"საქართველოს ადგილი ევროპაშია” - ამ ლოზუნგით საქართველოს საკონსტიტუციო სასამართლოსთან საპროტესტო აქცია მიმდინარეობს. “ქართული ოცნება ტერორისტ ქვეყანას, ირანის სისხლიან რეჟიმს სოლიდარობას უცხადებს. ის არის აგრესორი ქვეყანა, რომელიც ცივილიზებულ ქვეყნებს ებრძვის. ჩვენ გვინდა დასავლეთი, ძლიერი ეკონომიკა, ჯანდაცვა და ადამიანის დაცული უფლებები, შესაბამისად დასავლეთის გზა უნდა ავირჩიოთ”, - აცხადებენ შეკრებილები.

23 წუთის წინ

ბალისტიკური რაკეტის გაშვების ფაქტთან დაკავშირებით თურქეთის საგარეო უწყებაში ირანის ელჩი დაიბარეს, - ინფორმაციას თურქული მედია ავრცელებს. მედიის ცნობით, თურქეთში ირანის ელჩი, მოჰამედ ჰასან ჰაბიბოლაზადე საგარეო საქმეთა სამინისტროში დაიბარეს და პროტესტის ნოტა გადასცეს, ირანიდან თურქეთის მიმართულებით ბალისტიკური რაკეტის გაშვების ფაქტთან დაკავშირებით.

25 წუთის წინ

“ტრამპმა ნეთანიაჰუს ბოროტი იმპულსებით ამერიკელი ხალხი ირანის წინააღმდეგ უსამართლო ომში ჩაითრია. ახლა დაფიქრდეს, ბოლო რამდენიმე დღის განმავლობაში 500-ზე მეტი ამერიკელი სამხედრო მოსამსახურის დაღუპვის შემდეგ, სლოგანი კვლავ „ამერიკა პირველ რიგშია“ თუ „ისრაელი პირველ რიგში“?“, - წერს ირანის ეროვნული უსაფრთხოების უმაღლესი საბჭოს ხელმძღვანელი ალი ლარიჯანი X-ზე. მისი თქმით, „ეს ამბავი ჯერ არ დასრულებულა“. „იმამ ხამენეის მოწამეობრივი სიკვდილი ძვირად დაგიჯდებათ“, - აცხადებს ალი ლარიჯანი.

1 საათის წინ

ირანში კონფლიქტის დაწყების შემდეგ 5000-ზე მეტი ბომბი ჩამოვაგდეთ, - განცხადებას ისრაელის საჰაერო ძალები ავრცელებს. ისრაელის საჰაერო ძალების განცხადებით, „ავიაგამანადგურებლები ირანის თავზე საჰაერო უპირატესობის გაძლიერებას აგრძელებენ“. განცხადებაში აღნიშნულია, რომ „განსაკუთრებული აქცენტი თეირანზე კეთდება“.

2 საათის წინ

ირანის ახალ უზენაეს ლიდერად ალი ხამენეის შვილი განიხილება, - ინფორმაციას The Guardian-ი ავრცელებს. გამოცემის ცნობით, გარდაცვლილი აიათოლა ალი ხამენეის შვილი, მოჯტაბა ხამენეი ფავორიტია იმ კანდიდატებს შორის, რომლებსაც ირანის ექსპერტთა ასამბლეა ახალ უზენაეს ლიდერად განიხილავს. როგორც გამოცემა წერს, 56 წლის მოჯტაბა ხამენეი ირანის „ისლამური რევოლუციის გუშაგთა კორპუსის“ არჩევანს წარმოადგენს.

3 საათის წინ

საქართველოს უზენაესი სასამართლომა არ მიიღო განსახილველად „ბათუმელებისა“ და „ნეტგაზეთის“ თანადამფუძნებლისა და დირექტორის, მზია ამაღლობელის საკასაციო საჩივარი. ამის შესახებ ინფორმაციას "ნეტგაზეთი" ავრცელებს. ამაღლობელის ადვოკატები ითხოვდნენ ქუთაისის სააპელაციო სასამართლოს განაჩენის გაუქმებას, გამამართლებელი განაჩენის გამოტანას და რიგი საოქმო განჩინებების კანონიერების გადახედვას. პარალელურად, საქმის პროკურორი თორნიკე გოგეშვილი საკასაციო ინსტანციაში ითხოვდა განაჩენის გამკაცრებას და ბრალის დამძიმებას.

3 საათის წინ

აშშ-ის მიერ ირანულ სამხედრო გემზე დარტყმის შედეგად, სულ მცირე, 80 ადამიანი დაიღუპა, - ინფორმაციას შრი-ლანკას საგარეო საქმეთა სამინისტრო ავრცელებს. შრი-ლანკას საგარეო საქმეთა მინისტრის მოადგილის განცხადებით, მაშველებმა ქვეყნის სანაპიროსთან ჩაძირული ირანული სამხედრო ხომალდის Iris Dena-ს ეკიპაჟის 80 წევრის ცხედარი იპოვეს. მანამდე, შრი-ლანკის საზღვაო ძალებში განაცხადეს, რომ გემის ეკიპაჟის 32 წევრის გადარჩენა შეძლეს. გემის დოკუმენტაციის თანახმად, სულ, ბორტზე 180 ადამიანი იმყოფებოდა.

3 საათის წინ

3 მარტს საქართველოში დედის დღე აღინიშნა

3 საათის წინ

ბერდია სიჭინავა - ყოფილ პრემიერ მამუკა ბახტაძეს, თავდაცვის ყოფილ მინისტრს, სუსი-ს ყოფილ უფროსს, დაზვერვის სამსახურის უფროსს, ფინანსთა მინისტრს "ჩორჩანას საქმეზე" სასამართლოში მოსვლა და კითხვებზე პასუხის გაცემა მოუწევთ

3 საათის წინ

ამერიკა ირანში იმარჯვებს, - ამის შესახებ აშშ-ის თავდაცვის მდივანმა, პიტ ჰეგსეტმა ბრიფინგზე განაცხადა. „ჯერ მხოლოდ მეოთხე დღეა. ჩვენ ახლა დავიწყეთ მათი შესაძლებლობების ჩამოშლა და განადგურება. როგორც პრეზიდენტმა თქვა, ჩვენ საჭირო დროს დავუთმობთ იმას, რომ წარმატებას მივაღწიოთ. ერთ კვირაზე ნაკლებ დროში, მსოფლიოში ორ ყველაზე ძლიერ საჰაერო ძალას ირანის ცაზე სრული კონტროლი ექნება“, - განაცხადა ჰეგსეტმა.

4 საათის წინ

შრი-ლანკას სანაპიროსთან ირანული სამხედრო გემი აშშ-ის შეიარაღებული ძალების დარტყმის შედეგად ჩაიძირა , - ინფორმაციას Reuters-ი ამერიკელ მაღალჩინოსნებზე დაყრდნობით ავრცელებს. გამოცემის წყაროების ცნობით, ირანულ სამხედრო გემზე დარტყმა აშშ-ის სამხედრო წყალქვეშა ნავიდან განხორციელდა. მანამდე, შრი-ლანკის საზღვაო ძალებში განაცხადეს, რომ გემის ეკიპაჟის 32 წევრის გადარჩენა შეძლეს. ბოლო ინფორმაციით, ეკიპაჟის 148 წევრი ამ დრომდე უგზო-უკვლოდ დაკარგულად ითვლება.

4 საათის წინ

აშშ დოლარის ოფიციალური ღირებულება 2.7234 ლარი გახდა. ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.7234 ლარი გახდა. კურსი, რომელიც დღეს მოქმედებდა, 2.6922 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0312 ლარი შეადგინა. რაც შეეხება ევროს, მისი კურსი 3.1695 ლარია. მაშინ, როცა დღეს მოქმედი კურსი 3.1606 ლარს შეადგენდა. შესაბამისად, ევროს ცვლილებამ 0.0089 ლარი შეადგინა.

4 საათის წინ

ნატო-მ თურქეთის მიმართულებით ბალისტიკური რაკეტის გაშვება დაგმო. ამის შესახებ განცხადება ნატოს პრესსპიკერმა ალისონ ჰარტიმ გააკეთა. „ნატო მტკიცედ დგას ყველა მოკავშირის გვერდით, მათ შორის თურქეთის გვერდით, მაშინ როდესაც ირანი აგრძელებს განურჩეველ თავდასხმებს რეგიონში. ჩვენი შეკავებისა და თავდაცვის პოზიცია ყველა სფეროში ძლიერია, მათ შორის საჰაერო და სარაკეტო თავდაცვის კუთხით“, - განაცხადა ნატოს პრესსპიკერმა.

4 საათის წინ

შრი-ლანკას სიახლოვეს ჩაძირული ირანული სამხედრო გემის ეკიპაჟის ნაწილის ძებნა მიმდინარეობს. არსებული დოკუმენტების თანახმად, გემზე ეკიპაჟის 180 წევრი იმყოფებოდა. შრი -ლანკას საზღვაო ძალები ეკიპაჟის 32 წევრის გადარჩენისა და ჰოსპიტალში გადაყვანის შესახებ ინფორმაციას ადასტურებს. ეკიპაჟის 148 წევრი ამ დრომდე უგზო-უკვლოდ დაკარგულად ითვლება.

4 საათის წინ

ჩვენ ვიცით, რა არის ჩვენი ამოცანა - „ოპოზიციური ალიანსის“ ამოცანა არის ბიძინა ივანიშვილის არალეგიტიმური რეჟიმის დათმობებზე წასვლა, ან მას გადავახდევინოთ ის პოლიტიკური ფასი, რაც არ დათმობის შემთხვევაში მოუწევს,- ამის შესახებ „კოალიცია ცვლილებისთვის“ ერთ-ერთმა ლიდერმა, თენგო თევზაძემ „ოპოზიციური ალიანსის“ პირველი სამუშაო შეხვედრის დასრულებისას განაცხადა. მისივე თქმით, მომდევნო დღეებში „ოპოზიციურ ალიანსს“ მნიშვნელოვანი აქტივობები ექნება.

4 საათის წინ

დეჟა ვუ“ მაქვს! - თითქოს „ნაციონალური მოძრაობის“ მმართველობის ბოლო ჟამია - როგორც მიხეილ სააკაშვილი კოსტიუმივით ირგებდა კონსტიტუციასა და კანონებს, თქვენც ასე აკეთებთ!  ბარემ “საარჩევნო კოდექსში“ პირდაპირ ჩაწერეთ, რომ მხოლოდ იმათ აქვთ არჩევნებზე დამკვირვებლის უფლება, ვინც “ქართულ ოცნებას“ უჭერს მხარს, - ეს განცხადება პარლამენტის სხდომაზე ფრაქცია “საქართველოსთვის“ დეპუტატმა სოფიო ხორგუანმა საარჩევნო კანონმდებლობაში დაგეგმილი ცვლილებების განხილვისას გააკეთა,

5 საათის წინ

თურქეთის თავდაცვის სამინისტროს განცხადებით, თურქეთისკენ გაშვებული ირანის ბალისტიკური რაკეტა გაანადგურეს.  თურქეთის თავდაცვის უწყების განმარტებით, ირანული რაკეტა ერაყისა და სირიის საჰაერო სივრცის გადაკვეთის შემდეგ თურქეთის საჰაერო სივრცისკენ მიემართებოდა, როდესაც ის აღმოსავლეთ ხმელთაშუა ზღვაში განლაგებულმა ნატო-ს საჰაერო და სარაკეტო თავდაცვის სისტემებმა გაანადგურა.

5 საათის წინ

ირანის უზენაესი ლიდერის აიათოლა ალი ხამენეის დაკრძალვამდე გასამართი სამგლოვიარო ცერემონია, რომელიც დღეს, ადგილობრივი დროით 22:00 საათზე უნდა დაწყებულიყო, გადაიდო. ამ დრომდე ცერემონიის დაწყების ახალი დრო ცნობილი არ არის. მედიაში გავრცელებული ცნობებით, ცერემონიის გადადება შეიძლება უკავშირდებოდეს გლოვის ცერემონიისთვის შესაბამისი ინფრასტრუქტურის მოწყობას. ირანის მედიის ცნობით, გლოვის ცერემონია სამ დღეს უნდა გაგრძელდეს.

5 საათის წინ

როდესაც ადამიანს წარსულს ახსენებ, პირველ რიგში, ყველამ თავის წარსულს უნდა მიხედოს. ალბათ, „ქართული ოცნების“ რიგებში უამრავი ადამიანი აღმოჩნდება, რომელსაც შეიძლება წარსული შეახსენო - აწმყო გვთხოვს გაერთიანებას, რათა უზრუნველვყოთ რუსული რეჟიმის ჩამოშორება,- ამის შესახებ „ერთიანი ნაციონალური მოძრაობის“ ერთ-ერთმა ლიდერმა, ლევან ბეჟაშვილმა განაცხადა.

5 საათის წინ

თბილისის საქალაქო სასამართლომ, ათონელის სასახლესთან, 4 ოქტომბერს განვითარებულ მოვლენებთან დაკავშირებით დაკავებული 13 პირი: კახაბერ კვაჭანტირაძე, სიმონ მახარაძე, გია თოლორაია, ავთანდილ თოფჩიშვილი, მიხეილ თოლორაია, იური ლომიძე, გიორგი ტალახაძე, დავით გიუნაშვილი, საბა კორძაია, გიორგი კირვალიძე, კობა ეპიტაშვილი, მანუჩარ მიქელაძე და ბექა მაჭავარიანი კვლავ პატიმრობაში დატოვა.

7 საათის წინ