ვინ არის გოგო ხალათით და ჩუსტებით თბილისის მეტროში, რომელმაც სოციალური ქსელი აალაპარაკა

პრაიმტაიმს დაუკავშირდა ნინი ბედიანიძე, რომელმაც რამდენიმე დღის წინ მეტროში უცნაური ფოტოსესია მოაწყო.

>

ის მეტროს ვაგონში ხალათით, ჩუსტებით და ფინჯანი ყავით გამოჩნდა. 

მისი თქმით, ხალხს ძალიან კარგი რეაქცია ჰქონდა, თუმცა საზოგადოების ნაწილმა ის გააკრიტიკა.

„ხალხის რეაქცია ძალიან კარგი იყო. არანაირი ბულინგი, გვლოცავდნენ, მეტროს თანამშრომლები გახალისდნენ კიდეც, თუმცა როდესაც სოციალურ ქსელში ფოტოები დაიდო საშინელი კომენტარები იყო. ზოგმა ისიც დაწერა, რომ ქართველობა წავართვი საკუთარ თავს“, – ამბობს „პრაიმტაიმთან“ ნინი ბედიანიძე.

მას სურს იდეა განავითაროს და მოძრავი საშხაპე კაბინით ჩავიდეს მეტროში, თუმცა ამბობს, რომ სავარაუდოდ ამ იდეის განხორციელება გაუჭირდება.

„იდეის განვითარება მინდა მოძრავი საშხაპე კაბინით, რომელსაც მეტროში სავარაუდოდ არ ჩამატანინებენ.  5 წელია სახელმწიფო თავშესაფარში ვცხოვრობ არავინ და არაფერი არ გამაჩნია, მაგრამ პოზიტივის გარეშე ცხოვრება არ ღირს, თან კორონას ეპოქაში“, – აცხადებს ნინი ბედიანიძე.

თრიალეთი TV