პრეზიდენტს სურდა, ნაჩქარევად არ მიეღოთ გადაწყვეტილებები – ფიქრია ჩიხრაძე პრეზიდენტის მცდელობაზე

პრეზიდენტის კიდევ ერთი მცდელობა საკონსტიტუციო ცვლილებებზე ფართო კონსესუსით მიეღოთ გადაწყვეტილება – ასე აფასებს, გიორგი მარგველაშვილის პოლიტიკური მრჩეველი ფიქრია ჩიხრაძე, უარს რიგგარეშე სხდომის დანიშვნაზე.

ჩიხრაძე განმარტავს, რომ საკონსტიტუციო ცვლილებების მიღება დაჩქარებულ ვადებში ხდება, რაც მისი თქმით, დაუშვებელია.

მისივე განცხადებით, კონსტიტუციის ახალი პროექტი არ არის თანხმობის დოკუმენტი და ის საჭიროებს ფართო განხილვას.

„პრეზიდენტმა ამ გადაწყვეტილებით კიდევ ერთხელ მოუწოდა პარლამენტს, საპარლამენტო უმრავლესობას უპირველეს ყოვლისა, რომ თუკი არსებობს რაიმე რესურსი, ეს რესურსი გამოვიყენოთ იმისათვის, რომ რეალურად თანხმობის დოკუმენტის შექმნაზე ვიმუშაოთ, კონსესუსის მიღწევაზე ვიმუშაოთ და არა ესე ნაჩქარევად მივიღოთ გადაწყვეტილებები,”-განაცხადა ფიქრია ჩიხრაძემ.


 

Related posts