„იურიდიულად, კრიმინალია ის, რაც ტელეკომპანია „თრიალეთის“ მიმართ ხდება“- კახა კუკავა

9 საათის წინ

„ამ წუთებში, ვინც „თრიალეთში“ მუშაობას აგრძელებს, ეს არ არის მხოლოდ პროფესიული საქმიანობა; ჩათვალეთ, რომ თითოეული თქვენთაგანი საქართველოს იცავთ ამ მაფიოზური რეჟიმისგან.“-კახა კუკავა

9 საათის წინ

კანონდამრღვევი ფინანსთა სამინისტრო! საქართველოს ფინანსთა სამინისტრომ და შემოსავლების სამსახურმა კვლავ დაარღვიეს კანონი - მათ არ მოგვაწოდეს საჯარო ინფორმაცია კანონით განსაზღვრულ ვადებში! მიუხედავად იმისა, რომ ჟურნალისტისა და ტელეკომპანია "თრიალეთის" მოთხოვნები იყო, როგორც ოფიციალურად წარდგენილი, ასევე საჯაროდ გამოქვეყნებული, ფინანსთა სამინისტრომ პასუხის გაცემა არ ისურვა. როგორც არაერთხელ უკვე მომხდარა, ფინანსთა მინისტრმა, ლაშა ხუციშვილმა, კვლავ უგულებელყო კანონით დაკისრებული ვალდებულება!

18 საათის წინ

შინაგან საქმეთა სამინისტროს თბილისის პოლიციის დეპარტამენტის ვაკე-საბურთალოს მთავარი სამმართველოს თანამშრომლებმა, ჯგუფურად ჩადენილი ყაჩაღობის ბრალდებით 2 პირი: 2000 წელს დაბადებული მ.მ. და ამავე წელს დაბადებული რუსეთის ფედერაციის მოქალაქე კ.პ. დააკავეს. ხოლო დანაშაულში მონაწილე 2001 წელს დაბადებულ ლ.ჩ.-ს ბრალი დაუსწრებლად წარედგინა. ამის შესახებ ინფორმაციას საქართველოს შს სამინისტრო ავრცელებს.

18 საათის წინ

შინაგან საქმეთა სამინისტროს ქვემო ქართლის პოლიციის დეპარტამენტის ბოლნისის რაიონული სამმართველოს თანამშრომლებმა, ძალადობისა და ჯანმრთელობის განზრახ ნაკლებად მძიმე დაზიანების ბრალდებით 2005 წელს დაბადებული ა.კ. დააკავეს. ამის შესახებ ინფორმაციას საქართველოს შს სამინისტრო ავრცელებს. გამოძიებით დადგინდა, რომ ბრალდებული ბოლნისის მუნიციპალიტეტის ერთ-ერთ სოფელში, ურთიერთშელაპარაკების ნიადაგზე - 1994 წელს დაბადებულ ნ.ნ.-ს ფიზიკურად გაუსწორდა. „დაშავებული მამაკაცი შესაბამისი სამედიცინო დახმარების გაწევის მიზნით საავადმყოფოში გადაიყვანეს.

18 საათის წინ

შინაგან საქმეთა სამინისტროს თბილისის პოლიციის დეპარტამენტის დიდუბე-ჩუღურეთის მთავარი სამმართველოს თანამშრომლებმა, განზრახ მკვლელობის მცდელობის ბრალდებით 1987 წელს დაბადებული დ.ე. დააკავეს. ინფორმაციას შსს ავრცელებს. გამოძიებით დადგინდა, რომ ბრალდებულმა წარსულში არსებული კონფლიქტის ნიადაგზე, ცივი იარაღის გამოყენებით - 1987 წელს დაბადებული ო.ქ. დაჭრა და შემთხვევის ადგილიდან მიიმალა. „დაჭრილი მამაკაცი შესაბამისი სამედიცინო დახმარების გაწევის მიზნით კლინიკაშია მოთავსებული.

18 საათის წინ

უკანონო მიგრაციის წინააღმდეგ ბრძოლის ფარგლებში, შინაგან საქმეთა სამინისტროს მიგრაციის დეპარტამენტის თანამშრომლებმა, თბილისში, ზუგდიდში, ქობულეთსა და ბათუმში სპეციალური საიმიგრაციო კონტროლის ღონისძიებები ჩაატარეს. კომპლექსური ღონისძიებების შედეგად დაკავებულია უცხო ქვეყნის 53 მოქალაქე, მათ შორის - კენიის, უგანდის, ინდოეთის, თურქმენეთის, ფილიპინების, კუბის, იორდანიის, რუსეთის, თურქეთის, განას, ზიმბაბვეს და ეთიოპიის მოქალაქეები. ამის შესახებ ინფორმაციას შს სამინისტრო ავრცელებს.

18 საათის წინ

ირანი აცხადებს, რომ ჰორმუზის სრუტე კვლავ დახურა, - ინფორმაციას Sky News-ი ირანის სახელმწიფო ტელევიზიაზე დაყრდნობით ავრცელებს. ირანის სახელმწიფო ტელევიზიის განცხადებით, ჰორმუზის სრუტე „კვლავ დაიხურა და მიმოსვლისთვის ირანის ნებართვაა საჭირო“. ასევე, ირანის შეიარაღებულმა ძალებმა განცხადება გაავრცელა, რომელშიც ნათქვამია, რომ აშშ-ის მიერ საზღვაო ბლოკადის გაგრძელების გამო, ჰორმუზის სრუტეზე კვლავ „მკაცრი კონტროლი“ დაწესდა.

18 საათის წინ

19-21 აპრილს საქართველოში მოსალოდნელია დროგამოშვებით ნალექი, ზოგან ძლიერი. შესაძლებელია ელჭექი, სეტყვა, ქარის გაძლიერება, მაღალმთიან რაიონებში ზვავსაშიშროება. გარემოს ეროვნული სააგენტოს ინფორმაციით, მოსალოდნელმა ნალექებმა შესაძლებელია მდინარეებზე წყლის დონეების მნიშვნელოვანი მატება, აღმოსავლეთ საქართველოს პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს (საფრთხის დონე საშუალო).

18 საათის წინ

პრემიერი ამბობს: 👉 "რუსთავი 2“-ს" "მიმდინარე" დავალიანება არ აქვს. ამავე დროს ირკვევა - 👉 "რუსთავი 2"-ის ვალი რესტრუქტურიზებულია. ანუ - 👉 ვალი არ აქვს, რადგან გადაუნაწილეს... "თრიალეთი" წლებია ითხოვს იგივე პირობებს - მაგრამ პასუხად იღებს: ❗ ბლოკადას! ❗ ფინანსურ დახშობას! 👉 ერთ ტელევიზიას - შეღავათი 👉 მეორეს - განადგურება! 👉 ეს არის შერჩევითი სამართალი 👉 ეს არის ორმაგი სტანდარტი 👉 ეს არის დისკრიმინაციული მიდგომა

17-04-2026 17:29

თრიალეთს ხურავენ! ხელისუფლება ებრძვის თავისუფალ მედიას და მოქმედებს შერჩევითად!

17-04-2026 11:47

ანალიტიკური ორგანიზაცია „ჯეოქეისის“ თავმჯდომარისა და საზოგადოებრივი მოძრაობა „ჯერ საქართველო - Georgia First-ის“ თანადამფუძნებლის, ვიქტორ ყიფიანის განცხადებით, „ვაიმარის სამკუთხედის“ ქვეყნების დელეგაციასთან შეხვედრაზე „ურთიერთობაზე, მეგობრობაზე, პარტნიორობასა და მომავალზე“ ისაუბრეს. ამის შესახებ მან ჟურნალისტებს განუცხადა.

16-04-2026 17:30

ჩვენ, ესტონეთის თეატრალური საზოგადოების წარმომადგენლები - მსახიობები, რეჟისორები, დრამატურგები, თეატრის მუშაკები და კულტურული ორგანიზაციები - ღრმა შეშფოთებას გამოვხატავთ და სოლიდარობას ვუცხადებთ ჩვენს ქართველ კოლეგას, ანდრო ჭიჭინაძეს და მის თანმხლებ პირებს, - ამის შესახებ აღნიშნულია მიმართვაში, რომელსაც ესტონეთის თეატრალური საზოგადოება ავრცელებს.

16-04-2026 17:28

აშშ დოლარის ოფიციალური ღირებულება 2.6946 ლარი გახდა. ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.6946 ლარი გახდა. კურსი, რომელიც დღეს მოქმედებდა, 2.6954 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0008 ლარი შეადგინა. რაც შეეხება ევროს, მისი კურსი 3.1734 ლარია. მაშინ, როცა დღეს მოქმედი კურსი 3.1757 ლარს შეადგენდა. შესაბამისად, ევროს ცვლილებამ 0.0023 ლარი შეადგინა.

16-04-2026 17:26

საქართველოს პრემიერ-მინისტრის გადაწყვეტილებით, საქართველოს სტატისტიკის ეროვნული სამსახურის აღმასრულებელ დირექტორად გოგიტა თოდრაძე ახალი ვადით დაინიშნა. საქართველოს სტატისტიკის ეროვნული სამსახურის ცნობით, თოდრაძე აღნიშნულ პოზიციაზე კონკურსის წესით შეირჩა. „საკონკურსო პროცესი ჩაატარა საქართველოს მთავრობის 2026 წლის 16 მარტის №110 დადგენილებით შექმნილმა კომისიამ, რომელმაც კანდიდატების შეფასების შედეგად გოგიტა თოდრაძე შეარჩია და მისი კანდიდატურა პრემიერ-მინისტრს დასანიშნად წარუდგინა.

16-04-2026 17:24

მე რომ პრეზიდენტის სასახლის შენობის აღება მნდომებოდა, 70 წელს გადაცილებულ, მსოფლიოში ცნობილ ოპერის მომღერალთან ერთად არ დავიწყებდი შენობის შტურმს,- ამის შესახებ 4 ოქტომბერს განვითარებული მოვლენების ორგანიზებაში ერთ-ერთმა ბრალდებულმა ლაშა ბერიძემ სასამართლო პროცესზე განაცხადა. ის ჩვენებას, როგორც დაცვის მხარის მოწმე აძლევს. ბერიძემ მის პროფესიაზე, აქამდე განვლილ გზაზე და 4 ოქტომბერს განვითარებულ მოვლენებზე ისაუბრა.

16-04-2026 17:21

ამ უტიფარი პროპაგანდის ვითარებაში, როდესაც „ქართული ოცნება“ თავს ესხმის პარტნიორებს, ძალიან მნიშვნელოვანია ჩვენი პარტნიორების თითოეული აქ ვიზიტი - ძალიან მნიშვნელოვანია ჩვენმა პარტნიორებმა საქართველო მარტო არ დატოვონ ამ რთულ დროს,- ამის შესახებ „გახარია საქართველოსთვის“ წევრმა, ანა ბუჩუკურმა „ვაიმარის სამკუთხედის“ ქვეყნების დელეგაციასთან შეხვედრის შემდეგ განაცხადა.

16-04-2026 17:20

„ტვ პირველის“ განცხადება: „ტელეკომპანია „იმედი“, რომელიც დიდი ბრიტანეთის მიერ სანქცირებულია რუსული პროპაგანდის გავრცელების გამო, ავრცელებს ცრუ ინფორმაციას „ტვ პირველის“ შესახებ. დღეს, 16 აპრილს, საინფორმაციო გამოშვება „ქრონიკაში“ გადმოცემული ინფორმაცია, რომ თითქოს „ტვ პირველს“, „ქართული ოცნების“ მთავრობაში მოსალოდნელი საკადრო ცვლილებების შესახებ ინფორმაციის გავრცელება დაავალა ვინმე ბლაჟვიჩმა არის ტყუილი, დეზინფორმაცია, არ შეესაბამება სინამდვილეს და არ ეფუძნება არანაირ ფაქტობრივ გარემოებებს.

16-04-2026 15:31

თბილისის საქალაქო სასამართლოში ათონელის სასახლესთან 4 ოქტომბერს განვითარებულ მოვლენებთან დაკავშირებით ბრალდებული პოლიტიკოსების - პაატა ბურჭულაძის, მურთაზ ზოდელავას, ირაკლი ნადირაძის, პაატა მანჯგალაძის, ლაშა ბერიძის, ირაკლი შაიშმელაშვილისა და კიდევ 4 პირის - ირაკლი ჩხვირკიას, გური ჟვანიას, ნიკა გვენცაძის და თორნიკე მჭედლიშვილის საქმის განხილვა მიმდინარეობს.

16-04-2026 15:29

„ვაიმარის სამკუთხედის“ ქვეყნების დელეგაცია, გერმანიის საგარეო საქმეთა ფედერალური სამინისტროს აღმოსავლეთ ევროპის, კავკასიისა და ცენტრალური აზიის პოლიტიკური დეპარტამენტის დირექტორი ნიკლას ვაგნერი, საფრანგეთის ევროპისა და საგარეო საქმეთა სამინისტროს კონტინენტური ევროპის დეპარტამენტის დირექტორი ბრის როკფეისი და პოლონეთის საგარეო საქმეთა სამინისტროს აღმოსავლეთ სამეზობლო პოლიტიკისა და გაფართოების დეპარტამენტის დირექტორის მოადგილე მაიკლ გიერგონი, არასამთავრობო ორგანიზაციების წარმომადგენლებს და ოპოზიციას ხვდება.

16-04-2026 15:23