„ქართული ოცნების“ ცენტრალურ ოფისში მმართველი პარტიის პოლიტსაბჭოს სხდომა მიმდინარეობს. სხდომა 14:00 საათზე დაიწყო. სხდომის დასრულების შემდეგ ირაკლი კობახიძე განცხადებას გააკეთებს. რა საკითხებზე მსჯელობს მმართველი პარტია უცნობია, თუმცა სავარაუდოდ, განხილვის თემა დიდი ბრიტანეთის მიერ  „იმედისა“ და POST TV-ის დასანქცირებასთან დაკავშირებული გადაწყვეტილებაც იქნება.

46 წუთის წინ

„საერთაშორისო გამჭვირვალობა“ – „იმედი“ და POST TV ვერ მიიღებენ შემოსავალს რეკლამიდან, ვერ იყიდიან სერიალებს, გაუუქმდებათ გასართობი გადაცემების ლიცენზიები, ვერ შეიძენენ ან იქირავებენ ტექნიკას, საბანკო გადარიცხვებით კომუნალურებს ვერ გადაიხდიან

49 წუთის წინ

„აი, ახლა რასაც „იმედის ბანკზე“ ამბობენ „ქოცები“ და მათი პროპაგანდისტები, რანაირად შეიძლება შიზოიდი თაღლითის გარდა ვინმე ამბობდეს და სასოწარკვეთილი იდიოტის გარდა ვინმე იჯერებდეს?“- წერს ნიკა გვარამია „ფეისბუქზე“.

55 წუთის წინ

მცხეთა-სტეფანწმინდა-ლარსის საავტომობილო გზის გუდაური (ფოსტა)-კობის მონაკვეთზე ყველა სახის საგზაო მოძრაობა შეიზღუდა, საავტომობილო გზების ცალკეულ მონაკვეთებზე კი სპეციალური რეჟიმები დაწესდა

57 წუთის წინ

2026-2027 სასწავლო წლისთვის, სახელმწიფო უნივერსიტეტებში მისაღებ სტუდენტთა საერთო რაოდენობა გაიზარდა. ახალი დოკუმენტის მიხედვით, მთელი ქვეყნის მასშტაბით, ბაკალავრიატისა და ერთსაფეხურიანი საგანმანათლებლო პროგრამებზე მისაღებ სტუდენტთა ოდენობა 21 300-ის ნაცვლად, 21 574-ით განისაზღვრა.

1 საათის წინ

„იმედის“ ბანკის შექმნა აბსურდია, რომც უნდოდეს ეროვნულ ბანკს, ამას ვერ იზამს, რადგან ეს „ბანკი“ ვერ გაივლის შესაბამისობის კრიტერიუმებს - ეს კანონის მოთხოვნაა, - ამის შესახებ ოპოზიციონერი პოლიტიკოსი, ეროვნული ბანკის ყოფილმა პრეზიდენტი, რომან გოცირიძე სოციალურ ქსელში წერს.

1 საათის წინ

თუკი ასეთი ბანკი შეიქმნება და შესაძლებლობა იქნება, რომ ფიზიკურმა პირებმა ანგარიში გახსნან, მე აუცილებლად გავხსნი ჩემს ანგარიშს, - ამის შესახებ პარლამენტის თავმჯდომარემ, შალვა პაპუაშვილმა, ჟურნალისტებთან განაცხადა. შესაბამისი განცხადებით პაპუაშვილმა ტელეკომპანია „იმედის“ მიერ დაანონსებულ „იმედის ბანკის“ შექმნაზე დასმულ კითხვას უპასუხა.

1 საათის წინ

ტელეკომპანია „იმედი“, რომელიც დიდმა ბრიტანეთმა ტელეკომპანია POSTV-სთან ერთად დაასანქცირა, საკუთარ ბანკს ქმნის. როგორც ტელეკომპანიის მიერ გავრცელებულ განცხადებაშია ნათქვამი, „იმედის“ ჰოლდინგის ახალი დამფუძნებლები, ტელეკომპანიის ერთგული მეგობრებისა და სპონსორების ფინანსური მხარდაჭერით, უმოკლეს ვადაში, სულ რამდენიმე თვეში, შექმნიან საკუთარ ბანკს, სახელწოდებით ,,იმედის ბანკი“.

1 საათის წინ

შინაგან საქმეთა სამინისტრომ ოჯახის წევრის მიმართ ჩადენილი ჯანმრთელობის განზრახ მძიმე დაზიანების ბრალდებით 1 პირი დააკავა. ამის შესახებ ინფორმაციას შინაგან საქმეთა სამინისტრო ავრცელებს. მათი ცნობით, ბრალდებულმა საცხოვრებელ სახლში უმისამართოდ რამდენიმე გასროლით, დედა დაჭრა.

1 საათის წინ

შეერთებულმა შტატებმა და ირანმა თეირანის ბირთვულ პროგრამასთან დაკავშირებულ მოლაპარაკებებში პროგრესს მიაღწიეს, თუმცა რამდენიმესაათიანი მოლაპარაკებები შეთანხმების გარეშე დასრულდა, - ინფორმაციას Reuters-ი ავრცელებს. გამოცემის ცნობით, ორივე მხარე გეგმავს მოლაპარაკებების განახლებას თავიანთი ქვეყნების დედაქალაქებში კონსულტაციების შემდეგ. ომანის საგარეო საქმეთა მინისტრმა საიდ ბადრ ალბუსაიდიმ, რომელიც მოლაპარაკებებს შუამავლობს, შვეიცარიაში გამართული შეხვედრის შემდეგ განაცხადა, რომ მნიშვნელოვანი პროგრესს მიაღწიეს.

1 საათის წინ

პაკისტანმა ავღანეთის ქალაქებზე ქაბულსა და ყანდაარზე დარტყმები განახორციელა, - ინფორმაციას BBC-ი პაკისტანის მთავრობის ოფიციალურ პირზე დაყრდნობით ავრცელებს. საჰაერო დარტყმების დაწყებამდე პაკისტანის თავდაცვის მინისტრმა ხავაჯა ასიფმა სოციალურ ქსელში პოსტი გამოაქვყნა, სადაც ავღანეთის “თალიბანის” მთავრობას „ღია ომი“ გამოუცხადა.

1 საათის წინ

გორში, წინასწარი შეცნობით არასრულწლოვანის გაუპატიურების ბრალდებით ერთი პირი დააკავეს.

13 საათის წინ

ორმაგი სტანდარტი და თავისუფალი სიტყვა

19 საათის წინ

ურსულა ფონ დერ ლაიენი - ვიზების შეჩერება შეიძლება მთელ მოსახლეობაზე გავრცელდეს, თუ ხელისუფლება პრობლემებს არ მოაგვარებს - მოლაპარაკებები გრძელდება დემოკრატიულ უკუსვლასა და უფლებების დარღვევებზე პასუხისმგებელი პირების სანქციების საკითხზე

20 საათის წინ

„ლეიბორისტული პარტიის“ წევრს, ლაშა ჩხარტიშვილს 5-დღიანი ადმინისტრაციული პატიმრობა შეეფარდა. მას საჯარო მოხელის შეურაცხყოფას ედავებოდნენ.  5-დღიანი ადმინისტრაციული პატიმრობა შეეფარდა. ვაპირებთ გავასაჩივროთ. მას მიკედლებული ჰყავს უპატრონო ძაღლი, მარტო ვერ გაჩერდება პატრონის გარეშე“,- აღნიშნავს ადვოკატი.

20 საათის წინ

აშშ დოლარის ოფიციალური ღირებულება 2.6741 ლარი გახდა. ეროვნული ბანკის მიერ გამოქვეყნებული მონაცემების თანახმად,  1 აშშ დოლარის ღირებულება 2.6741 ლარი გახდა. კურსი, რომელიც დღეს მოქმედებდა, 2.6740 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0001 ლარი შეადგინა. რაც შეეხება ევროს, მისი კურსი 3.1544 ლარია.

21 საათის წინ

ქართული პროპაგანდისტული არხების წინააღმდეგ სანქციების დაწესება მხოლოდ დასაწყისია, - ამის შესახებ განცხადებას „საერთაშორისო გამჭვირვალობა - დიდი ბრიტანეთი“ ავრცელებს.  ასევე, განცხადებაში აღნიშნულია, რომ „საერთაშორისო გამჭვირვალობა - დიდი ბრიტანეთი“ სანქციების დაწესების შესახებ დიდი ბრიტანეთის მთავრობის გადაწყვეტილებას მიესალმება.

26-02-2026 14:41

საქართველოს საგარეო საქმეთა სამინისტროში დაბარებულმა გაერთიანებული სამეფოს ელჩმა გარეტ უორდმა უწყება მედიასთან კომენტარის გარეშე დატოვა. საგარეო საქმეთა მინისტრ მაკა ბოჭორიშვილსა და დიპლომატს შორის შეხვედრა დაახლოებით 40 წუთს გაგრძელდა. დიპლომატს მედიასთან კომენტარი არც უწყებაში შესვლის წინ გაუკეთებია.

26-02-2026 14:35

არ ვიცი  ვინ მიიღო გადაწყვეტილება მთაწმინდის ანძის ირანის დროშის ფერებში განათებასთან დაკავშირებით და რატომ - ჩემს თვალში ეს იყო არასწორი ჟესტი განსაკუთრებით მას შემდეგ, რაც ჩვენ ვიხილეთ ირანში.  ანძის განათება არ იყო ჟესტი ირანის ან ირანელი ხალხის მიმართ, არამედ ეს იყო ჟესტი ირანის ტერორისტული რეჟიმის მიმართ. - -ისრაელის ელჩი საქართველოში ვალიდ აბუ ჰაია.

26-02-2026 14:28

„დღეს, ქობულეთის შემოვლით გზაზე მომხდარ ავტოსაგზაო შემთხვევას ემსხვერპლა თავდაცვის ძალების ორი სამხედრო მოსამსახურე, მძღოლი კაპრალ სპეციალისტი ლევან აშორტია და კაპრალი ლავრენტი მაკარაძე. თავდაცვის სამინისტრო ღრმა მწუხარებას გამოთქვამს მომხდარის გამო და თანაუგრძნობს გარდაცვლილი სამხედროების ოჯახის წევრებსა და ახლობლებს“,- ინფორმაციას თავდაცვის სამინისტრო ავრცელებს.

26-02-2026 14:25