აშშ-ის პრეზიდენტის დონალდ ტრამპის განცხადებით, ირანის ლიდერებს მოლაპარაკება სურთ და ამ მიზნით დაურეკეს. „გუშინ დარეკეს. ირანმა მოლაპარაკებისთვის დარეკა. ირანის ლიდერებს მოლაპარაკება სურთ. ვფიქრობ, ისინი დაიღალნენ შეერთებული შტატების მხრიდან დარტყმით. ირანს ჩვენთან მოლაპარაკება სურს“, - განუცხადა ტრამპმა ჟურნალისტებს.

2 წუთის წინ

დღეს მზია ამაღლობელის მხარდამჭერი მარში გაიმართება. როგორც მარშის ორგანიზატორები აცხადებენ, მსვლელობა მარჯანიშვილის მოედნიდან, 20:00 საათზე დაიწყება და გალაკტიონის ხიდისა და მიხეილ ჯავახიშვილის ქუჩის გავლით, რუსთაველზე, პარლამენტთან დასრულდება. 12 იანვარს მზია ამაღლობელის დაპატიმრებიდან ერთი წელი ხდება.

12 წუთის წინ

,,შობა-ახალ წელსაც არ გვქონდა წყალი,, - გორელები წყლის პრობლემაზე საუბრობენ და ამბობენ, რომ ბოლო დღეებია მათ წყალი არ მიეწოდებათ.

12 საათის წინ

გორის მერის ხელფასი 8052 ლარი, მოადგილეების მინიმალური ხელფასი 5637 ლარი - საჯარო სამსახურებში ხელფასები გაიზარდა 🇬🇪

12 საათის წინ

მზია ამაღლობელის მხარდასაჭერად რუსთავის ქალთა კოლონიასთან აქცია გაიმართა.  ჟურნალისტი მერაბ მეტრეველი: "მზია ამაღლობელის პატიმრობა მოწმობს იმას, რომ ეს არის არა სამართალი, არამედ ხელისუფლების შურისძიება".

13 საათის წინ

ირანში საპროტესტო აქციების დროს, 500-ზე მეტი ადამიანი დაიღუპა. ამის შესახებ ინფორმაციას Reuters-ი ავრცელებს. გამოცემის ცნობითვე, დაღუპულთა შორის 490 მომიტინგეა, 48 კი უსაფრთხოების სამსახურის წარმომადგენელი. მათივე ინფორმაციით, საპროტესტო აქციების განმავლობაში სულ 10 600 ადამიანი დააკავეს.

14 საათის წინ

რუსთაველის გამზირზე საპროტესტო აქცია მიმდინარეობს. პარლამენტთან შეკრებილებს თან აქვთ საქართველოსა და ევროკავშირის დროშები. ისინი სკანდირებენ: "ძირს რუსული რეჟიმი! თავისუფლება პოლიტპატიმრებს".  დემონსტრანტების მოთხოვნები უცვლელია - დაინიშნოს ახალი საპარლამენტო არჩევნები და გათავისუფლდნენ აქციების ფარგლებში დაკავებული პირები.

15 საათის წინ

გუდაური(ფოსტა)-კობის მონაკვეთზე ავტოტრანსპორტის მოძრაობა აკრძალულია. საავტომობილო გზების დეპარტამენტის ინფორმაციით, გარემოს ეროვნული სააგენტოს ცნობით,  მცხეთა–სტეფანწმინდა–ლარსის საავტომობილო გზის კმ93-კმ107 (გუდაური(ფოსტა)–კობის) მონაკვეთზე ზვავსაშიშროების საფრთხის დონე მაღალია, რის გამოც აღნიშნულ მონაკვეთზე შეზღუდულია ყველა სახის საგზაო მოძრაობა.

15 საათის წინ

უკრაინის შეიარაღებულმა ძალებმა კასპიის ზღვაში, რუსეთის ერთ-ერთი უდიდესი ნავთობმწარმოებლის, „ლუკოილის“ კუთვნილ სამ რუსულ საბურღ პლატფორმას დაარტყა.   უკრაინის ძალებმა ასევე დაარტყა რუსეთის 49-ე  შეიარაღებული არმიის საწყობსა და ტექნიკური მხარდაჭერის ქვედანაყოფს ნოვოტროიცკეს რაიონში, რუსეთის მიერ ოკუპირებულ ხერსონის ოლქში.

15 საათის წინ

დონალდ ტრამპი - კუბა მრავალი წლის განმავლობაში ვენესუელიდან მიღებული ნავთობითა და ფულით ცხოვრობდა - კუბაში ნავთობი და ფული აღარ წავა, ვენესუელას ახლა აშშ ჰყავს, მსოფლიოში ყველაზე ძლიერი სამხედრო ძალა

15 საათის წინ

რეზა ფეჰლევი მომიტინგეებს - ნუ მიატოვებთ ქუჩებს - პრეზიდენტი ტრამპი ყურადღებით აკვირდება თქვენს აღუწერელ სიმამაცეს და განაცხადა, რომ მზადაა დაგეხმაროთ.  „ქუჩებს ნუ მიატოვებთ. ჩემი გული თქვენთანაა“, - აღნიშნა რეზა ფეჰლევიმ. ირანის უკანასკნელი შაჰის შვილის, რეზა ფეჰლევის განცხადებით, მომიტინგეებმა მნიშვნელოვნად დაასუსტეს ირანის რეჟიმი.

20 საათის წინ

ცნობილი თურქი მსახიობი ჯან იამანი დააკავეს. სტამბოლში ნარკოტიკებთან დაკავშირებული ოპერაციის ფარგლებში, რომელიც ღამით ჩატარდა და ცხრა ღამის კლუბის რეიდს მოიცავდა, შვიდი ადამიანი დააკავეს. დაკავებულებს შორის არიან ცნობილი თურქი მსახიობი ჯან  იამანი და მსახიობი სელენ გორგუზელი.

22 საათის წინ

ირანში საპროტესტო აქციები გრძელდება. ადამიანის უფლებათა დამცველი ჯგუფის ცნობით, აქციების დროს სულ მცირე 78 მომიტინგე დაიღუპა და 2 600-ზე მეტი ადამიანი დააკავეს, - ინფორმაციას CNN-ი ავრცელებს. 60 საათზე მეტია ირანში ინტერნეტთან წვდომა არ არის და სატელეფონო ხაზები გათიშულია.

22 საათის წინ

ჭიათურაში, პოლიციელზე თავდასხმის ბრალდებით, 4 პირი დააკავეს.   ბრალდებულებს, სიტყვიერი დაპირისპირება მოუვიდათ სამსახურებრივ საქმიანობასთან დაკავშირებით, პატრულ-ინსპექტორთან, რის შემდეგაც ჯგუფურად თავს დაესხნენ და ფიზიკური შეურაცხყოფა მიაყენეს მას. "თავდასხმის შედეგად, პატრულ-ინსპექტორმა სხეულის სხვადასხვა არეში დაზიანება მიიღო, ხოლო ბრალდებულები შემთხვევის ადგილიდან მიიმალნენ.

22 საათის წინ

რუსებმა 11 იანვრის ღამეს უკრაინას 154 უპილოტო საფრენი აპარატით შეუტიეს, უკრაინელებმა აქედან 125 ჩამოაგდეს, - ინფორმაციას უკრაინული მედია ქვეყნის საჰაერო ძალებზე დაყრდნობით ავრცელებს. მათივე ინფორმაციით, დაფიქსირდა დარტყმა 22 დრონით 18 ლოკაციაზე.

23 საათის წინ

ირანის პარლამენტის სპიკერის განცხადებით, აშშ-ის მხრიდან თავდასხმის შემთხვევაში, ისრაელი და აშშ-ის სამხედრო ბაზები მათი „ლეგიტიმური სამიზნეები“ გახდებიან

23 საათის წინ

მზია ამაღლობელის სოლიდარობის ნიშნად ქალი პოლიტიკოსები რუსთავის ქალთა კოლონიასთან შეიკრიბნენ. მათ ადგილზე მიტანილი აქვთ ბანერები: „მზია ამაღლობელი 1 წელია ციხეშია“, „თავისუფლება სინდისის პატიმრებს“, „თავისუფლება მზიას!“, „იბრძოლეთ, სანამ გვიანი არ არის“, „თავისუფლება რეჟიმის ტყვეებს“.

23 საათის წინ

სენატორი ლინდსი გრემი - პრეზიდენტ ტრამპის სიტყვები: „გავხადოთ ირანი კვლავ დიდებული“, ნიშნავს, რომ ირანში მომიტინგეებმა აიათოლა უნდა დაამარცხონ - დახმარება გზაშია.  მივმართავ ირანელ ხალხს: თქვენი ხანგრძლივი კოშმარი დასასრულს უახლოვდება.

23 საათის წინ

Reuters - ისრაელი ირანში აშშ-ის შესაძლო ჩარევისთვის მზადყოფნაშია. ერთ-ერთი ისრაელელი წყაროს ცნობით, ისრაელის პრემიერ-მინისტრმა ბენიამინ ნეთანიაჰუმ და აშშ-ის სახელმწიფო მდივანმა მარკო რუბიომ ტელეფონით ისაუბრეს და აშშ-ის ირანში ჩარევის შესაძლებლობა განიხილეს.

11-01-2026 12:24

პოლიციამ ბათუმში, ინტერპოლის წითელი ცირკულარით ძებნილი თურქეთის მოქალაქე დააკავა. „მსჯავრდებული თურქეთის რესპუბლიკის მიერ, თავისუფლების აღკვეთისა და მუქარის ფაქტებზე წითელი ცირკულარით 2025 წლის ნოემბრიდან იძებნებოდა.

11-01-2026 12:17