საქართველოს პარლამენტთან აქცია განახლდა. საკანონმდებლო ორგანოსთან პროტესტის მონაწილეებს ლოზუნგით - „არა რუსულ პროპაგანდისტულ არხებს!“, მარშის მონაწილეებიც შეუერთდნენ. ისინი თავდაპირველად ფილარმონიასთან შეიკრიბნენ, საიდანაც მსვლელობით საქართველოს პარლამენტისკენ გაემართნენ.მარშის მონაწილეებს მიტანილი ჰქონდათ, საქართველოსა და ამერიკის დროშები.

16 წუთის წინ

დუბაიში ირანის დარტყმების შედეგად ოთხი ადამიანი დაშავდა, დარტყმები განხორციელდა ბაჰრეინშიც, - ინფორმაციას Sky News-ი ავრცელებს. გამოცემის ცნობით, ირანის სარაკეტო იერიშების შემდეგ ხანძარი დუბაიში, პალმის კუნძულებზე მდებარე სასტუმრო Fairmont-თან გაჩნდა. დაშავებულები საავადმყოფოში გადაიყვანეს, ხოლო დუბაის სამოქალაქო თავდაცვის სამსახურმა დაადასტურა, რომ ხანძარი კონტროლს ექვემდებარება.

18 წუთის წინ

„არა რუსულ პროპაგანდისტულ არხებს!“ - ამ ლოზუნგით მოქალაქეები საპროტესტო მარშს მართავენ. ისინი თავდაპირველად ფილარმონიასთან შეიკრიბნენ, საიდანაც მსვლელობით მიემართებიან საქართველოს პარლამენტისკენ. მარშის მონაწილეებს მიტანილი აქვთ, საქართველოსა და ამერიკის დროშები. ისინი პარლამენტთან აქციის სხვა მონაწილეებს შეუერთდებიან.

22 წუთის წინ

სახალხო დამცველის წარმომადგენელმა ნახა მსჯავრდებულ ირაკლი ღარიბაშვილის საკანში ვიდეომეთვალყურეობის შედეგად გადაღებული უწყვეტი ვიდეომასალა, რის შემდეგაც სახალხო დამცველის წარმომადგენელმაც დაადასტურა, რომ მსჯავრდებულს პენიტენციური დაწესებულება არ დაუტოვებია, - ამის შესახებ განცხადებას სპეციალური პენიტენციური სამსახური ავრცელებს.

26 წუთის წინ

ევროკავშირის საზღვაო მისიის წარმომადგენლის განცხადებით, ირანის „ისლამური რევოლუციის გუშაგთა კორპუსმა“ გემებს ჰორმუზის სრუტეში გასვლა აუკრძალა, - ინფორმაციას Reuters-ი ავრცელებს. ამასთან, Reuters-ი ანონიმურ წყაროზე დაყრდნობით წერს, რომ ირანს მსგავსი ბრძანების გაცემის შესახებ ინფორმაცია ოფიციალურად არ დაუდასტურებია.

1 საათის წინ

საქართველოში მცხოვრები ირანის მოქალაქეები ირანის საელჩოსთან ირანელი ხალხის მხარდამჭერ აქციას მართავენ. ისინი ირანში, აშშ-ისა და ისრაელის მიერ განხორციელებულ იერიშს ზეიმობენ. აქციის მონაწილეებს მიტანილი აქვთ ამერიკისა და ირანის დროშები. ისმის შეძახილები „გამარჯვება“, გამარჯვება“.

1 საათის წინ

ბენიამინ ნეთანიაჰუ დონალდ ტრამპს ესაუბრა, - ინფორმაციას ისრაელის პრემიერ-მინისტრის ადმინისტრაცია ავრცელებს. „ირანის წინააღმდეგ ორი ქვეყნის ერთობლივი დარტყმების ფონზე, პრემიერ-მინისტრი ბენიამინ ნეთანიაჰუ აშშ-ის პრეზიდენტ დონალდ ტრამპს ესაუბრა“, - აცხადებს ისრაელის პრემიერ-მინისტრის ადმინისტრაცია და ნეთანიაჰუს ფოტოს აქვეყნებს.

1 საათის წინ

გაერო-ს უშიშროების საბჭო ირანსა და ახლო აღმოსავლეთში არსებული ვითარების განსახილველად საგანგებო სხდომას გამართავს, - ინფორმაციას საფრანგეთის საგარეო საქმეთა მინისტრი, ჟან-ნოელ ბარო ავრცელებს. „საფრანგეთის მოთხოვნით, პარიზის დროით 22:00 საათზე (თბილისის დროით კვირა, 1:00 საათი) გაერო-ს უშიშროების საბჭოს სხდომა გაიმართება“, - წერს ჟან-ნოელ ბარო X-ზე.

1 საათის წინ

დუბაიში საცხოვრებელ ზონაში აფეთქება მოხდა, - ინფორმაციას Reuters-ი ავრცელებს. გამოცემის ცნობით, დუბაის პალმ-აილენდის საცხოვრებელ უბანში რაკეტა ჩამოვარდა, რამაც ხანძარი გამოიწვია. ასევე, მედიის ინფორმაციით, ქუვეითის საერთაშორისო აეროპორტში დრონით დარტყმა განხორციელდა, რის შედეგადაც რამდენიმე მუშა დაშავდა. აფეთქებების ხმა გაისმა დოჰაშიც.

1 საათის წინ

ცენტრალურ ისრაელში ირანის მიერ გაშვებული ბალისტიკური რაკეტის ნამსხვრევები ჩამოვარდა, - ინფორმაციას ადგილობრივი მედია ავრცელებს. ისრაელის საგანგებო სიტუაციების სამსახურის, მაგენ დევიდ ადომის ცნობით, რაკეტის ნამსხვრევების ჩამოვარდნის შედეგად, 17 წლის ბიჭი დაშავდა. ასევე, მედიის ინფორმაციით, დილის შემდეგ ირანის მიერ ისრაელის წინააღმდეგ განხორციელებული სარაკეტო იერიშების შედეგად ორი ადამიანი დაშავდა.

1 საათის წინ

თბილისის საერთაშორისო აეროპორტიდან დღეს ახლო აღმოსავლეთის მიმართულებით დაგეგმილი თითქმის ყველა ფრენა გაუქმდა, - ამის შესახებ აეროპორტის ადმინისტრაციაში განაცხადეს. მათივე ინფორმაციით, დღეს თბილისიდან ჯამში გაუქმებულია 11 რეისი. აღსანიშნავია, რომ ქუვეითის, თელ-ავივის, დუბაის, აბუ-დაბის, შარჯასა და ჯიდას მიმართულებით ფრენები 1-ელი მარტისთვის გადაიდო.

3 საათის წინ

გურჯაანის მუნიციპალიტეტის სოფელ ველისციხეში საცხოვრებელი სახლი დაიწვა. ცეცხლი ორსართულიან სახლს გაუჩნდა, სადაც ცოლ-ქმარი ცხოვრობდა. მათ ცეცხლმოკიდებული შენობის დატოვება შეძლეს. ადგილზე მობილიზებული იყო სახანძრო- სამაშველო ჯგუფები. რა გახდა ცეცხლის გაჩენის მიზეზი უცნობია.

3 საათის წინ

ისრაელის მე-12 არხის ცნობით, არსებობს იმის ნიშნები, რომ, დღეს დილით ისრაელის მიერ განხორციელებული დარტყმების შედეგად ლიკვიდირებულია აიათოლა ალი ხამენეი. ინფორმაცია, ჯერჯერობით ოფიციალურად არ დასტურდება. ამასთან, Reuters-ის ცნობით, შესაძლოა, ისრაელის საჰაერო დარტყმებს ირანის თავდაცვის მინისტრი აზიზ ნასირზადე და ირანის რევოლუციური გვარდიის მეთაური მოჰამედ პაკპური ემსხვერპლა.

3 საათის წინ

ისრაელის დარტყმების შედეგად აიათოლა ხამენეის რეზიდენცია განადგურდა, - ფოტოს Jerusalem Post-ი აქვეყნებს. გამოცემა სატელიტიდან გადაღებულ ფოტოს აქვეყნებს, სადაც ირანის უზენაესი ლიდერის, აიათოლა ალი ხამენეის განადგურებული რეზიდენცია ჩანს. მანამდე, გამოცემა Reuters-მა ინფორმაცია გაავრცელა, რომ ხამენეი უსაფრთხო ლოკაციაზეა გადაყვანილი.

3 საათის წინ

დიქტატურები უნდა დასრულდეს!, - ამის შესახებ, სალომე ზურაბიშვილი სოციალურ ქსელში წერს. „ომის დაწყება არასდროს მახარებს, მაგრამ ირანის ხელისუფლებამ მოიტყუა, მოლაპარაკებები სასაცილოდ აიგდო და რაც ყველაზე მთავარია, საკუთარი ხალხი მოკლა და აწამა. დიქტატურები უნდა დასრულდეს! მხარდაჭერა ირანელ ხალხს!“, - წერს სალომე ზურაბიშვილი X-ზე.

3 საათის წინ

„მიმდინარე ესკალაცია ყველასთვის საშიშია. ის უნდა დასრულდეს. ახლა ირანის რეჟიმმა უნდა გააცნობიეროს, რომ მას სხვა გზა არ აქვს, გარდა იმისა, რომ მოლაპარაკებებში კეთილსინდისიერად ჩაერთოს, რათა თავისი ბირთვული და ბალისტიკური პროგრამები, ასევე რეგიონული დესტაბილიზაციის გამომწვევი აქტივობები დაასრულოს“, - წერს მაკრონი X-ზე.

3 საათის წინ

დუბაიში ხუთი აფეთქება მოხდა, - ინფორმაციას CNN-ი ავრცელებს. CNN -ის ჟურნალისტების ცნობით, დუბაიში აფეთქებების ხმა გაისმა. გამოცემა ვიდეოკადრებს ავრცელებს. უცნობია, აფეთქებები ირანის სარაკეტო დარტყმების შედეგად მოხდა, თუ არაბთა გაერთიანებული საამიროების საჰაერო თავდაცვის სისტემების მიერ მათი ჩამოგდების შედეგად.

3 საათის წინ

აშშ-ისა და ისრაელის მიერ განხორციელებული დარტყმების შედეგად სამხრეთ ირანში მდებარე სკოლაში 40 ადამიანი დაიღუპა, - ინფორმაციას Associated Press-ი ირანის სახელმწიფო მედიაზე დაყრდნობით ავრცელებს. ასევე, დარტყმების შედეგად, სულ მცირე, 45 ადამიანი დაშავდა. Associated Press-ის ინფორმაციით, ქალაქ მინაბში ირანის „ისლამური რევოლუციის გუშაგთა კორპუსს“ ბაზა აქვს.

4 საათის წინ

რუსეთის საგარეო საქმეთა სამინისტრო - აშშ-მა და ისრაელმა ირანის წინააღმდეგ წინასწარ დაგეგმილი და არაპროვოცირებული სამხედრო აგრესიის აქტი განახორციელეს - მოვითხოვთ, ვითარება პოლიტიკური და დიპლომატიური მოგვარების კურსს დაუბრუნდეს

4 საათის წინ

ირანის სარაკეტო იერიშის შედეგად აბუ-დაბიში ერთი ადამიანი დაიღუპა, - ინფორმაციას არაბთა გაერთიანებული საამიროების თავდაცვის სამინისტრო ავრცელებს. არაბთა გაერთიანებული საამიროების თავდაცვის სამინისტროს ცნობით, საჰაერო თავდაცვის სისტემის მოქმედების შემდეგ ირანის მიერ გაშვებული რაკეტის ნამსხვრევები აბუ-დაბიში საცხოვრებელ ზონაში ჩამოვარდა.

4 საათის წინ