გორის საკათედრო ტაძარში საახალწლო პარაკლისი გადაიხადეს

დღეს მართლმადიდებელი ეკლესია მაცხოვრის წინადაცვეთას ბასილი დიდის ხსენებას აღნიშავს. გორისა და ატენის მიტროპოლიტმა მეუფე ანდრიამ ეპარქიის სამღვდელოებასთან ერთად ყოვლადწმინდა ღვთისმშობლის შობის გორის საკათედრო ტაძარში სადღესასწაულო ლიტურგია აღასრულა. ლიტურგიის დასასრულს ახალი წლის პარაკლისი გადაიხადეს. სახარების მიხედვით, უფლის წინადაცვეთა დაბადებიდან მერვე დღეს მოხდა. ამ წესის აღსრულების დროს დაერქვა ქრისტეს სახელი იესო, რაც მაცხოვარს ნიშნავს და მიანიშნებს, რომ ქრისტე სამყაროს გამოსახსნელად განკაცდა. წინადაცვეთა ნათლისღების წინასახეს წარმოადგენდა. ახალ აღთქმაში იგი ნათლობის საიდუმლომ შეცვალა. დღეს ეკლესია ბასილი დიდის ხსენებას და საეკლესიო ტრადიციით – კალენდარულ ახალ წელს ერთდროულად აღნიშნავს.

Related posts