ცნობით, კირიენკომ განაცხადა, რომ პესკოვი გასულ ღამით დაბრუნდა ლუგანსკიდან, სადაც „სწავლების პროგრამას ატარებდა ლუგანსკის და დონეცკის სახალხო რესპუბლიკების მასობრივი ინფორმაციის საშუალებებისა და პრესსამსახურების წარმომადგენლებისთვის“.

რუსეთის პრეზიდენტმა პუტინმა უკრაინის ლუგანსკის, დონეცკის, ხერსონის და ზაპოროჟიეს ოლქები ანექსირებულად გამოაცხადა 2022 წლის 30 სექტემბერს, თუმცა, ამ ტერიტორიებს სრულად დღემდე ვერ აკონტროლებს უკრაინის თავდაცვის ძალების კონტრშეტევების შედეგად.

119 ნახვა
desktop
mobile catfish