რუსთაველის გამზირზე საპროტესტო აქცია მიმდინარეობს. აქციის მონაწილეები საკანონმდებლო ორგანოს წინ ტროტუარზე არიან შეკრებილი. როგორც შეკრებილები აცხადებენ დღეს არ აქვთ მსვლელობა დაგეგმილი, ამიტომ პროტესტს საკანონმდებლო ორგანოსთან გამოხატავენ. დემონსტრანტების მოთხოვნები უცვლელია - დაინიშნოს ახალი საპარლამენტო არჩევნები და გათავისუფლდნენ აქციების ფარგლებში დაკავებული პირები.

8 წუთის წინ

CBS News-ის ინფორმაციით, ირანში მყოფმა წყარომ მათთან დარეკვა შეძლო და შეატყობინა, რომ აქტივისტების ჯგუფები პროტესტებიდან დაღუპულთა სრული სიების შედგენას ცდილობენ, ხოლო სამედიცინო წარმომადგენლების ანგარიშებზე დაყრდნობით, დაღუპულთა რიცხვი ამ მომენტისთვის 12-დან 20 ათასამდეა.

12 წუთის წინ

ადვოკატი, ამირან გიგუაშვილი:  „ირაკლი ღარიბაშვილს შევხვდი და არის მხნედ. რაიმე კონკრეტული მესიჯი საზოგადოების მიმართ არ დაუბარებია. მიმდინარე საკითხებზე ვისაუბრეთ, სტანდარტულ პროცედურებზე, რომელსაც სასჯელაღსრულების დაწესებულებაში შესახლებული პატიმრები გადიან. მის მიმართ მოპყრობა არის ნორმალური. ისეთი, როგორიც სხვა ნებისმიერ მსჯავრდებულთან მიმართებით".

7 საათის წინ

ირაკლი ღარიბაშვილმა მიიღო სწორი გადაწყვეტილება ყველასთვის, მათ შორის იმ ინსტიტუციისთვის, რომელსაც ის წარმოადგენდა - რა თქმა უნდა, მან ყველა რისკი გათვალა და უფრო მეტი სიბინძურის ამოყრა ალბათ, არავისთვის იქნებოდა სასურველი - დეტალები თავისთავად მეტ სიბინძურეს ქმნის, - ამის შესახებ პარლამენტის ვიცე-სპიკერმა, ნინო წილოსანმა ჟურნალისტებთან განაცხადა

7 საათის წინ

ჩვენი აღზრდა გინდა, თუ რატომ ჩამოუარე ყველას? მეტი საქმე არ გაქვთ? „კევს“ რატომ ღეჭავო, საბავშვო ბაღია? - ამ სიტყვებით მიმართა  ელისაშვილმა მოსამართლე მზია გარშაულიშვილს. მოსამართლემ წესრიგის დაცვისკენ მოუწოდა და გააფრთხილა, რომ სხდომათა დარბაზიდან გააძევებდა. „მართლა? შემაშინეთ! საქმეს მიხედე რა!“ - მიმართა მოსამართლეს ელისაშვილმა.

7 საათის წინ

გასულ ღამეს რუსეთმა უკრაინის წინააღმდეგ 300 დრონი და 25 რაკეტა გაუშვა, - ამის შესახებ უკრაინის პრეზიდენტი, ვოლოდიმირ ზელენსკი სოციალურ ქსელში წერს. მისივე ინფორმაციით, დარტყმების სამიზნე კვლავ ენერგეტიკული ინფრასტრუქტურა იყო. მისი თქმით, უკრაინისთვის სამხედრო დახმარება არ უნდა შეჩერდეს და თავდაცვის სისტემებისთვის რაკეტები ყოველდღიურად აუცილებელია.

7 საათის წინ

გერმანიის კანცლერი - ეს ირანის რეჟიმისთვის ბოლო დღეები და კვირებია.  „თუ რეჟიმს ძალაუფლების შენარჩუნება მხოლოდ ძალის გამოყენებით შეუძლია, მაშინ ის ფაქტობრივად დასრულებულია. მჯერა, რომ ახლა რეჟიმის ბოლო დღეებსა და კვირებს ვხედავთ“, - განაცხადა მერცმა.

8 საათის წინ

4 ოქტომბერს განვითარებულ მოვლენებთან დაკავშირებით დაკავებული ნინა სანდერი - მე ვარ პოლიტპატიმარი, თუ დაუყოვნებლივ არ გამათავისუფლებთ, დღესვე ვიწყებ მშრალ შიმშილობას, მედიკამენტების გარეშე

8 საათის წინ

ირანმა რუსეთს 2.7 მილიარდი აშშ დოლარის ღირებულების რაკეტები მიჰყიდა, რათა პრეზიდენტ ვლადიმერ პუტინს უკრაინის წინააღმდეგ ომში დახმარებოდა, - ინფორმაციას Bloomberg-ი ავრცელებს.  შესყიდვები მოიცავს: Fath-360-ის ტიპის  ასობით ბალისტიკურ რაკეტას, სხვა ტიპის მცირე მანძილზე მოქმედ 500 რაკეტას, მიწა-ჰაერი კლასის 200-მდე რაკეტას, მილიონობით საარტილერიო ჭურვს, Shahed-136-ის ტიპის „კამიკაძე“ დრონებს.

8 საათის წინ

მზია ამაღლობელის მხარდამჭერი მარშის მონაწილეები პარლამენტთან მივიდნენ - რუსთაველის გამზირზე საპროტესტო აქცია განახლდა.  მოქალაქეები საკანონმდებლო ორგანოსთან დროშებითა და სხვადასხვა შინაარსის ბანერებით არიან მისული.

12-01-2026 22:39

ალექსანდრე თამაზაშვილი ღარიბაშვილზე - ირაკლიმ გადაწყვიტა, არ შესულიყო სამართლებრივ დავაში - დაზიანდებოდა საქმე, რომელსაც სიყვარულით ემსახურა - სასაცილოა იმ ადამიანების  სიხარული, რომლებსაც ჰგონიათ, რომ რაიმე სარგებელს მიიღებენ.   ზუსტად ვიცი, რომ ყველაფერზე არსებობს პასუხები და საზოგადოებისთვის გასაგები და მისაღები მიზეზები.

12-01-2026 22:33

მზია ამაღლობელის მხარდასაჭერად მარჯანიშვილის მოედნიდან პარლამენტისკენ საპროტესტო მსვლელობა იმართება.   მარში მარჯანიშვილის მეტროს მიმდებარე ტერიტორიიდან დაიძრა. „თავისუფლება მზიას, თავისუფლება რეჟიმის ტყვეებს!” - სკანდირებენ მოქალაქეები.  აქციის მონაწილეები მსვლელობით პარლამენტისკენ მიემართებიან, სადაც უკვე ერთ წელზე მეტია, საპროტესტო აქცია უწყვეტ რეჟიმში იმართება.

12-01-2026 21:30

რა გაუძვირდათ მოქალაქეებს ყველაზე მეტად?

12-01-2026 21:25

ყოფილი პრემიერ-მინისტრი, ირაკლი ღარიბაშვილი რუსთავის N12 პენიტენციურ დაწესებულებაში შეასახლეს. ყოფილმა პრემიერ-მინისტრმა საპროცესო შეთანხმება გააფორმა - მას სასჯელის სახედ და ზომად 5 წლით თავისუფლების აღკვეთა განესაზღვრა. ასევე, დამატებითი სასჯელის სახით დაეკისრა ჯარიმა 1 მილიონი ლარის ოდენობით.

12-01-2026 20:50

რანში ხელისუფლების მხარდამჭერი დემონსტრაციები გაიმართა, - ინფორმაციას Sky News-ი ავრცელებს. აიათოლა ალი ხამენეის მხარდამჭერ დემონსტრაციებს ათიათასობით ადამიანი შეუერთდა. გამოცემა წერს, რომ დემონსტრაციებზე შეძახილები, „სიკვდილი ამერიკას“ და „სიკვდილი ისრაელს“ ისმოდა. ადგილობრივი მედიის ინფორმაციით, დემონსტრაციებში მონაწილეობა ირანის პრეზიდენტმა, მასუდ ფეზეშქიანმაც მიიღო.

12-01-2026 20:45

ირანში ხელისუფლების მხარდამჭერი დემონსტრაციები გაიმართა, - ინფორმაციას Sky News-ი ავრცელებს. აიათოლა ალი ხამენეის მხარდამჭერ დემონსტრაციებს ათიათასობით ადამიანი შეუერთდა. გამოცემა წერს, რომ დემონსტრაციებზე შეძახილები, „სიკვდილი ამერიკას“ და „სიკვდილი ისრაელს“ ისმოდა. ადგილობრივი მედიის ინფორმაციით, დემონსტრაციებში მონაწილეობა ირანის პრეზიდენტმა, მასუდ ფეზეშქიანმაც მიიღო.

12-01-2026 20:45

„პრესის საერთაშორისო ინსტიტუტი“ - 1 წელი შესრულდა, რაც მზია ამაღლობელი უსამართლოდ დააპატიმრეს პოლიტიკურად მოტივირებული ბრალდებებით - ის საქართველოში პრესის თავისუფლებისა და დემოკრატიისთვის ბრძოლის სიმბოლოდ იქცა. „პრესის საერთაშორისო ინსტიტუტის“ განცხადებით, გააგრძელებენ მზია ამაღლობელის სასამართლო პროცესის ყურადღებით დაკვირვებას.

12-01-2026 17:42

პროკურატურამ ირაკლი ღარიბაშვილთან საპროცესო შეთანხმება გააფორმა - მას სასჯელის სახედ და ზომად 5 წლით თავისუფლების აღკვეთა განესაზღვრა. ასევე, დამატებითი სასჯელის სახით დაეკისრა ჯარიმა 1 მილიონი ლარის ოდენობით.

12-01-2026 15:50

გარემოს ეროვნული სააგენტო - 14 იანვარს ქვეყნის უმეტეს ტერიტორიაზე მოსალოდნელია თოვა, დასავლეთის ძლიერი ქარი, ზღვაზე 4-5-ბალიანი შტორმი. მთიან რაიონებში მოსალოდნელია ნისლი, ქარბუქი, ელექტროგადამცემ ხაზებზე შემოყინულობა, გზებზე ლიპყინული და ზვავსაშიშროება.

12-01-2026 14:22

წერონ და იკითხონ დიდ ბრიტანეთში - კარგი იქნება, თუკი ცოტა ღრმა ანალიზით იქნება ეს ქვეყანა დაკავებული და ცალკეული პირები ასე ფეხქვეშ არ გაეგებიან „დიფ სთეითის“ სურვილებს და არ გახდებიან მათი ნება-სურვილის აღმსრულებლები, - ამის შესახებ დავით მათიკაშვილმა განაცხადა, როდესაც დიდი ბრიტანეთის მხრიდან, ბიძინა ივანიშვილის შესაძლო სანქცირებაზე დასმულ კითხვას უპასუხა.

12-01-2026 13:56