ვენესუელას ვუხელმძღვანელებთ იქამდე, ვიდრე ისეთი მომენტი არ დადგება, როდესაც ხელუსუფლების უსაფრთხოდ, სწორად და სამართლიანად გადაცემას უზრუნველვყოფთ. ამის შესახებ აშშ-ის პრეზიდენტმა, დონალდ ტრამპა პრესკონფერენციაზე განაცხადა.

1 საათის წინ

გორის ნაფიც მსაჯულთა სასამართლომ ორივე ბრალდებულს სასჯელის  ზომად 17-17 წლით თავისუფლების აღკვეთა განუსაზღვრა.  2025 წლის 20 აპრილს, ყაზბეგის მუნიციპალიტეტის ერთ-ერთ სოფელში, ბრალდებულებმა შელაპარაკების ნიადაგზე, ჯგუფურად, დაზარალებულს სხეულის სხვადასხვა არეში მრავლობითი ჭრილობები და დაზიანებები მიაყენეს.

2 საათის წინ

დონალდ ტრამპმა დაასახელა ქვეყანა, რომლის წინააღმდეგაც, შესაძლოა, მორიგი სამხედრო ოპერაცია გახორციელდეს _ მან განაცხადა, რომ მექსიკის პრეზიდენტი კლაუდია შეინბაუმი “კარგი ქალია”, თუმცა, მექსიკა კარტელების ხელშია.  “ის არ მართავს მექსიკას _ მექსიკას მართავენ კარტელები. მექსიკას რაღაც უნდა მოვუხერხოთ”, _ თქვა ტრამპმა.

2 საათის წინ

პარლამენტთან აქცია მიმდინარეობს. აქციის მონაწილეებმა, რომლებიც რუსთაველის გამზირზე მსვლელობას მართავდნენ, პარლამენტის წინ გადაინაცვლეს.  ამ წუთებში აქცია პარლამენტის წინ ტროტუარზე მიმდინარეობს. პოლიციამ აქციის მონაწილეებს რამდენჯერმე გზის სავალი ნაწილის გათავისუფლებაც მოსთხოვა.

2 საათის წინ

რთული მეტეოროლოგიური პირობების გამო, ვიზიტორებისთვის დროებით დაკეტილი იქნება რამდენიმე ტურისტული ობიექტი

2 საათის წინ

რამდენი ლარით გაეზარდათ ხელფასები თანამდებობის პირებს და საჯარო მოხელეებს?

4 საათის წინ

საავტომობილო გზების დეპარტამენტის ინფორმაციით,  მცხეთა–სტეფანწმინდა–ლარსის საავტომობილო გზის კმ93-კმ107 (გუდაური(ფოსტა)-კობის) მონაკვეთზე მსუბუქი ავტოტრანსპორტის მოძრაობა აღდა. მათივე ინფორმაციით, აღნიშნული გზის 79-კმ107 (მლეთა-კობის) მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა შეზღუდულია, ხოლო დანარჩენი სახის ავტოტრანსპორტის გადაადგილება თავისუფალია.

4 საათის წინ

ვოლოდიმირ ზელენსკიმ ენერგეტიკის მინისტრის თანამდებობაზე დენის შმიგალის კანდიდატურა წარადგინა. მისი თქმით, უკრაინის პრემიერ-მინისტრთან, იულია სვირიდენკოსთან კონსულტაციები ჰქონდა და იმედი აქვს, რომ პარლამენტი პირველი ვიცე-პრემიერისა და ენერგეტიკის მინისტრის თანამდებობაზე დენის შმიგალის კანდიდატურას მხარს დაუჭერს.

4 საათის წინ

ბაჩო ახალაიას მეუღლე, ანი ნადარეიშვილი საქართველოს პროკურატურას მიმართავს განცხადებით, განუმარტონ, რატომ არ ეძლევა უფლება ახალია ადვოკატის სტატუსით მოინახულოს.  იგი პროკურატურისგან ითხოვს პასუხს, თუ რომელი სამართლებრივი ნორმის საფუძველზე იზღუდება მისი უფლება. ნადარეიშვილი „ფეისბუქზე“ წერს, რომ საქართველოში „კონსტიტუცია, კანონი და სამართალი არ არსებობს“.

4 საათის წინ

ირანი გაერო-ს საპროტესტო აქციებთან დაკავშირებით დონალდ ტრამპის განცხადების დაგმობისკენ მოუწოდებს. გაერო-ში ირანის ელჩმა, ამირ-საიდ ირავანიმ აშშ-ის პრეზიდენტის მიერ ირანში მიმდინარე საპროტესტო აქციებთან დაკავშირებით გაკეთებული განცხადების შემდეგ გენერალურ მდივანს, ანტონიო გუტერეშსა და უშიშროების საბჭოს წერილი გაუგზავნა.

4 საათის წინ

ყაზბეგში, გასული წლის 20 აპრილს მომხდარ განზრახ მკვლელობის ფაქტზე ორი ბრალდებული ნაფიცმა მსაჯულებმა დამნაშავედ ცნეს - მათ 17-17 წლით თავისუფლების აღკვეთა მიესაჯათ

6 საათის წინ

საქართველოს რკინიგზა - უამინდობის გამო, 3 და 4 იანვარს მაგისტრალური და საგარეუბნო მიმართულებით მოძრავი მატარებლები რეისებს აღარ შეასრულებენ, იმოძრავებს მხოლოდ თბილისი-ბათუმი-თბილისის მატარებელი

7 საათის წინ

ვენესეულას თავს დაესხნენ, - ამის შესახებ კოლუმბიის პრეზიდენტი, გუსტავო პეტრო X-ზე წერს. „ამ წუთებში კარაკასს ბომბავენ. მსოფლიოს შეატყობინეთ, რომ ვენესეულას თავს დაესხნენ. დაბომბვა რაკეტებით ხორციელდება“, - წერს პეტრო. მისი თქმით, ამერიკის სახელმწიფოთა ორგანიზაციამ და გაერო-მ საგანგებო სხდომები ახლავე უნდა გამართონ.

11 საათის წინ

შინაგან საქმეთა სამინისტრომ დააკავა ტურისტად მყოფი ისრაელის მოქალაქე, რომელმაც, გამოძიების ინფორმაციით, 29 დეკემბერს, გმირთა მოედანთან გვირაბში ავტომობილით გადაადგილებისას აკუსტიკური იარაღიდან რამდენიმე გასროლა განახორციელა. უწყების ცნობით, მას დაეკისრა ადმინისტრაციული ჯარიმა 4000 ლარის ოდენობით, ასევე, ქვეყნიდან გაძევება და საქართველოში შემოსვლაზე აკრძალვა 3 წლის ვადით.

12 საათის წინ

ვენესუელას დედაქალაქში აფეთქებების ხმა ისმის, - ინფორმაციას Reuters-ი ავრცელებს. გამოცემის ცნობით, ვენესუელას დედაქალაქ კარაკასში, სულ მცირე, შვიდი აფეთქება მოხდა. თვითმხილველებმა კარაკასის თავზე რამდენიმე ვერტმფრენი დააფიქსირეს. სოციალურ ქსელებში გავრცელებული ინფორმაციის თანახმად, კარაკასის თავზე აშშ-ის არმიის ვერტმფრენები დაფრინავენ.

12 საათის წინ

დღეს შიიტი მუსლიმები პირველი იმამის, ალის (ალი იბნ აბუ ტალიბი, მეოთხე მართლმორწმუნე ხალიფა, 601-661 წ.წ.) დაბადების დღეს აღნიშნავენ.   ავტორიტეტული მუსლიმური წყაროების თანახმად, ალი იყო პირველი მამაკაცი, რომელმაც მიიღო ისლამი.

12 საათის წინ

თბილისში, წერეთლის გამზირზე ავტოსაგზაო შემთხვევას ორი ადამიანი ემსხვერპლა. შემთხვევა გვიან ღამით მოხდა. მომხდარზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.

12 საათის წინ

ვოლოდიმირ ზელენსკი - თავდაცვის მინისტრის თანამდებობა მიხაილ ფედოროვს შევთავაზე.  „თავდაცვის სამინისტროს ფორმატის შეცვლა გადავწყვიტე. თავდაცვის ახალ მინისტრად მიხაილ ფედოროვის კანდიდატურა წარვადგინე. მიხაილი დრონების მიმართულებით ღრმად არის ჩართული, ასევე, სამთავრობო სერვისებისა და პროცესების დიგიტალიზაციის საკითხში შედეგიანად მუშაობს“, - განაცხადა ზელენსკიმ.

12 საათის წინ

ლიპყინულის გამო, შიდასახელმწიფოებრივი მნიშვნელობის ვაზიანი-გომბორი-თელავის საავტომობილო გზის კმ36-კმ64 (ვერონა-თელავი) მონაკვეთზე, დასაშვებია მხოლოდ მაღალი გამავლობის (ორი და მეტი წამყვანი ხიდის მქონე) ავტოტრანსპორტის მოძრაობა. ინფორმაციას საქართველოს ინფრასტრუქტურის სამინისტროს საავტომობილო გზების დეპარტამენტი ავრცელებს. მათივე ცნობით, დანარჩენი სახის ავტოტრანსპორტის მოძრაობა შეზღუდულია.

12 საათის წინ

აშშ-ის არიზონას შტატში ვერტმფრენის ჩამოვარდნის შედეგად 4 ადამიანი დაიღუპა. აშშ-ის ფედერალური საავიაციო ადმინისტრაციის ცნობით, კერძო ვერტმფრენი ქალაქ ფინიქსის მახლობლად მთებში ჩამოვარდა. თვითმხილველების განცხადებით, ვერტმფრენი კლდეზე სლექლაინისთვის გაბმულ თოკს შეეჯახა, რის შემდეგაც კონტროლი დაკარგა.

12 საათის წინ