რამდენი ლარით გაიზრდება ასაკობრივი პენსია კატეგორიების მიხედვით – ჯანდაცვის მინისტრის განმარტება

საქართველოს ჯანდაცვის მინისტრმა, ზურაბ აზარაშვილმა მთავრობის სხდომის დასრულების შემდეგ ბრიფინგზე განმარტა, რამდენი ლარით გაიზრდება ასაკობრივი პენსია კატეგორიების მიხედვით.„70 წელს გადაცილებულებს ეზრდებათ 65 ლარით და მათი პენსია იქნება 365 ლარი, 70 წლამდე პენსიონერებს პენსია 35 ლარით მოემატებათ და იქნება 295 ლარი, პირველი ჯგუფის შშმ პირებს 65 ლარით ეზრდებათ და ექნებათ 340 ლარი, ხოლო მეორე და მესამე ჯგუფს 35 ლარით და ექნებათ 155 და 135 ლარი. მაღალმთიან რეგიონებში პენსიის 20%-იანი ზრდაა და საშუალოდ ექნებათ 440 ლარი“, – განაცხადა აზარაშვილმა. 534 ნახვა

ზურაბ აზარაშვილი: 2023 წლის ბიუჯეტის შესაბამისად, დაახლოებით 30 მილიონი ლარით ზრდა შეეხება ქრონიკული მედიკამენტების დაფინანსებას

საქართველოს ჯანდაცვის მინისტრის ზურაბ აზარაშვილი აცხადებს, რომ 2023 წლის ბიუჯეტში ჯანდაცვის სამინისტროსთვის გაზრდილი დაფინანსების ნაწილი, დაახლოებით 30 მილიონ ლარი, მიმართული იქნება ქრონიკული მედიკამენტების დაფინანსებაზე.„ამ თანხის ნაწილი, დაახლოებით 30 მილიონი ლარით ზრდა შეეხება ქრონიკული მედიკამენტების დაფინანსებას. მოგეხსენებათ, ჩვენ მომდევნო წლის იანვრიდან რეფერენტული ფასებით განვსაზღვრავთ წამლების ფასებს. პირველ ეტაპზე შეეხება ქრონიკულ და ონკოლოგიურ დაავადების მქონე პირებს. აქედან გამომდინარე, 30 მილიონი დაემატება რეფერენტული ფასების განსაზღვრის შემდეგ. ასევე გაფართოვდება დასაფინანსებელი მედიკამენტების სია და მეტად გავზრდით ხელმისაწვდომობასა და ადამიანების მოცვას“, – განაცხადა ზურაბ აზარაშვილმა. 49 ნახვა

2023 წელს სოცდაუცველთა დასაქმებაზე 80 მლნ ლარი დაიხარჯება – აზარაშვილი

ჯანდაცვის მინისტრის ზურაბ აზარაშვილის ინფორმაციით, 2023 წელს სოციალურად დაუცველთა დასაქმების სახელმწიფო პროგრამაზე 80 მლნ ლარი დაიხარჯება. მიმდინარე წელს კი, ჯანდაცვის სამინისტრო ამ პროგრამაზე 40 მლნ ლარის დახარჯვას გეგმავს. “80 მლნ ლარია გათვლილი სოციალურად დაუცველი ადამიანების დასაქმების პროგრამაზე. ეს დაახლოებით 22-23 ათასი ადამიანის დასაქმებას გულისხმობს”, – განაცხადა აზარაშვილმა. ცნობისთვის, მიმდინარე წელს მთავრობამ დაიწყო სახელმწიფო პროგრამა, რომლის ფარგლებშიც სახელმწიფოს მიერ შეთავაზებულ სამუშაო ადგილებზე დასაქმების შემთხვევაში სოციალურად დაუცველი პირების გადამოწმება 4 წლის განმავლობაში აღარ იგეგმება.პროგრამის ფარგლებში დასაქმებულების ყოველთვიური ხელფასი 150-დან 300 ლარამდეა. 53 ნახვა

რამზან კადიროვი – ჩემი 14, 15 და 16 წლის შვილები უკრაინაში საბრძოლველად მიდიან – არ ვხუმრობ, დადგა დრო, მათ თავი გამოიჩინონ ნამდვილ ბრძოლაში

ჩეჩნეთის ლიდერი, რამზან კადიროვი ირწმუნება, რომ მისი სამი არასრულწლოვანი ვაჟი უკრაინაში საბრძოლველად მიემგზავრება. „არასრულწლოვნობამ ხელი არ უნდა შეუშალოს ჩვენი სამშობლოს დამცველების წვრთნას. ახმატი, ელი და ადამი 16, 15 და 14 წლის არიან, მაგრამ მათი სამხედრო მომზადება დიდი ხნის წინ, ადრეული ასაკიდან დაიწყო. არ ვხუმრობ. დადგა დრო, რომ თავი გამოიჩინონ ნამდვილ ბრძოლაში და მე მხოლოდ მივესალმები მათ სურვილს. მალე ისინი ფრონტის ხაზზე წავლენ და კონტაქტის ხაზის ურთულეს მონაკვეთებზე იქნებიან“, – წერს კადიროვი „ტელეგრამზე“. 143 ნახვა

დიმიტრი მედვედევი – ზელენსკის უნდა დაჩქარებულად შევიდეს ნატო-ში, გადასარევი იდეაა, უბრალოდ ემუდარება ჩრდილოატლანტიკურ ალიანსს, მესამე მსოფლიო ომის დაწყება დააჩქაროს

უკრაინელების მნიშვნელოვანი ნაწილი გაქრება თუ უკრაინა ბრძოლას არ შეწყვეტს, – ამის შესახებ რუსეთის უშიშროების საბჭოს თავმჯდომარის მოადგილე დიმიტრი მედვედევი პირად „ტელეგრამ“ არხზე წერს.მისი თქმით, უკრაინის ნატო-ში გაწევრიანების განაცხადი მესამე მსოფლიო ომის დაწყებას დააჩქარებს.„ზელენსკის უნდა დაჩქარებულად შევიდეს ნატო-ში. გადასარევი იდეაა. უბრალოდ ემუდარება ჩრდილოატლანტიკურ ალიანსს მესამე მსოფლიო ომის დაწყება დააჩქაროს“, – წერს მედვედევი.მან ასევე კომენტარი გააკეთა ნატოს გენერალური მდივნის იენს სტოლტენბერგის სიტყვებზე, რომ თუ უკრაინა ბრძოლას შეწყვეტს – გაქრება როგორც სახელმწიფო. „რა ცინიკური ბიჭია – თუ არ შეწყვეტს, უკრაინელების მნიშვნელოვანი ნაწილი გაქრება“, – წერს მედვედევი. მისი აზრით, რუსეთს ახლა „დღესასწაული” აქვს, უკრაინას და დასავლეთს კი „მძიმე ნარკოტიკები, დემენცია და ცინიზმი”. 134 ნახვა

პრეზიდენტი: ვგმობ საქართველოსა და უკრაინის ოკუპირებულ ტერიტორიებზე მობილიზაციის გამოცხადების გეგმებს, როგორც ჩვენი ქვეყნების სუვერენიტეტის მორიგ უხეშ დარღვევას

საქართველოს პრეზიდენტმა, სალომე ზურაბიშვილმა საქართველოსა და უკრაინის ოკუპირებულ ტერიტორიებზე რუსეთის მიერ მობილიზაციის გამოცხადების გეგმები დაგმო.„ვგმობ საქართველოსა და უკრაინის ოკუპირებულ ტერიტორიებზე მობილიზაციის გამოცხადების გეგმებს, როგორც ჩვენი ქვეყნების სუვერენიტეტის მორიგ უხეშ დარღვევას“, – წერს პრეზიდენტი Twitter-ზე. 88 ნახვა

პუტინმა განაცხადა, რომ უკრაინამ დაუყოვნებლივ უნდა შეწყვიტოს ცეცხლი და მოლაპარაკების მაგიდას დაუბრუნდეს

რუსეთის პრეზიდენტმა, ვლადიმირ პუტინმა განაცხადა, რომ უკრაინამ დაუყოვნებლივ უნდა შეწყვიტოს ცეცხლი და მოლაპარაკების მაგიდას დაუბრუნდეს.„მოვუწოდებთ კიევის რეჟიმს, დაუყოვნებლივ შეწყვიტოს ცეცხლი, ყველა საომარი მოქმედებები, ომი, რომელიც მან ჯერ კიდევ 2014 წელს გააჩაღა და მოლაპარაკებების მაგიდას დაუბრუნდეს“, – განაცხადა რუსეთის პრეზიდენტმა. კრემლში გამართულ ცერემონიაზე რუსეთის პრეზიდენტმა, ვლადიმირ პუტინმა უკრაინის ოთხი ოკუპირებული რეგიონის ანექსიას ხელი მოაწერა.„ხალხმა თავისი არჩევანი გააკეთა. დღეს ჩვენ ხელს ვაწერთ შეთანხმებას დონეცკის, ლუგანსკისა და ხერსონისა და ზაპოროჟიეს ოლქების რუსეთის შემადგენლობაში შესვლის შესახებ“, – განაცხადა ვლადიმირ პუტინმა.სიტყვით გამოსვლაში რუსეთის პრეზიდენტმა აღნიშნა, რომ რუსეთი ანექსირებული ტერიტორიების უსაფრთხოებას უზრუნველყოფს. 234 ნახვა

ვლადიმერ პუტინმა უკრაინის ოთხი რეგიონის ანექსიას მოაწერა ხელი

რუსეთის პრეზიდენტმა, ვლადიმერ პუტინმა უკრაინის ოკუპირებული დონეცკის, ლუგანსკის, ზაპოროჟიესა და ხერსონის ოლქების რუსეთის მიერ დანიშნულმა ე.წ. ხელმძღვანელებმა ხელი მოაწერეს რუსეთის შემადგენლობაში აღნიშნული რეგიონების შესვლის შეთანხმებებს. უკრაინის რეგიონების ანექსიის ოფიციალურად გაფორმებამდე სიტყვით გამოსვლისას, პუტინმა განაცხადა, რომ რეფერენდუმები ჩატარდა და ადამიანებმა ე.წ. „დონეცკისა და ლუგანსკის რესპუბლიკებში“, ასევე ზაპოროჟიესა და ხერსონის ოლქებში გააკეთეს თავისი ცალსახა არჩევანი. „დარწმუნებული ვარ, რომ ფედერალური კრება მხარს დაუჭერს კონსტიტუციურ კანონებს რუსეთში ოთხი ახალი რეგიონის, რუსეთის ფედერაციის შემადგენლობაში ოთხი ახალი სუბიექტის მიღების შესახებ, რადგან ეს არის მილიონობით ადამიანის ნება და ეს, რა თქმა უნდა, არის მათი უფლება, მათი განუყოფელი უფლება, რომელიც გათვალისწინებულია გაეროს წესდების პირველ მუხლში“, – აღნიშნა პუტინმა. შეგახსენებთ, […]

მთავრობა მომავალ წელს საჯარო სკოლების მასწავლებლებისა და მანდატურებისთვის ხელფასების გაზრდას გეგმავს

პრემიერ-მინისტრ ირაკლი ღარიბაშვილის განცხადებით, მომავალი წლიდან ბიუჯეტში საჯარო სკოლების მასწავლებელთა ხელფასებისა და დანამატების, ასევე მანდატურების ხელფასების გაზრდაა გათვალისწინებული. როგორც მან მთავრობის დღევანდელ სხდომაზე აღნიშნა, საჯარო სკოლების ადმინისტრაციული პერსონალის ხელფასები 10%-ით გაიზრდება. „განათლებასა და მეცნიერებაზე ზრუნვა ჩვენი მთავარი პრიორიტეტია. საჯარო სკოლების მასწავლებელთა ხელფასები და დანამატები იზრდება, ასევე მანდატურების ხელფასები გაიზრდება. საჯარო სკოლების ადმინისტრაციულ პერსონალის ხელფასები 10%-ით გაიზრდება, ეს ყველა საჯარო მოხელეს შეეხება. ასევე, ჩვენ გავზრდით პროფესიული სასწავლებლების პედაგოგთა საათობრივ ანაზღაურებას. ვიწყებთ 500-ზე მეტი საჯარო სკოლის რეაბილიტაციას და მშენებლობას. მოგეხსენებათ, ჩვენ გავაკეთეთ გეგმა, 800 სკოლა არის ძალიან მძიმე, სავალალო მდგომარეობაში, ამისთვის გამოყოფილია ძალიან დიდი თანხები, დაახლოებით მილიარდ ლარამდე 3 წლის განმავლობაში. ამ მიზნით, 2023 წელს […]

desktop
mobile catfish